ଭୁବନେଶ୍ବର, ୨୨।୧୦ : ବାତ୍ୟା ପାଇଁ କେନ୍ଦ୍ରକୁ ଅଧିକ ଏନଡ଼ିଆରଏଫ ଟିମ ମାଗିଲେ ରାଜ୍ୟ ସରକାର। ଅତିରିକ୍ତ ୧୦ ଏନଡ଼ିଆରଏଫ ଟିମ ପଠାଇବାକୁ କେନ୍ଦ୍ର ସରକାରଙ୍କୁ ଚିଠି ଲେଖିଲେ ରାଜ୍ୟ ସରକାର।
ବାତ୍ୟା ମୁକାବିଲା ଲାଗି ୧୦ ପ୍ରଭାବିତ ହେବାକୁ ଥିବା ଜିଲ୍ଲାରେ ନିୟୋଜିତ ହେବେ ୧୭ ଓଡ୍ରାଫ ଟିମ। ୩ ଓଡ୍ରାଫ ଟିମ ରିଜର୍ଭ ରଖିବା ଲାଗି ନିର୍ଦେଶ ଦିଆଯାଇଛି। ଗଞ୍ଜାମ ପାଇଁ ଗୋଟିଏ ଟିମ, ପୁରୀ ପାଇଁ ୨ଟି ଟିମ, ଜଗତସିଂହପୁର ୨ ଟିମ, କେନ୍ଦ୍ରାପଡା ୨ ଟିମ, କଟକ ଗୋଟିଏ ଟିମ, ଖୋର୍ଦ୍ଧା ୨ ଟିମ, ଯାଜପୁର ଗୋଟିଏ ଟିମ, ଭଦ୍ରକ ୨ ଟିମ, ବାଲେଶ୍ଵର ୨ ଟିମ ଓ ମୟୁରଭଞ୍ଜ ରେ ଟିମ ହେବେ ନିୟୋଜିତ। ଟିମ ମୁତୟନ ନେଇ ଆଇନଶୃଙ୍ଖଳା ଏଡ଼ିଜିଙ୍କୁ ଚିଠି ଲେଖି ଅଵଗତ କଲେ ଅତିରିକ୍ତ ସ୍ୱତନ୍ତ୍ର ରିଲିଫ କମିଶନର।
