ନୂଆଦିଲ୍ଲୀ ୫/୯: ସୁନା ଏବଂ ରୂପା ଦାମ୍ ଆଜି ହ୍ରାସ ପାଇଛି । ୫ ସେପ୍ଟେମ୍ବରରେ ସୁନା ଦାମ୍ ଖସିଛି । ମଲ୍ଟି କମୋଡିଟି ଏକ୍ସଚେଞ୍ଜରେ ସୁନା ଦାମ୍ ଆଜି ୫୯,୦୦୦ ଟଙ୍କା ପାଖାପାଖି ଟ୍ରେଡ୍ କରୁଛି । ଏହା ବ୍ୟତୀତ ରୂପା ଦାମ୍ ୭୪ ହଜାର ଟଙ୍କା ପାର୍ କରିଛି । ସୁନା କିଣିବାକୁ ଯୋଜନା କରୁଥିଲେ ଏହି ସମୟରେ କିଣିପାରିବେ । ସୁନା ଦାମ୍ କମ୍ ବେଶି ଲାଗି ରହିଛି କିନ୍ତୁ ଏହି ସମୟରେ ୨୪ କ୍ୟାରେଟ୍ ଗୋଲ୍ଡର ଦାମ୍ ୬୦ ହଜାର ଟଙ୍କା ତଳେ ରହିଛି । 

MCXରେ ଶସ୍ତା ହୋଇଯାଇଛି ସୁନା-ରୂପା

ମଲ୍ଟି କମୋଡିଟି ଏକ୍ସଚେଞ୍ଜରେ ସୁନା ଦାମ୍ ଆଜି ମଙ୍ଗଳବାର ୦.୦୨ ପ୍ରତିଶତ ହ୍ରାସ ସହିତ ୫୯୩୮୦ ଟଙ୍କା ପ୍ରତି ୧୦ ଗ୍ରାମ ସ୍ତରରେ ରହିଛି । ଏହା ସହିତ ଆଜି ରୂପା ଦାମ୍ ୦.୫୬ ପ୍ରତିଶତ ହ୍ରାସ ସହିତ ୭୪୧୦୨ ଟଙ୍କା ପ୍ରତି କିଲୋଗ୍ରାମ ସ୍ତରରେ ରହିଛି । ଅନ୍ତର୍ଜାତୀୟ ମାର୍କେଟ କଥା କହିବା ତ ଏଠାରେ ମଧ୍ୟ ସୁନା-ରୂପା ଦାମରେ ହ୍ରାସ ଦେଖିବାକୁ ମିଳିଛି । କମେକ୍ସରେ ସୁନା ଏକ ମାସର ରେକର୍ଡ ଲେବଲରେ ପହଞ୍ଚି ଖସିଛି । ଏହା ସହିତ ସୁନାର ଦାମ୍ ୧୯୬୦ ଡଲାର ପ୍ରତି ଆଉନ୍ସ ସ୍ତରରେ ରହିଛି । ରୂପା ଦାମରେ ମଧ୍ୟ ୧.୫ ପ୍ରତିଶତ ହ୍ରାସ ଦେଖିବାକୁ ମିଳୁଛି । କମେକ୍ସରେ ରୂପା ଦାମ୍ ୨୪.୨୩ ଡଲାର ପ୍ରତି ଆଉନ୍ସରେ ରହିଛି । 

୨୨ କ୍ୟାରେଟ୍ ସୁନା ଦାମ୍

୫ ସେପ୍ଟେମ୍ବର ଦିଲ୍ଲୀରେ ୨୨ କ୍ୟାରେଟ୍ ଗୋଲ୍ଡ ଦାମ୍ ୫୫,୪୫୦ ଟଙ୍କା ପ୍ରତି ୧୦ ଗ୍ରାମ ସ୍ତରରେ ରହିଛି । ଏହା ବ୍ୟତୀତ ମୁମ୍ବାଇରେ ୫୫,୧୫୦ ଟଙ୍କା ପ୍ରତି ୧୦ ଗ୍ରାମରେ ରହିଛି । କୋଲକାତାରେ ମଧ୍ୟ ଗୋଲ୍ଡର ଦାମ୍ ୫୫,୧୫୦ ଟଙ୍କା ଏବଂ ଚେନ୍ନାଇରେ ୫୫,୪୫୦ ଟଙ୍କା ପ୍ରତି ୧୦ ଗ୍ରାମରେ ରହିଛି । ଯଦି ରୂପା ଦାମ୍ କଥା କହିବା ତ ଆଜି ଏଥିରେ ମଧ୍ୟ ହ୍ରାସ ଦେଖିବାକୁ ମିଳିଛି । ଦେଶର ରାଜଧାନୀ ଦିଲ୍ଲୀରେ ରୂପା ଦାମ୍ ୭୬,୨୦୦ ଟଙ୍କା ପ୍ରତି କିଲୋ ରହିଛି । ଏହା ବ୍ୟତୀତ ମୁମ୍ବାଇ ଏବଂ କୋଲକାତାରେ ୭୬,୨୦୦ ଟଙ୍କା ପ୍ରତି କିଲୋ ରହିଛି । ଚେନ୍ନାଇରେ ଏକ କିଲୋ ରୂପା ଦାମ୍ ୭୯ ହଜାର ଟଙ୍କା ।