ଭୁବନେଶ୍ୱର,୦୬/୦୮: ଖାଇବାକୁ ଦେଉ ନଥିଲେ । ଏପରିକି ଦରମା ମଧ୍ୟ ଦେଉ ନଥିଲେ । ଦରମା ମାଗି ମାଗି ଥକି ଯାଇଥିଲେ ବାର୍‌ ଗାର୍ଲ । ଟଙ୍କା ପାଇଁ ଜିଦ୍‌ ଧରିବାରୁ ବାର୍‌ ମାଲିକ  ସେମାନଙ୍କୁ ତାଲା ପକାଇ ଦେଇଥିଲା ।  ଏମିତି ଘଟଣା ଦେଖିବାକୁ ମିଳିଛି ଧଉଳି  ଥାନା ଲିଙ୍ଗିପୁର ଅଞ୍ଚଳରେ । ଖବର  ପାଇ ପୁଲିସ୍‌ ୪ ଜଣ ବାର୍‌ ଗାର୍ଲଙ୍କୁ  ଉଦ୍ଧାର କରିଛି । ଏହି ଘଟଣା ପରେ  ବାର୍‌ ମାଲିକ ଫେରାର ହୋଇଯାଇଛି ।  ପୁଲିସ୍‌ ବାର୍‌ ମ୍ୟାନେଜରଙ୍କୁ ଡାକି  ଘଟଣା ବିଷୟରେ ଜଣାଇବା ସହ  ତୁରନ୍ତ ସେମାନଙ୍କ ଦରମା ଦେବାକୁ  କହିଛି । ଏନେଇ ଥାନାରେ କୌଣସି  ଅଭିଯୋଗ ହୋଇନାହିଁ । ଉଦ୍ଧାର  ହୋଇଥିବା ୪ ଜଣ ବାର୍‌ ଗାର୍ଲକୁ  ପୁଲିସ୍‌ ସୁଧାର ଗୃହରେ ଛାଡ଼ିଛି । ଯଦି ବାର୍‌ ମ୍ୟାନେଜର ଦରମା ନ ଦିଅନ୍ତି ତା’  ହେଲେ ସେମାନଙ୍କୁ ବିରୋଧରେ ବାର୍‌  ଗାର୍ଲ ଏତଲା ଦେବେ ବୋଲି କହିଛନ୍ତି ।