ପ୍ରମୂଖ ଖବର
  • ବଜେପି ଅଧ୍ୟକ୍ଷ ଜେପି ନଡ୍ଡା ରାଜ୍ୟସଭା ନେତା ନିର୍ବାଚିତ
  • ||
  • ୩ ଓ୍ବିକେଟ୍ ହରାଇ ସେମି ଫାଇନାଲ୍‌ରେ ଦକ୍ଷିଣ ଆଫ୍ରିକା, ୱେଷ୍ଟଇଣ୍ଡିଜ୍‌ର ବିଶ୍ୱକପ୍ ସ୍ୱପ୍ନ ଧୂଳିସାତ୍
  • ||
  • ଅଷ୍ଟାଦଶ ଲୋକସଭାର କାମଚଳା ବାଚସ୍ପତି ଭାବେ ଶପଥ ନେଲେ ଭର୍ତ୍ତୃହରି ମହତାବ
  • ||
  • ରୁଙ୍ଗଟା କାରଖାନାରେ ଅଘଟଣ, ଲୁହା ପ୍ଲେଟ୍ ଚାପି ହୋଇ ୨ ଶ୍ରମିକ ମୃତ
  • ||
  • ରି ଚେକିଂ ହେବ ୧୮ ହଜାର ମାଟ୍ରିକ୍‌ ଖାତା, ବୋର୍ଡରେ ଆବେଦନ କରିଛନ୍ତି ୫ ହଜାର ପରୀକ୍ଷାର୍ଥ
  • ||
  • କେନ୍ଦୁଝର: ରାସ୍ତା ପାରି ହେଉଥିବା ବେଳେ ମାଡ଼ିଗଲା ଟ୍ରକ୍, ମହିଳା ମୃତ
  • ||
  • ଭୋଗରାଇ: ବଙ୍ଗୀୟ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର, ସହଯୋଗୀ ଫେରାର୍
  • ||
  • ସୁପର ୮ରେ ଭାରତ-ଅଷ୍ଟ୍ରେଲିଆ ବଡ଼ ଲଢ଼େଇ: ନେଟ୍‌ ରନରେଟ୍‌ ହେବ ଖେଳ, ଖଳନାୟକ ସାଜିପାରେ ବର୍ଷା
  • ||
  • ସୋମବାରଠୁ ଅଷ୍ଟାଦଶ ଲୋକସଭାର ପ୍ରଥମ ଅଧିବେଶନ:୨୬ରେ ବାଚସ୍ପତି ନିର୍ବାଚନ, ୨୭ରେ ରାଜ୍ୟ ସଭା ବୈଠକ
  • ||
  • ଓଡ଼ିଶାର ୩୦ ଜିଲ୍ଲାକୁ ସମ୍ପୂର୍ଣ୍ଣ ଛୁଇଁଲା ମୌସୁମୀ ବାୟୁ, ଆସନ୍ତା ୩ ଦିନ ବିଭିନ୍ନ ଜିଲ୍ଲାରେ ବର୍ଷା ସମ୍ଭାବନା
  • ||

ନୀରବତା ଭାଙ୍ଗିଲେ ନବୀନ, କହିଲେ ଓଡିଶାବାସୀ ବାଛିବେ ଉତ୍ତରାଧିକାରୀ

ନୂଆଦିଲ୍ଲୀ, ୩୦/୫:  ରାଜ୍ୟରେ ଜାରି ରହିଛି ନିର୍ବାଚନ । ଏହାରି ମଧ୍ୟରେ ବିଜେପି ବାରମ୍ବାର ମୁଖ୍ୟମନ୍ତ୍ରୀଙ୍କ ସ୍ବାସ୍ଥ୍ୟାବସ୍ଥା ଓ  ପାଣ୍ଡିଆନଙ୍କ ଭୂମିକା ନେଇ ଟାର୍ଗେଟ କରୁଥିବା ବେଳେ ନୀରବତା ଭାଙ୍ଗିଛନ୍ତି ମୁଖ୍ୟମନ୍ତ୍ରୀ । ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏଏନଆଇକୁ  ଏକ ସ୍ୱତନ୍ତ୍ର ସାକ୍ଷାତକାର ଦେଇ ସମସ୍ତ ପ୍ରଶ୍ନର ଉତ୍ତର ଦେବା ସହ ରାଜ୍ୟର ଜନତାଙ୍କ ମଧ୍ୟରେ ସୃଷ୍ଟି ହୋଇଥିବା ବହୁ ଦ୍ୱନ୍ଦ୍ୱର ସମାଧାନ କରିଛନ୍ତି । ବିଶେଷ କରି ନିକଟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଜନସଭାରେ ନବୀନଙ୍କ ସ୍ୱାସ୍ଥ୍ୟବସ୍ଥା ନେଇ ପ୍ରଶ୍ନ କରିଥିଲେ। ଯାହା  ଏକ ବଡ ପ୍ରସଙ୍ଗ ପାଲଟିଯାଇଥିଲା । ଏହା ସହିତ ନିର୍ବାଚନ ଚାଲିଥିବା ସମୟରେ ମୁଖ୍ୟମନ୍ତ୍ରୀ ଓ ପାଣ୍ଡିଆନଙ୍କୁ ନେଇ ବିରୋଧୀଙ୍କ ପକ୍ଷରୁ ବିଭିନ୍ନ ସମୟରେ ବିଭିନ୍ନ ପ୍ରକାର ସମାଲୋଚନା କରାଯାଉଥିଲା । ତେବେ ଆଜି ଏଏନଆଇକୁ ସାକ୍ଷାତକାର ଦେବା ଅବସରରେ ନବୀନ ସମସ୍ତ ପ୍ରଶ୍ନର ଉତ୍ତର ରଖିଛନ୍ତି ।

ପ୍ରଥମେ ନବୀନ ପଟ୍ଟନାୟକ କହିଛନ୍ତି ଯେ,  ଯଦି ପ୍ରଧାନମନ୍ତ୍ରୀ ମୋ ସ୍ୱାସ୍ଥ୍ୟ ଲାଗି ଏତେ ଚିନ୍ତିତ ତେବେ ସେ ମୋତେ ଫୋନ୍ କରି ମୋର ସ୍ୱାସ୍ଥ୍ୟ ଅବସ୍ଥା ବୁଝିପାରିଥାନ୍ତେ । କିନ୍ତୁ ସେ ଏପରି ନ କରି ଜନସଭାରେ ମୋ ସ୍ୱାସ୍ଥ୍ୟ ଅବସ୍ଥାକୁ ନେଇ ଆଲୋଚନା କଲେ । ଏହା ସହିତ ସେ କହିଛନ୍ତି ଯେ, ମୁଁ ସଂପୂର୍ଣ୍ଣ ସୁସ୍ଥ ଅଛି ।  ମୁଁ ମୋ ଲୋକଙ୍କ ସେବା କରିଚାଲିବି । ହେଲେ ବିଜେପି ହତାଶ ହୋଇ ଏପରି ମିଛ କହୁଛି ।

ସେହିପରି  ଉତ୍ତରାଧିକାରୀ ପାଣ୍ଡିଆନ୍ ହେବେ ବୋଲି ଯେଉଁ ଚର୍ଚ୍ଚା ହେଉଛି ସେନେଇ ସେ କହିଛନ୍ତି  ମୋର ଉତ୍ତରାଧିକାରୀ ପାଣ୍ଡିଆନ ନୁହଁନ୍ତି । ପାଣ୍ଡିଆନ୍ ନିର୍ବାଚନରେ ମଧ୍ୟ ଛିଡା ହୋଇନାହାନ୍ତି । ମୋର ଉତ୍ତରାଧିକାରୀ କିଏ ହେବ ତାହା  ଓଡିଶାବାସୀ ନିର୍ଣ୍ଣୟ କରିବେ ।  ମୁଁ ରାଜନୀତିରେ କାହା ପ୍ରତି ଶତ୍ରୁତା ରଖେ ନାହିଁ । ଲୋକେ ଏପରି ବଢେଇଚୁଡେଇ କାହିଂକି କହୁଛନ୍ତି ବୁଝାପଡୁନି। ସେହିପରି ଚଳିତ ନିର୍ବାଚନରେ ବିଜେଡିର ଫଳାଫଳ କ’ଣ ହେବ ସେନେଇ ନବୀନ କହିଛନ୍ତି ଆମେ ବିଧାନସଭା ନିର୍ବାଚନ ସହିତ ଲୋକସଭା ନିର୍ବାଚନରେ ବହୁତ ଭଲ ରେଜଲ୍ଟ କରିବୁ।  ଆମେ ପୁଣି ଏଥର ରାଜ୍ୟରେ ସରକାର ଗଢିବୁ। ମୁଁ ୨୭ ବର୍ଷ ହେବ ଦଳର ସଭାପତି ଅଛି ରହିବି। 


News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.