ନୂଆଦିଲ୍ଲୀ,୧୫।୧୧: ମାଳଦ୍ବୀପର ନବ ନିର୍ବାଚିତ ରାଷ୍ଟ୍ରପତି ମହମ୍ମଦ ମୁଇଜ୍ଜୁ ପଦଭାର ଗ୍ରହଣ କରିବା ପରେ ଭାରତୀୟ ସୈନିକଙ୍କୁ ନିଜ ଦେଶରୁ ବାହାର କରିବାକୁ ପ୍ରତିଜ୍ଞା କରିଥିଲ। ସେ ଏଭଳି ମନ୍ତବ୍ୟ ଦେଉଥିଲେ, ଯାହାଫଳରେ ଭାରତ ଓ ମାଲଦ୍ବୀପ ଭିତରେ ବିବାଦ ବଢିପାରିଥାନ୍ତା, କିନ୍ତୁ ଏବେ ତାଙ୍କର ମନୋଭାବ ଟିକେ ଥଣ୍ଡା ପଡୁଥିବାର ଦେଖିବାକୁ ମିଳିଛି। ମାଳଦ୍ବୀପର ରାଷ୍ଟ୍ରପତି ଭାରତକୁ ଅସନ୍ତୁଷ୍ଟ କରିବାକୁ ଚାହାନ୍ତି ନାହିଁ। ସେ ସ୍ପଷ୍ଟ ଭାବରେ କହିଛନ୍ତି, ଭାରତର ସୈନିକଙ୍କ ପରେ ମାଳଦ୍ବୀପରେ ଚୀନ୍ ସୈନିକଙ୍କୁ ମଧ୍ୟ ସ୍ଥାନ ଦିଆଯିବନି। ରଣନୈତିକ ରୂପରେ ସ୍ଥିତ ଭାରତ ମହାସାଗର ଦ୍ବୀପ ସମୁହ ଉପରେ ଏକ ଇଣ୍ଟରଭ୍ୟୁରେ ରାଷ୍ଟ୍ରପତି କହିଛନ୍ତି, ମାଳଦ୍ବୀପ ଭୂ-ରାଜନୈତିକ ପ୍ରତିଦ୍ବନ୍ଦିତାରେ ଲଢେଇ କରିବାକୁ ଏକ ଛୋଟ ଦେଶ। ମୋତେ ମାଳଦ୍ବୀପରେ ବୈଦେଶିକ ନୀତିକୁ ସାମିଲ କରିବାରେ କୌଣସି ବିଶେଷ ଇଛା ନାହିଁ।’
ସେପ୍ଟେମ୍ବରରେ ମୁଇଜ୍ଜୁଙ୍କୁ ନିର୍ବାଚନୀ ସଫଳତା ମାଳଦ୍ବୀପରେ ଭାରତର ବଡ ରାଜନୈତିକ ଓ ଆର୍ଥିକ ପ୍ରଭାବ ବିରୋଧରେ ନିରନ୍ତର ଅଭିଯାନ ଓ ବିଶେଷ ଭାବରେ ଭାରତୀୟ ସୈନିକଙ୍କୁ ବାହାର କରିବାର ପ୍ରତିଜ୍ଞା ଉପରେ ନିର୍ଭର ଥିଲା। ତେବେ ସେ ଏବେ କହିଛନ୍ତି, ଚୀନ୍ କିମ୍ବା ଅନ୍ୟ କୌଣସି ଦେଶକୁ ଭାରତୀୟ ସୈନିକଙ୍କ ସ୍ଥାନ ନେବାକୁ ଅନୁମତି ଦେବେନି ଓ ସେ ବେଜିଂର ନିକଟତର ଥିବାର କଥାକୁ ମଧ୍ୟ ଖଣ୍ଡନ କରିଛନ୍ତି। ସେ ଏହି କଥା ଉପରେ ଜୋର ଦେଇ କହିଛନ୍ତି ସେ କେବଳ ମାଳଦ୍ବୀପର ସମର୍ଥକ।
୪୫ ବର୍ଷୀୟ ମୁଇଜ୍ଜୁ ରାଜଧାନୀ ମାଲେରେ ଥିବା ନିଜ ଘରୁ କହିଛନ୍ତି, ଆମେ ସବୁ ଦେଶ ଭାରତ, ଚୀନ୍ ଓ ଅନ୍ୟ ସବୁ ଦେଶ ସହିତ ମିଶିକି କାମ କରିବାକୁ ଯାଉଛୁ।’ ମୁଇଜ୍ଜୁ କହିଛନ୍ତି, ତାଙ୍କୁ ଅନୁମାନିତ ୫୦ ରୁ ୭୫ ଭାରତୀୟ ସୈନିକ ଫେରିବା ନେଇ ନୂଆଦିଲ୍ଲୀ ସହିତ ଔପଚାରିକ ଆଲୋଚନା ଆରମ୍ଭ ହେବାର ଆଶା ରହିଛି, ଯାହାକି ସମ୍ବେଦନଶୀଳ ଅଭିଯାନ ପ୍ରସଙ୍ଗ ଅଟେ। ସେ କହିଛନ୍ତି, ମାଳଦ୍ବୀପର ଲୋକ ମାଳଦ୍ବୀପରେ କୌଣସି ସେନା ଉପସ୍ଥିତିକୁ ଅନୁମତି ଦେବା ପାଇଁ ମୋତେ ଭୋଟ ଦେଇ ନାହାନ୍ତି। ସେଥିପାଇଁ ଆମେ ତାଙ୍କୁ ହଟାଇବା ପାଇଁ ଭାରତ ସରକାରଙ୍କ ସହିତ କଥା ହେଉଛୁ, ମୋର ଆଶା ଆମେ ଶାନ୍ତିପୂର୍ଣ୍ଣ ଓ ଲୋକତାନ୍ତ୍ରିକ ଭାବରେ ଏଭଳି କରିପାରିବୁ। ଏହାର ଅର୍ଥ ନୁହେଁ ଯେ, ଭାରତୀୟ ସୈନିକ ଗଲେ ଆମେ ସେଠାରେ ଅନ୍ୟ କୌଣସି ଦେଶର ସୈନିକଙ୍କୁ ଆଣି ରଖିବୁ।’
