ନୀଳଗିରି, ୫/୮ : ଆଜି ଶ୍ରାବଣ ମାସର ତୃତୀୟ ସୋମବାର। ଏହି ଅବସରରେ ଉତ୍ତର ଓଡ଼ିଶାର ପ୍ରସିଦ୍ଧ ଶୈବପୀଠ ପଞ୍ଚଲିଙ୍ଗେଶ୍ୱର ଚଳଚଞ୍ଚଳ ହୋଇ ଉଠିଛି। କୂଳଡିହା ଅଭୟାରଣ୍ୟ ଦେବଗିରି ପାହାଡ଼ରେ ବିରାଜମାନ ଥିବା ବାବା ପଞ୍ଚଲିଙ୍ଗେଶ୍ୱରଙ୍କୁ ଶ୍ରାବଣର ସୋମବାରରେ ଜଳଲାଗି କଲେ କୋଟି ଜନ୍ମର ପୁଣ୍ୟ ମିଳିଥାଏ ବୋଲି ବିଶ୍ୱାସ ରହିଛି। 

ଗତକାଲି ଠାରୁ ଲକ୍ଷ ଲକ୍ଷ କାଉଡ଼ିଆ ସୋନ, ବୁଢାବଳଙ୍ଗ, ଗଙ୍ଗାହର, ଘାଘରା, ଟାଙ୍ଗଣା ନଦୀରୁ ଜଳ ଆଣି ବାବା ପଞ୍ଚଲିଙ୍ଗେଶ୍ୱରଙ୍କ ପୀଠକୁ ଆସିଥିଲେ। ରବିବାର ମଧ୍ୟରାତ୍ର ୧୨ଟା ପରେ ବାବାଙ୍କର ନୀତିପୂଜା ହୋଇ ଆଳତି ପରେ କାଉଡ଼ିଆ ଧାଡି ବାନ୍ଧି ଜଣକ ପରେ ଜଣେ ଶିବଲିଙ୍ଗରେ ଜଳାଭିଷେକ କରିଥିଲେ। ଲକ୍ଷ ଲକ୍ଷ କାଉଡ଼ିଆ ଜଳାଭିଷେକ ପାଇଁ ପ୍ରଶାସନ ତରଫରୁ ବ୍ୟାପକ ବ୍ୟବସ୍ଥା କରାଯାଇଥିଲା।