ଜନ୍ମକଲା ଝିଅକୁ ହତ୍ୟା, ମାଆ’ ଓ ସାବତ ବାପାକୁ ଆଜୀବନ କାରାଦଣ୍ଡ
ବାଲେଶ୍ଵର, ୨୫/୦୫ : ଜନ୍ମକଲା ଝିଅକୁ ହତ୍ୟା ଅଭିଯୋଗରେ ମାଆ’ ଓ ସାବତ ବାପାକୁ ଆଜୀବନ କାରାଦଣ୍ଡ। ଏଥିସହ ୫ ହଜାର ଟଙ୍କା ଜରିମାନା କରାଯାଇଛି। ଜରିମାନା ଅନାଦେୟ ହେଲେ ଅଧିକ ୬ ମାସ କାରାଦଣ୍ଡ ଶୁଣାଣି ହୋଇଛି। ବାଲେଶ୍ଵର ସ୍ଵତନ୍ତ୍ର ଓପିଆଇଡି କୋର୍ଟ ଜର୍ଜ ବିଶ୍ୱଜିତ୍ ଦାସ ଏହି ଶୁଣାଣି କରିଛନ୍ତି।
ପ୍ରକାଶ ଥାଉକି, ବେବି ବିୱି ନିଜ ଦ୍ଵିତୀୟ ସ୍ଵାମୀଙ୍କ ସହ ମିଶି ପ୍ରଥମ ସ୍ଵାମୀ ପାଖରୁ ଜନ୍ମ ହୋଇଥିବା ୧୩ ବର୍ଷର ନାବାଳିକା ଝିଅକୁ ହତ୍ୟା କରିଥିଲା। ଏନେଇ ଗତ ୨୮ ଜୁନ ୨୨ରେ ବାଲେଶ୍ଵର ଟାଉନ୍ ଥାନାରେ ମୃତ ନାବାଳିକାଙ୍କ ପିତା ସେକ କୁତୁବୁଦ୍ଧିନ ଅଭିଯୋଗ ଆଣିଥିଲେ । ସମ୍ପୃକ୍ତ ଘଟଣାରେ ମା’ ବେବି ବିୱି ଏବଂ ବେବିର ଦ୍ୱିତୀୟ ସ୍ୱାମୀ ଏସକେ ଅବଦୁଲ ରହିମ ଦୋଷୀ ସାବ୍ୟସ୍ତ ହୋଇଛନ୍ତି। ଫଳରେ ସେମାନଙ୍କୁ ଆଜୀବନ କାରାଦଣ୍ଡ ଶୁଣାଣି ହୋଇଛି। ଏହି ମୋକୋଦ୍ଦମାରେ ସରକାରଙ୍କ ପକ୍ଷରୁ ପବ୍ଲିକ ପ୍ରସିକ୍ୟୁଟର ପ୍ରଣବ କୁମାର ପଣ୍ଡା ମାମଲା ପରିଚାଳନା କରିଥିଲେ।
