କୋଲକାତା,୨୫।୮: ଆରଜିକର ମେଡିକାଲ କଲେଜର ପୂର୍ବତନ ପ୍ରିନ୍ସପାଲ ସନ୍ଦୀପ ଘୋଷଙ୍କ ଘରେ ସିବିଆଇ ଚଢାଉ। ସନ୍ଦୀପଙ୍କ ଘର ସହିତ କୋଲକତାରେ ଥିବା ମୋଟ ୧୫ଟି ସ୍ଥାନରେ ରବିବାର ସକାଳୁ ହୋଇଛି ଚଢାଉ। ସନ୍ଦୀପଙ୍କ କାର୍ଯ୍ୟକାଳ ସମୟରେ ଆର୍ଥିକ ଅନିମିତତା ନେଇ ଏହି ଚଢାଉ ହୋଇଛି। ସିବିଆଇ ସହ ଏହି ଚଢାଉ ସମୟରେ ଭ୍ରଷ୍ଟାଚାର ନିରୋଧି ଶାଖାର ଅଧିକାରୀ ମଧ୍ୟ ଥିଲେ। ଆରଜି କର ମେଡିକାଲ କଲେଜ ଓ ହସ୍ପିଟାଲରେ ଫରେନସିକ୍ ମେଡିସିନ୍ ଓ ଟକ୍ସିକୋଲୋଜି ଡେମୋଷ୍ଟେ୍ରଟର ଡକ୍ତର ଦେବାଶିକ ସୋମଙ୍କ ଘରେ ବି ହୋଇଛି ରେଡ୍।
ଆରଜି କର ମେଡିକାଲ କଲେଜ ଓ ହସ୍ପିଟାଲର ପୂର୍ବତନ ଉପାଧ୍ୟକ୍ଷ ଅଖତର ଅଲ୍ଲୀଙ୍କ ଦ୍ବାରା ତିନି ଦିନ ପୂର୍ବରୁ ରୁଜୁ କରାଯାଇଥିଲା ଅଭିଯୋଗ ପରେ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ଅଭିଯୋଗରେ ଡକ୍ଟର ଦେବାଶିଷ ସୋମଙ୍କ ବିରୋଧରେ ଭ୍ରଷ୍ଟାଚର ଓ ଅନିୟମିତତା ଅଭିଯୋଗ ରହିଛି।
ଶନିବାର ସିବିଆଇ କୋଲକାତା ହାଇକୋର୍ଟଙ୍କ ନିର୍ଦେଶ ପରେ କାର୍ଯ୍ୟାନୁଷ୍ଠାନ ଗ୍ରହଣ କରି ଡକ୍ଟର ସନ୍ଦୀପ ଘୋଷଙ୍କ ବିରୋଧରେ ଏଫ୍ଆଇଆର ରୁଜୁ କରିଥିଲେ। ହାଇକୋର୍ଟଙ୍କ ଏକକ ଖଣ୍ଡପୀଠଙ୍କ ଦ୍ବାରା ସିବିଆଇକୁ ମେଡିକାଲ କଲେଜରେ କଥିତ ଭ୍ରଷ୍ଟାଚାର ଯାଞ୍ଚ ନେଇ ନିର୍ଦେଶ ଦେବାପରେ ଆରମ୍ଭ ହୋଇଛି ରେଡ୍। ଏହା ପୂର୍ବରୁ ହାଇକୋର୍ଟଙ୍କ ଏକ ସ୍ବତନ୍ତ୍ର ଟିମ୍(ଏସଆଇଟି) ନିଜାମ ପାଲେସ୍ ସ୍ଥିତ ସିବିଆଇ କାର୍ଯ୍ୟାଳୟ ଗସ୍ତ କରିଥିଲା ଓ ମାମଲା ସମ୍ପର୍କିତ ଗୁରୁତ୍ବପୂର୍ଣ୍ଣ ଦସ୍ତାବିଜ ପ୍ରଦାନ କରିଛି।
