ଉମରକୋଟ ୧୧/୦୨ : ସାଂସଦଙ୍କ ଗାଡ଼ି ଦୁର୍ଘଟଣାଗ୍ରସ୍ତ। ଦିଲ୍ଲୀରେ ସଂସଦ ଅଧିବେଶନ ସାରି ନିଜ ଘରକୁ ଫେରୁଥିଲେ । ବିଳମ୍ବିତ ରାତିରେ ଘରକୁ ଫେରୁଥିବା ବେଳେ ମଝି ରାସ୍ରେ ଚକା ଫାଟି ଯିବାରୁ ଉମରକୋଟ ଥାନା ଚିକଲପଦର ନିକଟରେ ବିଲକୁ ଖସିଲା ଗାଡ଼ି। ଦୁର୍ଘଟଣାରେ ସାଂସଦ ରମେଶ ଚନ୍ଦ୍ର ମାଝୀ ଓ ଡ୍ରାଇଭରଙ୍କ ସମେତ ତିନ ଜଣ ସାମାନ୍ୟ ଆହତ ହୋଇଛି।।
ସୂଚନା ମୁତାବକ, ଗତକାଲି ଦିଲ୍ଲୀରେ ସଂସଦ ଅଧିବେଶନ ସାରି ନିଜ ଘରକୁ ଫେରୁଥିଲେ । ବିଳମ୍ବିତ ରାତିରେ ରାୟପୁରରୁ ଉମରକୋଟ ନିଜ ଘରକୁ ଆସୁଥିବା ବେଳେ ମଝି ରାସ୍ତାରେ ହଠାତ୍ ଗାଡିର ଚକା ଫାଟି ଯାଇଥିଲା । ଯାହାଫଳରେ ଗାଡିଟି ଭାରସାମ୍ୟ ହରାଇ ରାସ୍ତା କଡ଼ରେ ବିଲ ଭିତରକୁ ପଶି ଯାଇଥିଲା । ଗାଡିରେ ଥିବା ସାଂସଦ ରମେଶ ଚନ୍ଦ୍ର ମାଝି ସମେତ ୩ ଜଣ ଆହତ ହୋଇଛନ୍ତି। ସମସ୍ତଙ୍କୁ ଉମରକୋଟ ମେଡିକାଲରେ ପ୍ରାଥମିକ ଚିକିତ୍ସା ପରେ ଘରକୁ ଫେରିଲେ।