ପ୍ରମୂଖ ଖବର
  • ଟି-ଟ୍ୱେଣ୍ଟି ବିଶ୍ୱକପ୍‌ ୨୦୨୪: ଫ୍ଲୋରିଡାରେ ବନ୍ୟା, ୟୁଏସ୍‌ଏ-ଆୟର୍ଲାଣ୍ଡ୍‌ ମ୍ୟାଚ୍‌ ବାତିଲ ଆଶଙ୍କା
  • ||
  • ମଙ୍ଗଳବାର ଖୋଲିବ ସ୍କୁଲ: ପ୍ରଥମରୁ ଦିଆଯିବ ମଧ୍ୟାହ୍ନଭୋଜନ, ରୋଷେଇ ପୂର୍ବରୁ ସାମଗ୍ରୀ ଯାଞ୍ଚ କରିବାକୁ ନିର୍ଦ୍ଦେଶ
  • ||
  • ରଥଖଳା ହାଲ୍‌ଚାଲ୍‌...ପାଞ୍ଚ ଦେବ ଦମ୍ପତିଙ୍କୁ ଏକତ୍ର ପନ୍ତି ଅର୍ପଣ ସମ୍ପନ୍ନ, ଦଣ୍ଡାରେ ଲାଗିଲା ଆଗ-ପଛ ମୁହାଁଟ
  • ||
  • କୋଣାର୍କ ରାସ୍ତାରେ ଓଲଟିଲା ପିକଅପ୍ ଭ୍ୟାନ୍, ୨ ମୃତ ୧୦ରୁ ଉର୍ଦ୍ଧ୍ଵ ଆହତ
  • ||
  • ରଣେନ୍ଦ୍ର ପ୍ରତାପ ସ୍ୱାଇଁ ଅସ୍ଥାୟୀ ବାଚସ୍ପତି: ୧୮ ଓ ୧୯ରେ ବିଧାୟକଙ୍କ ଶପଥ ଉତ୍ସବ, ୨୦ରେ ବାଚସ୍ପତି ନିର୍ବାଚନ
  • ||
  • ଶୁକ୍ରବାର ଶ୍ରୀମନ୍ଦିର ନୀତି ସବ୍‌କମିଟି ଓ ଛତିଶା ନିଯୋଗ ବୈଠକ, ସ୍ନାନଯାତ୍ରା ନୀତି ନିର୍ଘଣ୍ଟକୁ ମିଳିବ ଅନୁମୋଦନ
  • ||
  • ରଜ ମଉଜକୁ ଫିକା କରିଦେବ ଗୁଳୁଗୁଳି, ଆସନ୍ତା ୨ ଦିନ ଯାଏ ତାତିରୁ ନାହିଁ ନିସ୍ତାର
  • ||

ଛୋଟ ଟିକସ ଖିଲାପୀଙ୍କୁ ବି ଟାର୍ଗେଟ୍‌, ପଠାଗଲା ହଜାର ହଜାର ନୋଟିସ୍‌

ମୁମ୍ବାଇ,୨୧ା୧(ଏଜେନ୍ସି): ଟିକସ ରାଜସ୍ୱ ବୃଦ୍ଧି ନିମନ୍ତେ ସରକାର ଏବେ ବିଭିନ୍ନ ପନ୍ଥା ଅବଲମ୍ବନ କରିଛନ୍ତି । କମ୍‌ ପରିମାଣର ଟିକସ ଏଡ଼ାଇଥିବା ସଂସ୍ଥା ଓ ବ୍ୟକ୍ତିବିଶେଷଙ୍କୁ ମଧ୍ୟ ଖୋଜି ଖୋଜି ଟାର୍ଗେଟ୍‌ କରାଯାଉଛି । ଅନ୍ୟପକ୍ଷରେ ୫,୦୦୦ କୋଟି ଟଙ୍କାର ବକେୟା ଟିକସ ଆଦାୟ ନିମନ୍ତେ ଆୟକର ବିଭାଗ ଟିକସଦାତାଙ୍କ ପଛରେ ପଡ଼ିଛି । ଯେଉଁମାନେ ବକେୟା ଟିକସ ପୈଠ କରିନାହାନ୍ତି, ସେମାନଙ୍କୁ ବିଭାଗ ଟାର୍ଗେଟ୍‌ କରୁଥିବା ଜଣାପଡ଼ିଛି । ମୁମ୍ବାଇର ମ୍ରିଦୁଲା ନାମ୍ନୀ ଜଣେ ମହିଳା ଉଦ୍ୟୋଗୀ ଏବେ ଆୟକର ବିଭାଗ ପକ୍ଷରୁ ପଠାଯାଇଥିବା ନୋଟିସ୍‌କୁ ନେଇ ପ୍ରମାଦ ଗଣୁଛନ୍ତି । ଏଥିପାଇଁ ତାଙ୍କୁ କୋର୍ଟରେ ଚକ୍କର କାଟିବାକୁ ପଡୁଛି । ତେବେ ସେ କୌଣସି ବଡ଼ ଆକାରର ଟିକସ ଫାଙ୍କିନାହାନ୍ତି । ତାଙ୍କ କର୍ମଚାରୀଙ୍କ ଦରମାରୁ ହାସଲ କରାଯାଇଥିବା ଟିଡିଏସ୍‌କୁ ଜମା କରିବାରେ ସେ ୩୦ ଦିନ ବିଳମ୍ବ କରିଥିଲେ । ଏଥିପାଇଁ ଆୟକର ବିଭାଗ ତାଙ୍କ ପଛରେ ପଡ଼ିଯାଇଛି । ମ୍ରିଦୁଲାଙ୍କ କଣ୍ଟେଣ୍ଟ କମ୍ପାନିରେ ୬ ଜଣ ସ୍ଥାୟୀ କର୍ମଚାରୀ ଥିବା ବେଳେ ଅଧିକ କାମ ବେଳେ ବାହାର ଲୋକଙ୍କୁ ନିୟୋଜିତ କରାଯାଇଥାଏ । ଆୟକର ଧାରା ୨୭୬ବି ଅନୁସାରେ ତାଙ୍କୁ ନୋଟିସ୍‌ ଜାରି କରାଯାଇଛି । ଏହି ଧାରାରେ ସର୍ବାଧିକ ୭ ବର୍ଷ ଯାଏ ଜେଲଦଣ୍ଡ ବ୍ୟବସ୍ଥା ରହିଛି । ଏ ବାବଦରେ ମ୍ରିଦୁଲା କୁହନ୍ତି, ତାଙ୍କର କେବଳ ୪ ଜଣ କର୍ମଚାରୀ ଆୟକର ଛାଡ଼ ସୀମା (୨.୫ ଲକ୍ଷ ଟଙ୍କା)ଠାରୁ ଅଧିକ ଆୟ କରିଥିଲେ । ସେମାନଙ୍କ ବେତନ ବାବଦ ଟିଡିଏସ୍‌କୁ ସେ ଆର୍ଥିକବର୍ଷ ମଧ୍ୟରେ ଜମା କରିଥିଲେ । ଏହା ସତ୍ତେ୍ୱ ତାଙ୍କୁ ନୋଟିସ୍‌ ଜାରି କରାଯାଇଛି । କେବଳ ମ୍ରିଦୁଲା ନୁହନ୍ତି, ତାଙ୍କ ଭଳି ସ୍ୱଳ୍ପ ପରିମାଣର ଟିକସ ଫାଙ୍କିଥିବା ଲୋକଙ୍କ ପଛରେ ଆୟକର ବିଭାଗ ପଡ଼ିଛି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.