ପ୍ରମୂଖ ଖବର
  • ଜନ୍ମବେଦିରୁ ବାହୁଡ଼ିଲେ ଦାରୁବ୍ରହ୍ମ,ବୁଧବାର ସୁନାବେଶ, ଗୁରୁବାର ଅଧରପଣା, ଶୁକ୍ରବାର ନୀଳାଦ୍ରି ବିଜେ
  • ||
  • ଝାରସୁଗୁଡ଼ା: ଧାର ଟଙ୍କା ଫେରସ୍ତକୁ ନେଇ ଗୁଳିକାଣ୍ଡ, ଜଣେ ଆହତ
  • ||
  • ବିଶ୍ୱ ସର୍ପ ଦିବସ: ବର୍ଷା ଦିନେ ସତର୍କତା ଜରୁରି, ୫ ବର୍ଷରେ ଗଲାଣି ୫୨୧୯ ଜୀବନ
  • ||
  • ବାରିପଦା : ସ୍କୁଟିକୁ ଧକ୍କା ଦେଲା ଟ୍ରକ୍, ୨ ମୃତ
  • ||
  • ମୁମ୍ବାଇ ଏକ୍ସପ୍ରେସ ହାଇୱେରେ ବସ୍-ଟ୍ରାକ୍ଟର ମୁହାଁମୁହିଁ ଧକ୍କା, ୫ମୃତ, ୪୨ ଆହାତ
  • ||
  • ସଇଁନ୍ତଳା ରାଇସମିଲ ନିକଟରେ ହାଇୱା ଟ୍ରକକୁ ପିଟିଲା ଯାତ୍ରୀବାହୀ ବସ୍‌, ଏକାଧିକ ଯାତ୍ରୀ ଆହତ
  • ||
  • ରାଜ୍ୟରେ ଲଘୁଚାପ ସକ୍ରିୟ: ୧୭ରୁ ବଢ଼ିବ ବର୍ଷା, ଉତ୍ତର ଓ ଦକ୍ଷିଣ ଓଡ଼ିଶାରେ ଅଧିକ ବର୍ଷିବ
  • ||

୪ ଲକ୍ଷ କୋଟିର ନିବେଶ ଟାଣିବ ପିଏଲ୍‌ଆଇ ସ୍କିମ୍‌, ସୃଷ୍ଟି ହେବ ୨ ଲକ୍ଷ ନିଯୁକ୍ତି

ନୂଆଦିଲ୍ଲୀ,୧୩/୦୬: ଆଗାମୀ ୪ ବର୍ଷରେ  ଅତିରିକ୍ତ ୩ରୁ ୪ ଲକ୍ଷ କୋଟିର ନିବେଶ ଟାଣିବ  ଉତ୍ପାଦନ ସଂଯୁକ୍ତ ପ୍ରୋତ୍ସାହନ(ପିଏଲ୍‌ଆଇ)  ସ୍କିମ୍‌ । ଏହାସହିତ ୨ ଲକ୍ଷ ନିଯୁକ୍ତି ସୃଷ୍ଟି ହେବ ।  ସେମିକଣ୍ଡକ୍ଟର, ସୋଲାର ମଡ୍ୟୁଲ୍‌ ଏବଂ ଫାର୍ମା  ଇଣ୍ଟର୍‌ମିଡିଆରିଜ୍‌ ଆଦି କ୍ଷେତ୍ରରେ ବଡ଼ ବଡ଼ ପ୍ରକଳ୍ପ  ଆଗକୁ ଆସିବ । ଏହା ଦେଶରେ ବ୍ୟାପକ ନିବେଶ  ଏବଂ ନିଯୁକ୍ତି ଆଣିବ ବୋଲି ଇକ୍ରାର ଜଣେ ବରିଷ୍ଠ  କାର୍ଯ୍ୟନିର୍ବାହୀ ପ୍ରକାଶ କରିଛନ୍ତି । 

ଇକ୍ରାର କାର୍ଯ୍ୟନିର୍ବାହୀ ଉପସଭାପତି ଏବଂ  ମୁଖ୍ୟ ରେଟିଂ ଅଫିସର କେ. ରବିଚନ୍ଦ୍ରନ କହିଛନ୍ତି  ଯେ, ଆଗକୁ ତୈଳ ଓ ଗ୍ୟାସ, ଧାତବ ଏବଂ  ଖଣି, ହସ୍ପିଟାଲ, ସ୍ୱାସ୍ଥ୍ୟସେବା ଏବଂ ସିମେଣ୍ଟ ଆଦି  କ୍ଷେତ୍ରରେ ଘରୋଇ ପୁଞ୍ଜି ନିବେଶ ବଢ଼ିବ । 

ତେବେ ଘରୋଇ ନିବେଶକୁ ରେକର୍ଡ ସ୍ତରକୁ  ନେବାକୁ ହେଲେ ସରକାରଙ୍କୁ କିଛି ଟିକସ ରିହାତି  ପ୍ରଦାନ କରିବାକୁ ପଡ଼ିବ । ଏହା ହେଲେ ଲୋକଙ୍କ  ହାତକୁ ଅଧିକ ଟଙ୍କା ଆସିବ ବୋଲି ରବିଚନ୍ଦ୍ରନ  କହିଛନ୍ତି । ସେ କହିଛନ୍ତି ଯେ, ପିଏଲ୍‌ଆଇ  ସ୍କିମ୍‌ ଅଧୀନରେ ଆଗାମୀ ୩ରୁ୪  ବର୍ଷରେ ୩ରୁ୪ ଲକ୍ଷ କୋଟିର  ଅତିରିକ୍ତ ନିବେଶ ଆସିବ ।  ଆଗକୁ ସେମିକଣ୍ଡକ୍ଟର,  ସୋଲାର ମଡ୍ୟୁଲ୍‌ ଏବଂ  ଫାର୍ମା ଇଣ୍ଟର୍‌ମିଡିଆରିଜ୍‌  ଭଳି କ୍ଷେତ୍ରରେ ବଡ଼ ବଡ଼  ପ୍ରକଳ୍ପ ଆସିବାକୁ ଯାଉଛି, ଯାହା  ମାଧ୍ୟମରେ ବିଭିନ୍ନ କ୍ଷେତ୍ରରେ ପ୍ରାୟ ୨  ଲକ୍ଷ ନିଯୁକ୍ତି ସୃଷ୍ଟି ହେବ । 

ସୂଚନାଯୋଗ୍ୟ, ୨୦୨୧ରେ  ଟେଲିଯୋଗାଯୋଗ, ହ୍ୱାଇଟ୍‌ ଗୁଡ୍‌ସ,  ବୟନ ଶିଳ୍ପ, ମେଡିକାଲ ଡିଭାଇସ୍‌  ବିନିର୍ମାଣ, ଅଟୋମୋବାଇଲ, ସ୍ପେସିଆଲିଟି ଷ୍ଟିଲ,  ଖାଦ୍ୟ ଉତ୍ପାଦ, ଉଚ୍ଚ ଦକ୍ଷତାଯୁକ୍ତ ସୋଲାର ପିଭି  ମଡ୍ୟୁଲ, ଆଡ୍‌ଭାନ୍ସଡ କେମେଷ୍ଟ୍ରି ସେଲ୍‌ ବ୍ୟାଟେରି,  ଡ୍ରୋନ୍‌ ଏବଂ ଫାର୍ମା ଆଦି ସମେତ ୧୪ଟି କ୍ଷେତ୍ରରେ  ୧.୯୭ ଲକ୍ଷ କୋଟିର ବ୍ୟୟବରାଦରେ ପିଏଲ୍‌ଆଇ  ସ୍କିମ୍‌ ଘୋଷଣା କରାଯାଇଥିଲା ।  

୨୦୨୩ ନଭେମ୍ବର ସୁଦ୍ଧା ପିଏଲ୍‌ଆଇ ସ୍କିମ୍‌  ଜରିଆରେ ୧.୦୩ ଲକ୍ଷ କୋଟିରୁ ଅଧିକ ନିବେଶ  ଆସିଛି ଏବଂ ୬.୭୮ ଲକ୍ଷ ନିଯୁକ୍ତି ସୃଷ୍ଟି ହୋଇଛି ।  ଘରୋଇ କ୍ଷେତ୍ର ପୁଞ୍ଜିନିବେଶକୁ ନେଇ  ରବିଚନ୍ଦ୍ରନ କହିଛନ୍ତି ଯେ, ତୈଳ ଓ ଗ୍ୟାସ,  ଧାତବ ଏବଂ ଖଣି, ହସ୍ପିଟାଲ, ହେଲ୍‌ଥକେୟାର  ଏବଂ ସିମେଣ୍ଟ ଆଦି କ୍ଷେତ୍ରରେ ଘରୋଇ ନିବେଶ  ତ୍ୱରାନ୍ୱିତ ହେବ । ମଧ୍ୟବର୍ତ୍ତୀକାଳୀନ ଭାବେ ଏସବୁ  କ୍ଷେତ୍ରରେ ବଡ଼ ଆକାରରେ ନିବେଶ ହେବ ।

  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.