PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୋବେଲ ଶାନ୍ତି ପୁରସ୍କାର ଘୋଷଣା: ମାନବାଧିକାର ପ୍ରବକ୍ତା ଆଲେସ୍ ବାଲିଆସ୍କି ସହ ଦୁଇଟି ସଂଗଠନକୁ ମିଳିବ ପୁରସ୍କାର
  • ||
  • ଭୁବନେଶ୍ଵର : ଓଡ଼ିଶା ଲଳିତ କଳା ଏକାଡେମୀ ଉପସଭାପତି ତଥା ବିଶିଷ୍ଟ ଶିଳ୍ପୀ ଶ୍ରୀନିବାସ ପଢ଼ିଆରୀଙ୍କ ପରଲୋକ
  • ||
  • ମୁରିବାହାଲ : ଭିଜିଲାନ୍ସ ଜାଲରେ ମୁରିବାହାଲ ବ୍ଲକ APO ସୁଶାନ୍ତ କୁମାର ଦାସ, ୪୫ହଜାର ଟଙ୍କା ଲାଞ୍ଚ ନେଉଥିବା ବେଳେ ଧରାପଡ଼ିଲେ
  • ||
  • ବାଙ୍ଗିରିପୋଷି : ଶୌଚ ହେବାକୁ ଯାଇଥିବା ବେଳେ ଆକ୍ରମଣ କଲା ଦନ୍ତା, ଯୁବକ ମୃତ
  • ||
  • ଭୁବନେଶ୍ୱର : ପୁଣି ଘୂର୍ଣ୍ଣିବଳୟ ସମ୍ଭାବନା, ୨୫ ପୂର୍ବରୁ ଓଡ଼ିଶା ଛାଡ଼ିବନି ମୌସୁମୀ
  • ||
  • ଭଦ୍ରକ : ନଭେମ୍ୱର ୩ରେ ଧାମନଗର ଉପନିର୍ବାଚନ, ଆଜିଠୁ ନାମାଙ୍କନ ପତ୍ର ଦାଖଲ
  • ||
  • ତେଲକୋଇ : ଶୁଝି ପାରିଲେନି କିସ୍ତି, ଆତ୍ମହତ୍ୟା କଲେ ଅସହାୟ ଟ୍ରକ ମାଲିକ
  • ||
  • ମୋହନା : ଜଙ୍ଗଲରୁ ବିପୁଳ ପରିମାଣର କାଠ ଗଣ୍ଡି ଜବତ
  • ||
  • ଭୁବନେଶ୍ଵର : ରାଜ୍ୟରେ ଉପର ତଳ ହେଉଛି କରୋନା ଗ୍ରାଫ୍, ୨୪ ଘଣ୍ଟା ମଧ୍ୟରେ ୬୩ ପଜିଟିଭ୍ ଚିହ୍ନଟ
  • ||

ନିର୍ବାଚନ କମିଶନଙ୍କ ଉପରେ ବର୍ଷିଲେ ଦିଦି

source:https://www.livemint.com

କୋଲକାତା,୬ ।୪(ଏଜେନ୍ସି): ରାଜ୍ୟର ୪ ଜଣ ବରିଷ୍ଠ ପୁଲିସ ଅଧିକାରୀଙ୍କ ବଦଳିକୁ ନେଇ ଆଜି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ତଥା ତୃଣମୂଳ କଂଗ୍ରେସ ମୁଖ୍ୟ ମମତା ବାନାର୍ଜୀ (ଦିଦି) ନିର୍ବାଚନ କମିଶନଙ୍କ ଉପରେ ଖୁବ୍‌ ବର୍ଷିଛନ୍ତି । ଅଭିଯୋଗ କରି କହିଛନ୍ତି କମିଶନ ଶାସକ ଦଳ ବିଜେପିକୁ ସୁହାଇଲା ଭଳି ଓ ବିଜେପିର ଇଙ୍ଗୀତରେ ହିଁ କାର୍ଯ୍ୟ କରୁଛନ୍ତି । କେନ୍ଦ୍ରୀୟ ପୁଲିସ ପର୍ଯ୍ୟବେକ୍ଷକ ବିବେକ ଦୁବେଙ୍କ ନିର୍ଦ୍ଦେଶ ଅନୁସାରେ କୋଲକାତା ପୁଲିସ କମିଶନର ଅନୁଜ ଶର୍ମା, ବିଧାନ ନଗର ପୁଲିସ କମିଶନର ଜ୍ଞାନବନ୍ତ ସିଂହ, ବୀରଭୂମ ଏସ୍‌ପି ଶ୍ୟାମ ସିଂହ ଓ ଡାଇମଣ୍ଡ ହାରବର ଏସ୍‌ପି ଏସ୍‌. ସେଲଭମୁରୁଗାନଙ୍କୁ ଶୁକ୍ରବାର ରାତିରେ ହଟାଯାଇଛି । ଶାସକ ତୃଣମୂଳ କଂଗ୍ରେସ ପାଇଁ ଏହି ୪ ଜଣ ପୁଲିସ ଅଫିସର କାର୍ଯ୍ୟ କରୁଥିଲେ ବୋଲି ବିଜେପି ଅଭିଯୋଗ କରିବା ପରେ ସେମାନଙ୍କୁ ବଦଳି କରାଯାଇଛି । କିନ୍ତୁ ଏହା ଉପରେ କଡା ପ୍ରତିକ୍ରିୟା ପ୍ରକାଶ କରିଛନ୍ତି ମମତା ।

ନିର୍ବାଚନ କମିଶନଙ୍କ ନିକଟକୁ ଏକ ଚିଠି ଲେଖି ସେ କହିଛନ୍ତି ଉପଯୁକ୍ତ ନୀତି ନିୟମ ପାଳନ ବିନା ଏହି ପୁଲିସ ଅଫିସରମାନଙ୍କୁ ବଦଳି କରାଯାଇଛି । ତୁରନ୍ତ ବଦଳି ଆଦେଶ ରଦ୍ଦ କରିବା ସହ କାହା ପରାମର୍ଶ ଅନୁସାରେ ଏହା କରାଯାଇଛି ତାର ତଦନ୍ତ କରିବା ଲାଗି ଦାବି କରିଛନ୍ତି । ଉକ୍ତ ଚିଠିରେ ମମତା ଉଲ୍ଲେଖ କରିଛନ୍ତି ଯେ ଗଣତନ୍ତ୍ରର ସୁରକ୍ଷା ପାଇଁ ନିର୍ବାଚନ କମିଶନ ନିରପେକ୍ଷତା ଅବଲମ୍ବନ କରିବା ଆବଶ୍ୟକ । କିନ୍ତୁ ୪ ଜଣ ପୁଲିସ ଅଫିସରଙ୍କ ବଦଳି ସଂକ୍ରାନ୍ତରେ କମିଶନ ଗତକାଲି ଜାରି କରିଥିବା ନିର୍ଦ୍ଦେଶ ଦୁର୍ଭାଗ୍ୟଜନକ । କମିଶନଙ୍କ ଏହି ନିର୍ଦ୍ଦେଶକ ଏକତରଫା ଓ ପକ୍ଷପାତପୂର୍ଣ୍ଣ । କେନ୍ଦ୍ରରେ କ୍ଷମତାସୀନ ବିଜେପିର ଇଙ୍ଗିତରେ କମିଶନ କାର୍ଯ୍ୟ କରୁଥିବା ଏଥିରୁ ପ୍ରତିୟମାନ ହେଉଛି ।

ସେହିଭଳି ଆଲିପୁର ଦୁଆର ଜିଲ୍ଲାର ବାରୋବିଶା ଠାରେ ଆୟୋଜିତ ଏକ ନିର୍ବାଚନ ର‌୍ୟାଲିରେ ମଧ୍ୟ ମମତା କମିଶନଙ୍କୁ କଡା ସମାଲୋଚନା କରିଛନ୍ତି । ଉତ୍ତମ କାର୍ଯ୍ୟ କରୁଥିବା ପୁଲିସ ଅଫିସରଙ୍କୁ ନିର୍ବାଚନ କମିଶନ ବଦଳି କରିଦେଇଛନ୍ତି । ତାଙ୍କ ହାତରେ କ୍ଷମତା ରହିଛି, ତାହା ସେ କରିପାରିବେ । କିନ୍ତୁ ରାଜ୍ୟର ଲୋକମାନଙ୍କ ସମର୍ଥନ ଆମ ପ୍ରତି ରହିଛି । ତାହା ଆମ ଉପରେ କିଛି ପ୍ରଭାବ ପକାଇବ ନାହିଁ ବୋଲି ମମତା କହିଛନ୍ତି । ଏଥିସହିତ ସେ ବିଜେପିକୁ ମଧ୍ୟ ଚାଲେଞ୍ଜ ଦେଇ କହିଛନ୍ତି ଯଦି ପାରୁଛି ତାଙ୍କୁ ହଟାଇକି ଦେଖୁ । ବିଜେପି ଯେଉଁ ଷଡଯନ୍ତ୍ର ରଚନା କରୁଛି ତାକୁ ନେଇ ଆମେ ଭୟଭୀତ ନୋହୁଁ ବୋଲି ମମତା ପ୍ରକାଶ କରିଛନ୍ତି ।