ମୁମ୍ବାଇ,୨୫/୫: ଫ୍ରାନ୍ସରେ ଜାରି ରହିଛି  କାନ୍ସ ଫିଲ୍ମ ଫେଷ୍ଟିଭାଲ୍ । ଏଥିରେ  ଭାରତୀୟ ଅଭିନେତ୍ରୀଙ୍କ ଠାରୁ ଆରମ୍ଭ କରି ହଲିଉଡ ପର୍ଯ୍ୟନ୍ତ ଅଭିନେତ୍ରୀମାନେ ରେଡ କାର୍ପେଟରେ ନିଜର ଜଲୱା ଦେଖାଉଛନ୍ତି ।   କିଆରା ଆଡଭାନୀ, ଜ୍ୟାକଲିନ ଫର୍ଣ୍ଣାଡିଜ ଭଳି ଭାରତୀୟ ଅଭିନେତ୍ରୀ ନିଜ ଗ୍ଲାମର ଲୁକରେ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିବା ବେଳେ ଅନେକ ଭାରତୀୟ ଫିଲ୍ମ ପ୍ରିମିୟର ମଧ୍ୟ ହୋଇଛି । ଏହାରି ମଧ୍ୟରେ ବର୍ତ୍ତମାନ ୭୭ତମ କାନ୍ସ ଫିଲ୍ମ ଫେଷ୍ଟିଭାଲରେ ଏଫଟିଆଇଆଇ ଦ୍ୱାରା ନିର୍ମିତ ଫିଲ୍ମ 'ସନଫ୍ଲାଭାର ୱେର ଦ ଫାଷ୍ଟ ୱାନ୍ସ'ଦ୍ୱିତୀୟ ଥର ପାଇଁ ପୁଣି କାନ୍ସରେ ପୁରସ୍କାର ଲାଭ କରିଛି । 

ଚିଦାନନ୍ଦ ଏସ ନାୟକଙ୍କ ଫିଲ୍ମ 'ସନଫ୍ଲାୱାର ୱେର ଦ ଫାଷ୍ଟ ୱାନ୍ସ' ଶ୍ରେଷ୍ଠ ସଟ ଷ୍ଟୋରୀ ପାଇଁ 'ଲା ସିନେଫ'ର ପ୍ରଥମ ପୁରସ୍କାର ଜିତିଛ।  ଯାହା ଭାରତ ପାଇଁ ଏକ ବଡ଼ ବିଜୟ ଅଟେ । କାନ୍ସ ଫିଲ୍ମ ଫେଷ୍ଟିଭାଲରେ ତାଙ୍କ ଚଳଚ୍ଚିତ୍ର ସମ୍ମାନ ପାଇଥିବା ନେଇ ଖୁସି ବ୍ୟକ୍ତ କରି କରିଛନ୍ତି ଚିଦାନନ୍ଦ । ତେବେ ଏହା ପ୍ରଥମ ଥର  ପାଇଁ ଏଫଟିଆଇଆଇ ଚଳଚ୍ଚିତ୍ରକୁ ପୁରସ୍କାରରେ ସମ୍ମାନିତ କରାଯାଇ ନାହିଁ  ୨୦୨୦ ମସିହାରେ ମଧ୍ୟ ଏଫଟିଆଇଆଇର ଅଶ୍ମିତା ଗୁହା ନିୟୋଗୀ ମଧ୍ୟ ଫିଲ୍ମ 'କ୍ୟାଟଡଗ୍' ପାଇଁ ପୁରସ୍କାର ପାଇଥିଲେ । ତେବେ ଏହି'ସନଫ୍ଲାୱାର ୱେର ଦ ଫାଷ୍ଟ ୱାନ୍ସ' ଫିଲ୍ମଟି କନ୍ନଡରେ ରହୁଥିବା ଲୋକଙ୍କ କାହାଣୀ ଉପରେ ଆଧାରିତ ।