PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୀଳଗିରି ସହରରେ ଆତଙ୍କ ଖେଳାଉଛି କୁଳଡିହା ଦନ୍ତା
  • ||
  • ହକି ବିଶ୍ୱକପ୍‌ ଫାଇନାଲରେ ଜର୍ମାନୀ , ଅଷ୍ଟ୍ରେଲିଆକୁ ୪-୩ ଗୋଲରେ ହରାଇଲା ଜର୍ମାନୀ
  • ||
  • ଦିନ ଦ୍ୱିପ୍ରହରରେ ଘରେ କଳାକନା ବୁଲାଇଲା ଚୋର : ଲୁଟି ନେଲା ୨ ଲକ୍ଷ ଟଙ୍କା ମୂଲ୍ୟର ସୁନାଗହଣା, ନଗଦ ୧ଲକ୍ଷ ୧୦ ହଜାର ଟଙ୍କା
  • ||
  • ଗୋଟିଏ ରିପୋର୍ଟରେ ଦୋହଲି ଗଲା ଆଦାନୀଙ୍କ ସାମ୍ରାଜ୍ୟ , କୋଟିପତିଙ୍କ ତାଲିକାରୁ ଖସି ରହିଲେ ୭ମ ନମ୍ୱରରେ
  • ||

ଅବ୍ୟବସ୍ଥାରେ ସେରଗଡ଼ ବିଟ ହାଉସ, କର୍ମଚାରୀ ନିଯୁକ୍ତ କରିବାକୁ ଦାବି

ନୀଳଗିରି,୩୦/୧୧(ଆ.ପ୍ର):ଖନ୍ତାପଡା ଥାନା ଅଧିନ ଜାତୀୟ ରାଜପଥ ପାର୍ଶ୍ୱରେ ଥିବା ସେରଗଡ଼ ବିଟ ହାଉସ ଅବ୍ୟବସ୍ଥାରେ ଦୀର୍ଘ ବର୍ଷ ଧରି ଚାଲୁଥିବା ବେଳେ ଏହାର ପ୍ରତିକାର ଦାବି କରିବାକୁ ଅଞ୍ଚଳବାସୀ ଏକ ହୋଇଛି। ରେମୁଣା ବ୍ଲକ ଅଧିନ ସେରଗଡ଼ ଏକ ଗୁରୁତ୍ୱପୂର୍ଣ୍ଣ ସ୍ଥାନ ଅଟେ। ପାଖରେ ଜାତୀୟ ରାଜପଥ, ରାଜ୍ୟ ରାଜପଥ,ବିଭିନ୍ନ ଇଂଜିନିୟର କଲେଜ,ସ୍କୁଲ,କଲେଜ, ଡାକ୍ତରଖାନା,ହାଟ, ବାଣିଜ୍ୟ ପ୍ରତିଷ୍ଠାନ,ଟୋଲ ଗେଟ ସମେତ ବିଭିନ୍ନ ଜିଲ୍ଲାର ବ୍ୟସ୍ତ ବହୁଳ ରାସ୍ତା ହୋଇଥିବାରୁ ସମ୍ବେଦନଶୀଳ ଅଞ୍ଚଳ ଭାବେ ପରିଗଣିତ ହେଉଛି। ବିଟ ହାଉସଟି ଦୀର୍ଘଦିନ ହେବ ଏକ ଜରାଜୀର୍ଣ୍ଣ ଟାଇଲ ଘରେ ହେଉଥିବା ବେଳେ କିଛି କନେଷ୍ଟବଳ ଙ୍କୁ ନେଇ ଏହା ଚାଲିଛି। କାର୍ଯ୍ୟରତ ଏଏସଆଇ ବଦଳି ହୋଇଥିବା ବେଳେ ଅଞ୍ଚଳବାସୀ ଏସଆଇ ପୋଷ୍ଟିଂ ପାଇଁ ଦାବି କରି ଆସୁଥିବା ବେଳେ କିଛି ସୁଫଳ ମିଳୁନାହିଁ।

ଗତ ୨୭ ତାରିଖ ରାତିରେ ପୂର୍ବରୁ ପାଖରେ ଏକ ହୋଟେଲ ମାଲିକ ଶଶିଧର ପତିଙ୍କୁ କିଛି ଦୁର୍ବୁତ୍ତ ମରଣାନ୍ତକ ଆକ୍ରମଣ କରି ଟଙ୍କା, ସୁନା ଚେନ,ମୋବାଇଲ ଲୁଟି ନେଇଛନ୍ତି। ସେରଗଡ଼ ପଂଚାୟତ ଅଫିସ ନିକଟରୁ ଏକ ବୋଲେରୋ ଗାଡି ଚୋରୀ ହୋଇଛି।ବେଆଇନ ମଦ ଓ ଅନ୍ୟ ନିଶାକାରୀମାନେ ତାଙ୍କର କଳା ସାମ୍ରାଜ୍ୟ ବିସ୍ତାର କରିବାରେ ଲାଗିଛନ୍ତି। ଅପରାଧୀମାନେ ପୋଲିସର କାର୍ଯ୍ୟାନୁଷ୍ଠାନ ଶିଥିଳତା ଜାଣି ସ୍ପଷ୍ଟ ଦିବାଲୋକରେ ଲୁଟତରାଜ କରୁଛନ୍ତି। ପେଟ୍ରୋଲିଂ କଥା ନକହିବା ଭଲ। ଅଞ୍ଚଳରେ ଦିନକୁ ଦିନ ଆଇନ ଶୃଂଖଳା ବିପର୍ଯ୍ୟସ୍ତ ହେଉଥିବା ବେଳେ ଅଞ୍ଚଳରେ ଅସନ୍ତୋଷ ଦେଖାଦେଇଛି।

ଏହାର ପ୍ରତିକାର ମୂଳକ ପଦକ୍ଷେପ ନେବାକୁ ଅଞ୍ଚଳବାସୀ ଏକାଠି ହୋଇଛନ୍ତି। ବିଟ ହାଉସରେ ଜଣେ ସବ ଇନ୍ସପେକ୍ଟର ,ଜଣେ ଏଏସଆଇ , ହାବିଲଦାର ସମେତ ଯଥେଷ୍ଟ କନେଷ୍ଟବଳ ନିଯୁକ୍ତି ଦାବି ରଖି ଏସପି, ରେମୁଣା ବିଧାୟକ,ଏସଡିପିଓ,ଖନ୍ତାପଡା ଥାନା ଅଧିକାରୀ ଙ୍କୁ ପତ୍ର ପ୍ରଦାନ କରିଛନ୍ତି। ଯଦି ୭ ଦିନ ଭିତରେ ପ୍ରତିକାର ମୂଳକ କାର୍ଯ୍ୟାନୁଷ୍ଠାନ ନନିଆଯାଏ ତାହେଲେ ଖନ୍ତାପଡା ଥାନା ସମ୍ମୁଖରେ ଆମରଣ ଅନଶନ କରାଯିବ ବୋଲି ୩୭ ନମ୍ବର ଜିଲ୍ଲା ପରିଷଦ କଲ୍ୟାଣି ବାରିକ,ସେରଗଡ଼ ସରପଞ୍ଚ ଦୟାନିଧି ମହାପାତ୍ର,ସମିତିସଭ୍ୟା ରଞ୍ଜିତା ନାୟକ,ନୁଆଗାଁ ସରପଞ୍ଚ ସୁବ୍ରତ ଦାସ,ପୁର୍ବତନ ସରପଞ୍ଚ ତଥା ବରିଷ୍ଠ ସାମ୍ବାଦିକ ରବି ରାଉତ,ମନୋଜ କୁମାର ମହାନ୍ତି,କମଳାକାନ୍ତ ବିନ୍ଧାଣି,ପ୍ରଭାତ କୁମାର ନାୟକ,ବସନ୍ତ କୁମାର ସିଂହ, ତ୍ରିନାଥ କୁମାର ପଣ୍ଡା,ବିନୋଦ ଦାସ,ନିର୍ମଳ ଦାସ,ଗଜେନ୍ଦ୍ର ନାୟକ ପ୍ରମୁଖ ଚେତାବନୀ ଦେଇଛନ୍ତି।