ଅକଲାଣ୍ଡ, ୧୩/୦୮: ଶ୍ରୀଲଙ୍କା ଓ ଆଫଗାନିସ୍ତାନ ବିପକ୍ଷ ଟେଷ୍ଟ ସିରିଜ ପାଇଁ ନ୍ୟୁଜିଲାଣ୍ଡ ଦଳ ଘୋଷଣା  କରାଯାଇଛି । ଟିମ ସାଉଦି ଅଧବନାୟକ ରହିଥିଲେ ହେଁ ଉଭୟ ସିରିଜରେ ଖେଳିବା ନେଇ ଆଶଙ୍କା ରହିଛି । ଆସନ୍ତା ସେପ୍ଟେମ୍ବରରୁ ଡିସେମ୍ବର ମଧ୍ୟରେ ନ୍ୟୁଜିଲାଣ୍ଡ୯ଟି ଟେଷ୍ଟ  ଖେଳିବାର କାର୍ଯ୍ୟକ୍ରମ ରହିଛି । ଆଫଗାନିସ୍ତାନ ଓ ଶ୍ରୀଲଙ୍କା  ବ୍ୟତୀତ ଭାରତ ବିପକ୍ଷ ୩ମ୍ୟାଚ୍‌ ବିଶିଷ୍ଟ ଟେଷ୍ଟ ସିରିଜ ରହିଛି । ଏହାପରେ ଦଳ ଇଂଲଣ୍ଡ ବିପକ୍ଷରେ ୩ମ୍ୟାଚ୍‌  ବିଶିଷ୍ଠ ଘରୋଇ ଟେଷ୍ଟ ସିରିଜ ଖେଳିବ । ସାଉଦିଙ୍କୁ ଉଭୟ  ସିରିଜ ପାଇଁ ଫିଟ୍‌ ରଖିବାକୁ ଯୋଜନା କରାଯାଉଛି । ତେଣୁ  ଆଫଗାନିସ୍ତାନ ଓ ଶ୍ରୀଲଙ୍କା ବିପକ୍ଷ ଟେଷ୍ଟ ସିରିଜରେ ସେ  ଦଳ ସହ ରହିଲେ ମଦ୍‌ୟ ଖେଳିବେ ନାହିଁ ।

ସେପ୍ଟେମ୍ବର ୯ରୁ ୧୩ ତାରିଖ ମଧ୍ୟରେ ଆଫଗାନିସ୍ତାନ  ଓ ନ୍ୟୁଜିଲାଣ୍ଡ ମଧ୍ୟରେ ଏକମାତ୍ର ଟେଷ୍ଟ ଖେଳାଯିବ ।  ଭାରତର ଗ୍ରେଟର ନୋଏଡାରେ ଏହି ମ୍ୟାଚ ଅନୁଷ୍ଠିତ  ହେବ । ସୂଚନାଯୋଗ୍ୟ, ମ୍ୟାଚ୍‌ଟି ବିଶ୍ୱ ଟେଷ୍ଟ ଚାମ୍ପିଅନସିପ୍‌  ଅନ୍ତର୍ଗତ ନୁହେଁ । ଏହାପରେ ନ୍ୟୁଜିଲାଣ୍ଡ ଦଳ ଶ୍ରୀଲଙ୍କା  ଗସ୍ତ କରି ସେପ୍ଟେମ୍ବର ୧୮ରୁ ୨୨ ମଧ୍ୟରେ ପ୍ରଥମ ଟେଷ୍ଟ  ଓ ୨୬ରୁ ୩୦ ତାରିଖ ମଧ୍ୟରେ ଦ୍ୱିତୀୟ ଟେଷ୍ଟ ଖେଳିବ । 

ଦଳ: ଟିମ ସାଉଦି(ଅଧିନାୟକ), ଟବ ବ୍ଲଣ୍ଡେଲ, ମାଇକେଲ ବ୍ରେସୱେଲ୍‌, ଡେଭନ କନୱେ, ମାଟ  ହେନରୀ, ଟମ ଲାଥମ, ଡାରିଲ ମିଚେଲ, ୱିଲ୍‌ ଓ’ରୁର୍କି,  ଅଜାଜ ପଟେଲ, ଗ୍ଲେନ ଫିଲିପ୍ସ, ରଚିନ ରବିନ୍ଦ୍ର, ମିଚେଲ  ସାଣ୍ଟନର, ବେନ ସିୟର୍ସ, କେନ ୱିଲିୟମସନ, ୱିଲ ୟଙ୍ଗ ।