ନୂଆଦିଲ୍ଲୀ ୧୮/ ୦୩: ଭାରତ ଓ ଅଷ୍ଟ୍ରେଲିଆ ମଧ୍ୟରେ ଟେଷ୍ଟ ସିରିଜ୍ ପରେ ଏବେ ଦିନିକିଆ ସିରିଜ୍ ଜାରି ରହିଛି । ଟେଷ୍ଟ ସିରିଜକୁ ୨-୧ରେ ଜିତିନେଇଥିବା ଭାରତ ଓ୍ବାନ୍ ଡେ' ସିରିଜରେ ୧-୦ରେ ଆଗୁଆ ରହିଛି । ପ୍ରଥମ ମ୍ୟାଚ୍ ବିଜୟ ପଛରେ ଗୁରୁତ୍ବପୂର୍ଣ୍ଣ ଭୂମିକା ତୁଲାଇଥିଲେ ଲୋକେସ ରାହୁଲ । ଟେଷ୍ଟ ସିରିଜର ପ୍ରଥମ ଦୁଇ ମ୍ୟାଚରେ ସୁପର ଫ୍ଲପ୍ ହେବା ପରେ ତାଙ୍କୁ ଉପ-ଅଧିନାୟକ ପଦ ସମେତ ଦଳରୁ ମଧ୍ୟ ବାଦ୍ ଦିଆଯାଇଥିଲା । କିନ୍ତୁ ଦିନିକିଆ ସିରିଜରେ ଦଳକୁ ବିଜୟୀ କରାଇଥିଲେ ରାହୁଲ । ତେଣୁ ସେ ପୁଣି ଚୟନକର୍ତ୍ତାଙ୍କ ଦୃଷ୍ଟି ଆକର୍ଷଣ କରିବାରେ ସଫଳ ହୋଇଛନ୍ତି ।
ଏବେ ପ୍ରଶ୍ନ ଉଠୁଛି ଯେ ଲୋକେସ ରାହୁଲଙ୍କ ଏହି ଗୋଟିଏ ଇନିଂସ ତାଙ୍କ କ୍ୟାରିୟର ପାଇଁ ସଞ୍ଜିବନି ସାବ୍ୟସ୍ତ ହେବ କି? ମାର୍ଚ୍ଚ ୧ ତାରିଖରେ ଅଷ୍ଟ୍ରେଲିଆ ବିପକ୍ଷରେ ୨ୟ ଟେଷ୍ଟ ଶେଷ ହେଲା । ଅତ୍ୟନ୍ତ ନୈରାଶ୍ୟଜନକ ପ୍ରଦର୍ଶନ କାରଣରୁ ସେ ଦଳରୁ ମଧ୍ୟ ବାଦ୍ ପଡିଲେ । କିନ୍ତୁ ମାର୍ଚ୍ଚ ୧୭ ତାରିଖରେ ଖେଳାଯାଇଥିବା ଦିନିକିଆ ମ୍ୟାଚରେ ଦଳ ପାଇଁ ସଙ୍କଟମୋଚକ ସାଜିଲେ ଲୋକେସ ରାହୁଲ । ଯାହା ଫଳରେ ଭାରତୀୟ ଦଳ ମ୍ୟାଚକୁ ୫ ଓ୍ବିକେଟ୍ରେ ଜିତିନେଲା । ମାତ୍ର ୧୫ ଦିନ ମଧ୍ୟରେ ଭିଲେନ୍ ରୁ ହିରୋ ପାଲଟିଗଲେ ଲୋକେସ ରାହୁଲ ।
wp:html/wp:htmlAn excellent knock from @klrahul here in Mumbai when the going got tough!#TeamIndia 22 runs away from victory.
— BCCI (@BCCI) March 17, 2023
Live - https://t.co/8mvcwAwwah #INDvAUS @mastercardindia pic.twitter.com/Ct4Gq1R1ox
ଲମ୍ବା ସମୟ ଧରି ଅନ୍ତର୍ଜାତୀୟ କ୍ରିକେଟରେ ଫେଲ୍ ମାରୁଥିଲେ ଲୋକେସ ରାହୁଲ । ଏପରିକି ତାଙ୍କ କ୍ୟାରିୟରକୁ ନେଇ ମଧ୍ୟ ପ୍ରଶ୍ନବାଚୀ ସୃଷ୍ଟି ହୋଇଥିଲା । ଅନେକ ପୂର୍ବତନ କ୍ରିକେଟର ତାଙ୍କୁ କାହିଁକି ବାରମ୍ବାର ଚୟନ କରାଯାଉଛି ବୋଲି ପ୍ରଶ୍ନ ମଧ୍ୟ କରିଥିଲେ । କାହିଁକି ରାହୁଲଙ୍କୁ ବାରମ୍ବାର ଚୟନ କରାଯାଉଛି? କିଛି ବ୍ୟକ୍ତି ଜାଣିଶୁଣି ତାଙ୍କୁ ବାଦ୍ ଦେବାକୁ ଚାହୁଁନାହାନ୍ତି କି? ଏବେ ସମୟ ଆସିଛି ଭାରତୀୟ ଦଳର ଚୟନକର୍ତ୍ତାଙ୍କୁ ରାହୁଲଙ୍କ ବ୍ୟତିତ ଅନ୍ୟ କାହାକୁ ଚୟନ କରିବା ଉଚିତ ।
ଅଷ୍ଟ୍ରେଲିଆ ବିପକ୍ଷ ଦିନିକିଆ ସିରିଜରେ ମ୍ୟାଚ୍ ବିଜୟୀ ଇନିଂସ ପରେ ରାହୁଲ ଫର୍ମକୁ ଫେରିଥିବା କୁହାଯାଉଛି । ତେବେ ଆଗକୁ ଆହୁରି ଦୁଇଟି ମ୍ୟାଚ୍ ଥିବାରୁ ତାଙ୍କ ଉପରେ ନଜର ରହିବ । ଆଗକୁ ଦିିନିକିଆ ବିଶ୍ବକପ୍ ଥିବାରୁ ସେ ଦଳର ଜଣେ ନିର୍ଭରଯୋଗ୍ୟ ଭାବେ ସାମିଲ ହୋଇପାରନ୍ତି । ତେଣୁ ସେ ମଧ୍ୟ ରିସ୍କ ନନେଇ ନିଜ ଅନ୍ଦାଜରେ କ୍ରିକେଟ୍ ଖେଳିବେ ବୋଲି ଆଶା କରାଯାଉଛି ।
wp:html/wp:html.@klrahul scored a gritty unbeaten half-century in the chase & was #TeamIndia's top performer from the second innings of the first #iNDvAUS ODI 👌👌
— BCCI (@BCCI) March 17, 2023
A summary of his batting display 🔽 pic.twitter.com/hSadbSphCp
