ପ୍ରମୂଖ ଖବର
  • ଟି-ଟ୍ୱେଣ୍ଟି କ୍ରିକେଟ୍ ବିଶ୍ୱକପ୍ ୨୦୨୪: ସେଣ୍ଟ୍‌ଭିନ୍‌ସେଣ୍ଟରେ ସାମ୍ନାସାମ୍ନି ହେବେ ବାଂଲାଦେଶ- ନେଦରଲାଣ୍ଡ୍‌ସ
  • ||
  • ଜୁନ୍ ୧୮ରେ ବାରାଣସୀ ଯିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ତୃତୀୟ ପାଳିରେ ହେବ ପ୍ରଥମ ଗସ୍ତ
  • ||
  • ଅରୁଣାଚଳର ମୁଖ୍ୟମନ୍ତ୍ରୀ ଭାବେ ଶପଥ ନେବେ ପେମା ଖାଣ୍ଡୁ, ସମାରୋହରେ ସାମିଲ୍ ହେବେ ଜେପି ନଡ୍ଡା, ଅମିତ ଶାହ
  • ||
  • ବିଧାୟକ ପଦରୁ ସପା ମୁଖ୍ୟ ଅଖିଳେଶ ଯାଦବଙ୍କ ଇସ୍ତଫା
  • ||
  • ପୁରୀ : ଖୋଲିଲା ଶ୍ରୀମନ୍ଦିର ୪ ଦ୍ବାର, ମଙ୍ଗଳ ଆଳତି ଦର୍ଶନ କଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ
  • ||

ବାଙ୍କୀ କଚେରି ପଡ଼ିଆରେ ହାଇଡ୍ରାମା, ଖଣ୍ଡା ବୁଲାଇ ପୋଲିସକୁ ଆକ୍ରମଣ

ବାଙ୍କୀ, ୦୧/୦୯ : ଖଣ୍ଡା ବୁଲାଇ ପୋଲିସକୁ ଆକ୍ରମଣ। କଟକ ଜିଲ୍ଲା ବାଙ୍କୀ କଚେରି ପଡ଼ିଆରେ ହାଇଡ୍ରାମା। ଶୁକ୍ରବାର ସକାଳ ପ୍ରାୟ ସାଢେ଼ ୧୦ଟାରେ ଜଣେ ଯୁବକ ହାତରେ ଏକ ଖଣ୍ଡା ଓ ବାମ ହାତରେ ଗୋଟିଏ ମାର୍ତୁଲ ଧରି ସାରା ବାଙ୍କୀ ବଜାରରେ ଆତଙ୍କ ଖେଳାଇଥିଲେ। କଲେଜ ନିକଟରେ ଥିବା ବ୍ୟାଙ୍କ ଏଟିଏମ୍ ମଧ୍ୟ ଭଙ୍ଗାରୁଜା କରିଥିଲେ । ଏହି ଖବର ପାଇବା ପରେ ବାଙ୍କୀ ପୋଲିସ ତାଙ୍କୁ ଗିରଫ କରିବା ପାଇଁ ସେହି ସ୍ଥାନକୁ ଯାଇଥିବା ବେଳେ ତାଙ୍କୁ ପାଇନଥିଲା । ପରେ ଉକ୍ତ ଯୁବକ ପୁନଶ୍ଚ କଚେରୀ ପଡ଼ିଆ ଠାରେ ଏଭଳି ଖଣ୍ଡା ବୁଲାଇ ଲୋକମାନଙ୍କୁ ଭୟଭୀତ କରିବା ସହିତ ଗାଳିଗୁଲଜ କରୁଥିବା ବେଳେ ପୋଲିସ ସେଠାରେ ପହଞ୍ଚିଥିଲା । 

ତେବେ ଯୁବକ ଜଣକ ପୋଲିସକୁ ଦେଖିବା କ୍ଷଣି ଆହୁରି ଉତ୍ତେଜିତ ହୋଇ ପଡ଼ିଥିଲା । ହାତରେ ଧରିଥିବା ଏକ ଖଣ୍ଡାରେ ଜଣେ ପୋଲିସକୁ ହାଣି ଦେବାକୁ ଗୋଡ଼ାଇଥିଲା । ସଂପୃକ୍ତ ପୋଲିସ ସୌଭାଗ୍ୟ ବଶତଃ ବର୍ତ୍ତି ଯାଇଥିଲେ। ପ୍ରାୟ ଦେଢ ଘଣ୍ଟା ଧରି କଚେରୀ ପଡ଼ିଆରେ ଏହି ହାଇଡ୍ରାମା ଚାଲିଥିବା ବେଳେ ଶହ ଶହ ଲୋକ ସେଠାରେ ପହଞ୍ଚି ଥିଲେ । କେତେକ ବନ୍ଧୁକଧାରୀ ପୋଲିସକୁ ଦେଖିବା କ୍ଷଣି ତାର ରାଗ ପୁଣି ପଞ୍ଚମରେ ପହଞ୍ଚି ଯାଇଥିଲା । 

ଯୁବକ ଜଣଙ୍କ ବାଙ୍କୀ ବିଜେଡି ବିଧାୟକ, ପୂର୍ବତନ ବିଧାୟକ, ବିଜେପି ନେତାଙ୍କ ନାମ ନେଇ ଅନେକ ଗାଳିମନ୍ଦ କରୁଥିବା ବେଳେ ଉପସ୍ଥିତ ଥିବା ପୋଲିସ କେବଳ ନିରବଦ୍ରଷ୍ଟା ସାଜିଥିଲା। ଏହି ଯୁବକଙ୍କ ନାମ ସରୋଜ ଦାସ ବୋଲି କୁହାଯାଉଛି। ତାଙ୍କ ଘର ସ୍ଥାନୀୟ ହରିରାଜପୁରରେ ବୋଲି ସେଠାରେ କେତେକ ବ୍ୟକ୍ତି କହିଛନ୍ତି। କୁହାଯାଉଛି ସରୋଜ ଏକ ଗାଡି କିଣିଥିବା ବେଳେ ଗାଡି ବିକ୍ରେତା ତାଙ୍କୁ କୌଣସି କାଗଜପତ୍ର ଆଜି ପର୍ଯ୍ୟନ୍ତ ଦେଉନାହାଁନ୍ତି । ପୋଲିସକୁ ଜଣାଇବା ସତ୍ୱେ ଏହାର ସମାଧାନ ହେଉନାହିଁ । ତେଣୁ ବାଧ୍ୟ ହୋଇ ଏଭଳି କାଣ୍ଡ କରିଥିବା କୁହାଯାଉଛି । ସେ ପୂର୍ବରୁ ସେନାରେ ଚାକିରି କରିଥିଲେ ।

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.