ଭୁବନେଶ୍ବର ୧୨/୦୩: ୟୁଏସ୍ ମୋସନ୍ ପିକ୍ଚର୍ସ ଓ କେ. ମୁରଲୀ କ୍ରିଷ୍ଣା ଫିଲ୍ମ ମିଳିତ ସହଯୋଗରେ ନିର୍ମାଣ ହୋଇଛି ଓଡ଼ିଆ ସିନେମା ‘ପ୍ରେମରେ ରିସ୍କ ହେଲା ମୋତେ ଇସ୍କ’ । ଶୁକ୍ରବର ଏହାର ଅଡିଓ ଏବଂ ଫାଷ୍ଟ୍ ଲୁକ୍ ଲୋକାର୍ପଣ ହୋଇଥିଲାବେଳେ ଖୁବ୍ଶୀଘ୍ର ମୁକ୍ତିଲାଭ କରିବାକୁ ଯାଉଛି ବୋଲି ପ୍ରଯୋଜନା ସଂସ୍ଥା ତରଫରୁ ପ୍ରଣୟ ଜେଠୀ ସୂଚନା ଦେଇଛନ୍ତି ।
ମୁଖ୍ୟ ଭୂମିକାରେ ସାଥୀରେ ଯୋଡ଼ି ଷ୍ଟାଇଲିସ୍ ଡ୍ୟାନ୍ସିଂ ଷ୍ଟାର୍ ଶୈଳେନ୍ଦ୍ର ଓ ନାୟିକା ଦିବ୍ୟା ଅଭିନୟ କରିଛନ୍ତି । ଅଭିନୟରେ ଅନ୍ୟମାନଙ୍କ ମଧ୍ୟରେ ଟୁଲୁ, ଶୁଭ୍ରାଂଶୁ, ଚିନ୍ତାମଣି, ଅଞ୍ଜନା ମିଶ୍ର, ରବି ମିଶ୍ର, ରତନ ମେହେର, କାଳିଆ ଷଣ୍ଢ ପ୍ରମୁଖ ରହିଛନ୍ତି । ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି କେ. ମୁରଲୀ କ୍ରିଷ୍ଣା । ସଂଳାପ ଲେଖିଛନ୍ତି ଡ. ରଜନୀରଞ୍ଜନ । ଗୀତଗୁଡ଼ିକ ରଚନା କରିଛନ୍ତି ସତ୍ୟାନନ୍ଦ ନାୟକ, ଉମେଶ ସାହୁ, ଏମ୍ ଜେବି ବଣ୍ଟି, ପିଣ୍ଟୁ । ସଙ୍ଗୀତ ନିର୍ଦ୍ଦେଶନା ସଞ୍ଜୟ ଓ ସିତୁ ଦେଇଥିଲା ବେଳେ କଣ୍ଠଦାନ କରିଛନ୍ତି ହ୍ୟୁମାନ ସାଗର, ଅସୀମା ପଣ୍ଡା, କୁଳଦୀପ, ଅର୍ପିତା ଚୌଧୁରୀ, ସତ୍ୟଜିତ୍, ନାଭ୍ୟା, ଲିପ୍ସା, ସୁଶାନ୍ତ । ସଙ୍ଗୀତର ତାଳେ ତାଳେ ସୁନ୍ଦର ନୃତ୍ୟ ସଂରଚନା କରିଛନ୍ତି ସୁରୟାନ୍ ରଥ।