ଭୁବନେଶ୍ୱର ୧୫/୦୪: ବିଜେପିରେ ମିଶିଲେ କାର୍‌ ଖାନାର ଚର୍ଚ୍ଚିତ ଦୁଇ ଯା' ନେହା ପାଣିଗ୍ରାହୀ ଓ ରଶ୍ମିତା ପାଣିଗ୍ରାହୀ। ବିଜେପି ମିଶ୍ରଣ ପର୍ବରେ ପଦ୍ମ ଧରି ପ୍ରାଥମିକ ସଦସ୍ୟତା ଭାବେ ଯୋଗ ଦେଇଛନ୍ତି।  ମିଶ୍ରଣ ପର୍ବରେ ଏମ୍‌ପି ବସନ୍ତ ପଣ୍ଡା, ବରିଷ୍ଠ ନେତା ସମୀର ମହାନ୍ତି, ପୁରୀ ଲୋକ ସଭା ପ୍ରାର୍ଥୀ ସମ୍ବିତ ପାତ୍ର ପ୍ରମୁଖ ଉପସ୍ଥିତ ଥିଲେ।

ସୂଚନା ମୁତାବକ, କାରରେ ଘରୁ ପ୍ରସ୍ତୁତ ଖାଦ୍ୟ ଆଣି ବିକ୍ରି କରୁଥିଲେ। ତାଙ୍କ ସୁଆଦିଆ ଖାଦ୍ୟ ଯୋଗୁ ସେଠାରେ ପ୍ରବଳ ଭିଡ଼ ଜମିଥିଲା। ଦୁଇ ଯାଆଙ୍କ ଆମିଷ ନିରାମିଷ ଖାଦ୍ୟ ଖାଇବାକୁ ଦୋକାନ ଖୋଲିବା ଆଗରୁ ଭିଡ ଦେଖିବାକୁ ମିଳିଥିଲା। ସେ କମ୍ ମୂଲ୍ୟ ପେଟ ପୂରା ଖାଦ୍ୟ ଯୋଗାଉ ଥିଲେ। ପ୍ରଥମେ ସୋସିଆଲ୍ ମିଡିଆ ପରେ ଗଣମାଧ୍ୟମରେ ପ୍ରଚାର ହୋଇଥିଲା। ପରେ ଏଜି ପାର୍କ ନିକଟରେ ଖାଦ୍ୟ ବିକ୍ରି ସମୟ ଅଧିକ ଭିଡି ହେଉଥିବାରୁ ଟ୍ରାଫିକ୍ ସମସ୍ୟା ହୋଇଥିଲା ଯାହକୁ ନେଇ ବିଏମ୍‌ସି ତଦନ୍ତ ଆରମ୍ଭ କରିଥିଲା। କିଛି ଆବଶ୍ୟକ କାଗଜପତ୍ର ନଥିବାରୁ କଟକଣା ଜାରି କରିଥିଲା ।ସେଠାରୁ ଅନ୍ୟ ଜାଗାରେ ଦୋକାନ କରିଥିଲେ। ସେଠାରେ ବି ପଛ ଛାଡ଼ିନଥିଲା ବିବାଦ। ପୁଣି ଥିରେ ବିଏମ୍‌ସି ଉଭୟଙ୍କୁ ତାଗିଦ୍ କରିବା ସହ ଦୋକାନ ବନ୍ଦ କରିବାକୁ ଚାପ ପକାଇଥିଲା। ଏହାସତ୍ତ୍ୱେ ଏହି ୨ ଯା’ ହାର ନ ମାନି ଲୋକଙ୍କୁ ଖାଦ୍ୟ ଯୋଗାଉଛନ୍ତି।