ନୂଆଦିଲ୍ଲୀ,୧୧/୦୯: ଭାରତୀୟ ସେୟାର ବଜାରରେ ସେପ୍ଟେମ୍ବର ୧୧ ତାରିଖ ଏକ ଐତିହାସକ ଦିନ ଭାବେ ପରିଗଣିତ ହୋଇଛି। ନାସନାଲ ଷ୍ଟକ୍‌ ଏକ୍ସଚେଞ୍ଜର ସୂଚକାଙ୍କ ନିଫ୍ଟି ପ୍ରଥମ ଥର ୨୦,୦୦୦ ଅଙ୍କ ପାର କରିବାରେ ସଫଳ ହୋଇଛି। ନିଫ୍ଟିକୁ ୧୯,୦୦୦ ରୁ ୨୦,୦୦୦ ଅଙ୍କ ଛୁଇଁବା ପାଇଁ ମୋଟ ୫୨ ଟ୍ରେଣ୍ଡିଙ୍ଗ୍‌ ସେସନ୍‌ ଲାଗିଛି। ଆଦାନୀ ଗ୍ରୁପ୍‌ ଷ୍ଟକ୍‌ ଏବଂ ବ୍ୟାଙ୍କିଙ୍ଗ୍‌ ସେୟାର କ୍ରୟ ମଧ୍ୟରେ ନିଫ୍ଟି ଏକ ମାଇଲଷ୍ଟୋନ ହାସଲ କରିଛି। 

ସେହିପରି ବିଏସଇ ସେନ୍‌ସେକ୍ସ ପୁଣିଥରେ ୬୭,୦୦୦ ପାର କରିବାରେ ସଫଳ ହୋଇଛି। ଆଜିର କାରବାର ବନ୍ଦ ହେବା ପର୍ଯ୍ୟନ୍ତ ବିଏସ୍‌ଇ ସେନ୍‌ସେକ୍ସ ୫୫୦ ଅଙ୍କ ବୃଦ୍ଧି ପାଇଥିବା ବେଳେ ୬୭,୧୫୬ ଏବଂ ନିଫ୍ଟି ୧୮୦ ଅଙ୍କ ବୃଦ୍ଧି ସହିତ ୨୦,୦୦୦ ସ୍ତରରେ ବନ୍ଦ ହୋଇଛି।

ପଢ଼ନ୍ତୁ: ଖାଲି ହିନ୍ଦୁତ୍ୱ ନୁହେଁ, ହିନ୍ଦୀ ଭାଷାକୁ ବି ଖୁବ ଭଲ ପାଆନ୍ତି ସୁନକ ; ପିଲାଙ୍କୁ ବି ଶିଖାଇଛନ୍ତି ଭାରତର ରାଷ୍ଟ୍ରଭାଷା

ପ୍ର‌ଥମ ଥର ୨୦,୦୦୦ ପାର କରିଛି ନିଫ୍ଟି:

ଘରୋଇ ଏବଂ ବିଦେଶୀ ନିବେଶକମାନଙ୍କ ଦ୍ୱାରା ଷ୍ଟକ୍ ମାର୍କେଟରେ କ୍ରୟ ଯୋଗୁଁ, ନିଫ୍ଟି ୧୮୦ ପଏଣ୍ଟ ବୃଦ୍ଧି ପାଇ ୨୦,୦୦୦ ର ଐତିହାସିକ ଆକଳନ ଅତିକ୍ରମ କରିବାରେ ସଫଳ ହେଲା।ନିଫ୍ଟି ୨୦,୦୦୮ ପଏଣ୍ଟରେ ପହଞ୍ଚିଛି। ୧୯୦୦୦ ରୁ ୨୦,୦୦୦ ର ସଂଖ୍ୟା ଛୁଇଁବା ପାଇଁ ନିଫ୍ଟି ପାଇଁ ମୋଟ ୫୨ ଟ୍ରେଣ୍ଡିଂ ଦିନ ଲାଗି‌ଥିଲା। 

ଆଜି ଷ୍ଟକ୍ ମାର୍କେଟରେ ମିଡିଆ ବ୍ୟତୀତ ସମସ୍ତ ସେକ୍ଟରର ଷ୍ଟକ୍ ବୃଦ୍ଧି ସହିତ ବନ୍ଦ ହୋଇଛି। ବ୍ୟାଙ୍କିଙ୍ଗ୍ ଷ୍ଟକ୍‌ରେ ସର୍ବାଧିକ କ୍ରୟ ଦେଖିବାକୁ ମିଳିଛି। ବ୍ୟାଙ୍କ ନିଫ୍ଟି ୪୧୪ ପଏଣ୍ଟ ବୃଦ୍ଧି ସହିତ ୪୫,୫୭୦ ପଏଣ୍ଟରେ ବନ୍ଦ ହୋଇଛି। ଏହି ପରିପ୍ରେକ୍ଷିରେ ଆଇଟି, ଅଟୋ, ଏନର୍ଜି, ଏଫଏମସିଜି, ମେଟାଲ୍, ଫାର୍ମା, ହେଲଥ କେୟାର ଭଳି ସେକ୍ଟରର ସେୟାର ସବୁଜ ସଙ୍କେତରେ ବନ୍ଦ ହୋଇଛି। 

ମିଡ୍ କ୍ୟାପ୍ ଷ୍ଟକ୍‌ରେ ଶକ୍ତିଶାଳୀ କ୍ରୟ ଦେଖିବାକୁ ମିଳିଛି, ଯେଉଁଥିପାଇଁ ନିଫ୍ଟି ମିଡ୍ କ୍ୟାପ୍ ଇଣ୍ଡେକ୍ସ ୪୬,୪୪୪ ପଏଣ୍ଟରେ ୪୬୬ ପଏଣ୍ଟ ସହିତ ବନ୍ଦ ହୋଇଛି। ସ୍ମଲ୍‌ କ୍ୟାପ୍ ଇଣ୍ଡେକ୍ସ ୧୭୦ ପଏଣ୍ଟ ଜମ୍ପ୍‌ ସହିତ ୧୨,୯୮୨ ପଏଣ୍ଟରେ ବନ୍ଦ ହୋଇଛି। ୫୦ ନିଫ୍ଟି ଷ୍ଟକ୍ ମଧ୍ୟରୁ ୪୫ ଟି ଷ୍ଟକ୍ ଲାଭ ସହିତ ବନ୍ଦ ହୋଇଥିବାବେଳେ ୫ ଟି ଷ୍ଟକ୍ କ୍ଷତି ସହିତ ବନ୍ଦ ହୋଇଗଲା। ସେପଟେ ୩୦ ଟି ସେନ୍ସେକ୍ସ ଷ୍ଟକ୍ ମଧ୍ୟରୁ ୨୮ ଟି ଷ୍ଟକ୍ ଲାଭ ସହିତ ବନ୍ଦ ଏବଂ କେବଳ ଦୁଇଟି କ୍ଷତି ସହିତ ବନ୍ଦ ହୋଇଛି।