ନୂଆଦିଲ୍ଲୀ୧୪/୦୯:  ବୋଇଙ୍ଗ ଷ୍ଟାରଲାଇନର ମହାକାଶ ଯାନରେ  ଗତ ଜୁନ ୫ ତାରିଖରେ ମହାକାଶକୁ ଯାତ୍ରା କରିଥିଲେ ମହାକାଶଚାରୀ ସୁନୀତା ୱିଲିୟମ୍ସ ଏବଂ ବଚ୍ ୱିଲମୋର । ସେମାନେ ୩ ମାସରୁ ଅଧିକ ସମୟ ଧରି ମହାକାଶରେ ଅଟକି ରହିଥିବା ବେଳେ ଅନ୍ତର୍ଜାତୀୟ ସ୍ପେସ୍ ଷ୍ଟେସନକୁ ଯାଇଥିବା ମହାକାଶଯାନ ଷ୍ଟାରଲିନର୍ ବର୍ତ୍ତମାନ ଉଭୟଙ୍କ ବିନା ଫେରି ଆସିଛି। ଏହି ସମୟରେ ସୁନୀତା ୱିଲିୟମ୍ସ ଏବଂ ବଚ ୱିଲମୋରଙ୍କ ପ୍ରଥମ ବୟାନ ସାମ୍ନାକୁ ଆସିଛି ।

ମହାକାଶଯାନର ପ୍ରତ୍ୟାବର୍ତ୍ତନ ପରେ ପ୍ରଥମ ଥର ପାଇଁ ସୁନୀତା ୱିଲିୟମ୍ସ ଏବଂ ବଚ ୱିଲମୋର ସାମ୍ବାଦିକ ସମ୍ମିଳନୀରେ ଅଂଶଗ୍ରହଣ କରି ସମସ୍ତଙ୍କ ସାମ୍ନାରେ ନିଜର ମତ ଉପସ୍ଥାପନ କରିଛନ୍ତି। ଉଭୟ ମହାକାଶଚାରୀ କହିଛନ୍ତି, ବୋଇଙ୍ଗର ଷ୍ଟାରଲିନର୍ ଆମ ବିନା ପୃଥିବୀକୁ ଫେରିବା ଆମ ପାଇଁ ଅତ୍ୟନ୍ତ ଦୁଃଖଦାୟକ। ୱିଲମୋର କହିଛନ୍ତି, ଏହା ଆମ ବିନା ଗଲା ଏହା ଆମକୁ ବହୁତ କଷ୍ଟ ଦେଲା କିନ୍ତୁ ଯାନ୍ତ୍ରିକ ତ୍ରୁଟି କାରଣରୁ  ଏହା ଆମ ବିନା ଯିବାକୁ ପଡିଲା । ଏହି ଅବସରରେ ସୁନୀତା ୱିଲିୟମ୍ସ କହିଛନ୍ତି ଯେ, ବର୍ତ୍ତମାନ ଏହି ବିଷୟରେ ଦୁଃଖ ନକରି ଆମେ ପରବର୍ତ୍ତୀ ସୁଯୋଗ ଆଡକୁ ଦୃଷ୍ଟି ଦେବା ଉଚିତ୍।

ସେହିପରି ଯେତେବେଳେ ଉଭୟ ମହାକାଶଚାରୀଙ୍କୁ ପଚରାଯାଇଥିଲା ଯେ ମିଶନରେ ଘଟିଥିବା ବୈଷୟିକ ତ୍ରୁଟି କାରଣରୁ ସେମାନେ ବୋଇଙ୍ଗ ଏବଂ ନାସା ଉପରେ ରାଗିଛନ୍ତି କି ନାହିଁ, ସେମାନେ ସ୍ପଷ୍ଟ ଭାବରେ ଏହାକୁ ଅସ୍ୱୀକାର କରିଛନ୍ତି , ଉଭୟ ମହାକାଶଚାରୀ ନିଜ ଟି-ସାର୍ଟ ଉପରେ ନାସାର ଲୋଗୋକୁ ଦେଖାଇ କହିଛନ୍ତି ଯେ  ଆଜି ଆମେ ଯୋଉଠି ଅଛୁ ଏବଂ ଯାହା ପାଇଁ ଆଗକୁ ବଢିଛୁ ଏହା କେବଳେ ଏହାରି ପାଇଁ । ଏହି ମିଶନ ୮ଦିନରୁ ୮ମାସ ହେଇଯିବ ଆହୁରି ୫ମାସ ମହାକାଶରେ ଆମକୁ ରହିବାକୁ ପଡିବ ଆମେ ଏଥିପାଇଁ ପ୍ରସ୍ତୁତ  । ବଚ୍ ୱିଲମୋର କହିଛନ୍ତି, ୮ ଦିନରୁ ୮ ମାସ ପର୍ଯ୍ୟନ୍ତ, ଆମେ ଆମର ସର୍ବୋତ୍ତମ ଦେବୁ । ଏଥିସହ ନଭେମ୍ବର ୨ରେ ହେଉଥିବା ଆମେରିକାରେ ରାଷ୍ଟ୍ରପତି ନିର୍ବାଚନରେ ଅଂଶଗ୍ରହଣ କରିବା ନେଇ ସୁନୀତା ଏବଂ ବଚ୍ ୱିଲମୋର କହିଛନ୍ତି, ଆମେ ମହାକାଶରୁ ଭୋଟ୍ ଦେବାକୁ ଯୋଜନା କରୁଛୁ ବୋଲି କହିଛନ୍ତି । ପ୍ରକାଶ ଥାଉକି, ଫେବୃଆରୀ ୨୦୨୫ରେ ସ୍ପେସ୍ଏକ୍ସର କେ ଡ୍ରାଗନ୍ ମହାକାଶଯାନ ମାଧ୍ୟମରେ ଦୁହେଁ ଫେରିଆସିବେ ବୋଲି ସୂଚନା ରହିଛି ।