ନୂଆଦିଲ୍ଲୀ, ୦୯।୦୩: ବିଶ୍ୱର ସବୁଠୁ ବୟସ୍କ ମହିଳାଙ୍କ ନିଧନ । ସାଉଥ୍ ଆଫ୍ରିକା ବାସିନ୍ଦା ଜୋହାନା ମାଜିବୁକୋଙ୍କର ୧୨୮ ବର୍ଷରେ ନିଧନ ହୋଇଛି । ଜୋହାନା ୧୮୯୪ ମସିହାରେ ଜନ୍ମ ହୋଇଥିବା ବେଳେ ଚଳିତ ବର୍ଷ ମେ ମାସରେ ସେ ୧୨୯ ବର୍ଷରେ ପାଦ ଥାପିଥାନ୍ତେ । ଜୋହାନାଙ୍କ ପରିବାରଙ୍କ କହିବାନୁସାରେ, ମାର୍ଚ୍ଚ ୩ରେ ତାଙ୍କର ମୃତ୍ୟୁ ହୋଇଥିଲା । ମୁଁ ଏ ପର୍ଯ୍ୟନ୍ତ କାହିଁକି ଜୀବିତ ଅଛି ? ମୁଁ ଏ ପର୍ଯ୍ୟନ୍ତ ଜୀବିତ ରହିବାର କାରଣ କ’ଣ ? ବୋଲି ୨୦୨୨ରେ ଜୋହନା ତାଙ୍କ ପରିବାରକୁ ସେ ପ୍ରଶ୍ନ କରିଥିଲେ ।
{"id":544521,"sizeSlug":"full","linkDestination":"none"}ବିଶ୍ୱର ସବୁଠୁ ବୟସ୍କ ମହିଳା ଭାବେ ଗିନିଜ୍ ବିଶ୍ୱ ରେକର୍ଡରେ ଜୋହାନାଙ୍କ ନାଁ ସାମିଲ ହେବା ଉଚିତ୍ ବୋଲି ଅନେକ ଦାବି କରିଛନ୍ତି । ବୃଦ୍ଧା ବୟସରେ ତାଙ୍କୁ ଚାଲିବାରେ ଅସୁବିଧା ହେଉଥିବା ବେଳେ ତାଙ୍କ ଯତ୍ନ ନେବା ପାଇଁ ୨୦୦୧ ଯାଏଁ ଜଣେ କେୟାର୍ ଟେକର୍ ମଧ୍ୟ ଥିଲେ । କହିରଖୁ କି ଜୋହାନଙ୍କର ୧୨ ଜଣ ଭାଇ ଭଉଣୀ ଥିବାବେଳେ ଏମାନଙ୍କ ମଧ୍ୟରୁ ମାତ୍ର, ୩ ଜଣ ଜୀବିତ ଅଛନ୍ତି । ଷ୍ଟୱାନା ମାଜିବୁକୋଙ୍କ ସହ ତାଙ୍କ ବିବାହ ହୋଇଥିବା ବେଳେ ଉଭୟଙ୍କର ୭ଟି ପିଲା । ଏଥିସହ ତାଙ୍କର ୫୦ରୁ ଅଧିକ ନାତି, ନାତୁଣୀ ରହିଛନ୍ତି । ତେବେ ଜାହୋନା କେବେ ପାଠ ପଢ଼ିନାହାନ୍ତି । ସେ ଚାଷ କାର୍ଯ୍ୟ କରୁଥିଲେ । ୧୨୮ ବର୍ଷ ବୟସରେ ସେ ନିଜର ୩ ପିଢ଼ି ଦେଖିସାରିଥିଲେ । ୧୯୧୪ରେ ପ୍ରଥମ ବିଶ୍ୱଯୁଦ୍ଧ, ୧୯୩୯ରେ ଦ୍ୱିତୀୟ ବିଶ୍ୱଯୁଦ୍ଧ ମଧ୍ୟ ଦେଖିଛନ୍ତି । କେବଳ ଏତିକି ନୁହେଁ ସ୍ପେନିସ୍ ଫ୍ଲୁଠୁ ଆରମ୍ଭ କରି କରୋନା ମହାମାରୀ ଭଳି ବଡ଼ ରୋଗର ମଧ୍ୟ ସେ ସାମନା କରିଛନ୍ତି ।