ଖଲ୍ଲିକୋଟ, ୦୮/୦୪ : ଖଲ୍ଲିକୋଟ ଥାନା ଅନ୍ତର୍ଗତ ପଥୁରିନାଳ ନିକଟସ୍ଥ ବିଲରେ ବାରହା ଶିକାର ପାଇଁ ବିଛା ଯାଇଥିବା ବିଦ୍ୟୁତ ତାର ରେ ଲାଗି ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଛି। ମୃତକ ଜଣକ ହେଲେ କୈରାଶି ଗ୍ରାମର ସିମାଞ୍ଚଳ ସ୍ବାଇଁ ।

ବାରହା  ଫସଲ ଖାଇ ଦେଉଥିବା ରୁ ବିଲ ରେ ବିଦ୍ୟୁତ ତାର ବିଛା ଯାଇଥିଲା। ସୀମାଞ୍ଚଳ ନିକଟସ୍ଥ ଆଉ ଏକ ବିଲ ରେ କାମ କରିବାକୁ ସେହି ବିଲ ରାସ୍ତା ରେ ଯାଉଥିଲେ । ରବିବାର ରାତି ପ୍ରାୟ ୧୧ ଟା ସମୟରେ ପଥରିନାଳ ନିକଟସ୍ଥ ବିଲରେ ବାରାହ ଶିକାର ପାଇଁ ବିଛା ଯାଇଥିବା ବିଦ୍ୟୁତ ତାରରେ ଲାଗି ଯାଇଥିଲେ । ଯାହା ଫଳରେ ସିମାଞ୍ଚଳଙ୍କ ଘଟଣା ସ୍ଥଳରେ ମୃତ୍ୟୁ ହୋଇଥିଲା । ଏ ସମ୍ପର୍କରେ ଖବର ପାଇ ଖଲ୍ଲିକୋଟ ଥାନା ପୋଲିସ ସୋମବାର ଭୋର ସମୟରେ ଘଟଣାସ୍ଥଳରେ ପହଂଚି ଶବକୁ ଜବତ କରି ଖଲ୍ଲିକୋଟ ମେଡ଼ିକାଲ କୁ ପଠାଇ ଥିଲେ । ଏ ସମ୍ପର୍କ ରେ ପୋଲିସ ଏକ ମାମଲା ରୁଜୁ କରି ମୃତଦେହ ବ୍ୟବଚ୍ଛେଦ ପାଇଁ ବ୍ରହ୍ମପୁର ପଠାଇବା ସହ ଜଣଙ୍କୁ ଥାନାରେ ଅଟକ ରଖି ତଦନ୍ତ ଚଳାଇଛି।