ବିଧାୟକ ପଦରୁ ଇସ୍ତଫା ଦେଲେ ନବ ଦାସ
ଭୁବନେଶ୍ବର,୨୮ା୧: ବିଧାୟକ ପଦରୁ ବିଧିବଦ୍ଧ ଭାବେ ଇସ୍ତଫା ଦେଇଛନ୍ତି ଝାରସୁଗୁଡ଼ା ବିଧାୟକ ନବ ଦାସ। ସୋମବାର ସେ ବିଧାନସଭାର ବାଚସ୍ପତି ପ୍ରଦୀପ ଅମାତଙ୍କୁ ଭେଟି ନିଜର ଇସ୍ତଫା ପତ୍ର ପ୍ରଦାନ କରିଛନ୍ତି। ଉଲ୍ଲେଖଯୋଗ୍ୟ, ଝାରସୁଗୁଡ଼ାର କଂଗ୍ରେସ ବିଧାୟକ ନବ ଦାସ ଜାନୁଆରି ୧୬ରେ ଦଳରୁ ଇସ୍ତଫା ଦେଇ ଗତ ୨୪ରେ ବିଜୁ ଜନତା ଦଳରେ ଯୋଗ ଦେଇଥିଲେ। ବିଜେଡିରେ ମିଶିବା ପରେ ନବ ଦାସ ନିଜ ପ୍ରତିକ୍ରିୟାରେ କହିଥିଲେ ଯେ, ମୁଖ୍ୟମନ୍ତ୍ରୀଙ୍କ ନେତୃତ୍ବରେ ପଶ୍ଚିମ ଓଡିଶାରେ ବିକାଶ କରିବେ |ଝାରସୁଗୁଡା ଜିଲ୍ଲାରେ ଡବଲ ମେନ ରୋଡ଼ ନିର୍ମାଣ କରିବେ ଜ୍ଝ କେନ୍ଦ୍ର ସରକାରଙ୍କୁ ଟାର୍ଗେଟ୍ କରି କହିଥିଲେ ଯେ, ସାଧାରଣ ନିର୍ବାଚନ ପୂର୍ବରୁ ହେଉଥିବା ସମସ୍ତ ଜନସମାବେଶରେ ଲୋକେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ପ୍ରଶଂସା କରୁଛନ୍ତି । ଆସନ୍ତା ଦିନରେ ମୁଖ୍ୟମନ୍ତ୍ରୀଙ୍କ ନେତୃତ୍ବରେ ପଶ୍ଚିମ ଓଡିଶାରେ ବିଜୁ ଜନତା ଦଳର ଜୟଗାନ ଆରମ୍ଭ ହୋଇଛି ବୋଲି ସେ କହିଥିଲେ | ମୁଖ୍ୟମନ୍ତ୍ରୀଙ୍କ ଆଗରେ ନୂତନ ଝାରସୁଗୁଡା ନିର୍ମାଣ, ମେଡିକାଲ କଲେଜ, ଝାରସୁଗୁଡା ସହରରେ ଏମ୍ସ ନିର୍ମାଣ ଏବଂ ଝାରସୁଗୁଡାକୁ କମର୍ସିୟାଲ ସିଟି ଅଫ୍ ଓଡିଶାର ମାନ୍ୟତା ଦାବି କରିଥିଲେ ନବ ଦାସ |
