PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟଣା : କେନ୍ଦୁଝର ଜିଲ୍ଲା ପାଟଣା ଥାନା ଗଣ୍ଡବେଡ଼ା ଗାଁରେ ଶ୍ୱଶୁର ଘର ପଛପଟୁ ଜ୍ୱାଇଁର ଝୁଲନ୍ତା ମୃତଦେହ ଉଦ୍ଧାର
  • ||
  • ବସ୍ତା : ବାଲେଶ୍ଵର ଜିଲ୍ଲା ବସ୍ତା-ଅମର୍ଦା ରୋଡ ରେଳ ଷ୍ଟେସନ ମଧ୍ୟବର୍ତ୍ତୀ ବ୍ରାହ୍ମଣଦା ଗ୍ରାମ ନିକଟ ରେଳ ଧାରଣା ପାର୍ଶ୍ଵରୁ ଅଜଣା ଯୁବକଙ୍କ ମୃତଦେହ ଉଦ୍ଧାର
  • ||
  • ଆଠମଲ୍ଲିକ : ଅନୁଗୁଳ ଜିଲ୍ଲା ଆଠମଲ୍ଲିକ ବ୍ଲକ ହଣ୍ଡପା ଥାନା ଅନ୍ତର୍ଗତ ରଘୁନାଥପୁର ଗାଁ ପଡ଼ିଆରେ କ୍ରିକେଟ ଖେଳିବା ବେଳେ ପଡ଼ିଲା ଚଡ଼କ, ଜଣେ ମୃତ ଅନ୍ୟ ଜଣେ ଗୁରୁତର
  • ||
  • ଢେଙ୍କାନାଳ : ଢେଙ୍କାନାଳ ସଦର ଥାନା ଭାପୁର ଫାଣ୍ଡି ଗଙ୍ଗାଧର ପ୍ରସାଦ ଗାଁ ପଶ୍ଚିମେଶ୍ୱର ମନ୍ଦିର ନିକଟରେ ପିକଅପ୍ ଭ୍ୟାନ ଓ ଟ୍ରକ୍ ମୁହାଁମୁହିଁ ଧକ୍କା, ଡ୍ରାଇଭର୍ ଗୁରୁତର
  • ||
  • ଭୁବନେଶ୍ଵର : ଦୁଇ ଆଇଏଏସ୍‌ଙ୍କୁ ହକି ବିଶ୍ୱକପ୍‌ ପରିଚାଳନା ଦାୟିତ୍ୱ, ରାଉରକେଲା ପାଇଁ ଭୂପେନ୍ଦ୍ର ସିଂ ପୁନିଆ, ଭୁବନେଶ୍ଵରରେ ରଘୁ ଜି
  • ||
  • ବଲାଙ୍ଗୀର : ଧୁମ୍‌ଧାମ୍‌ରେ ପାଳିତ ହେଲା ବଲାଙ୍ଗୀରର ବଏଲ ଯାତ୍ରା, ସମାଜର ମଙ୍ଗଳ ଉଦ୍ଦେଶ୍ୟରେ ଦେବୀଙ୍କ ଆରାଧନା କଲେ ଶ୍ରଦ୍ଧାଳୁ
  • ||
  • ମୁନିଗୁଡ଼ା : ରାୟଗଡ଼ା ଜିଲ୍ଲା ଅମ୍ବାଦଳା ଥାନା ଅନ୍ତର୍ଗତ କାମାରି ଗାଁ ନିକଟ ଜଙ୍ଗଲରୁ ଝୁଲନ୍ତା ଅବସ୍ଥାରେ ନିଖୋଜ ମହିଳାଙ୍କ ଗଳିତ ମୃତଦେହ ଉଦ୍ଧାର
  • ||
  • ଭୁବନେଶ୍ୱର : ଉପକୂଳରେ ନବମୀ ଓ ଦଶମୀରେ ବର୍ଷିବ ବୋଲି ଆକଳନ କରିଛନ୍ତି ପାଣିପାଗ ବିଶେଷଜ୍ଞ
  • ||
  • ଭୁବନେଶ୍ଵର : ଆଜି ପୀଠରେ ଦଶମୀ ; ମଣ୍ଡପରେ ମହାନବମୀ, ଚଣ୍ଡୀପାଠରେ କମ୍ପୁଛି ପୂଜା ମଣ୍ଡପ
  • ||
  • କୋଣାର୍କ : ଲଘୁଚାପ ପ୍ରଭାବରେ ସୋମବାର ରାତିରୁ କୋଣାର୍କରେ ପ୍ରବଳ ବର୍ଷା ହୋଇ ସୂର୍ଯ୍ୟମନ୍ଦିରରେ ଜମିଲା ପାଣି, ପର୍ଯ୍ୟଟକ ନିରାଶ
  • ||

ରାହୁଲଙ୍କ ପ୍ରତିଶୃତି: ଗରିବ ପରିବାରକୁ ବର୍ଷକୁ ୭୨ ହଜାର

source:https://indianexpress.com

ନୂଆଦିଲ୍ଲୀ,୨୫।୩(ଏଜେନ୍ସି): କଂଗ୍ରେସ କ୍ଷମତାକୁ ଆସିଲେ ସର୍ବନିମ୍ନ ଆୟ ଯୋଜନା (ନ୍ୟାୟ)ଲାଗୁ କରିବ । ଯାହାଫଳରେ ପ୍ରତି ଗରିବ ପରିବାରକୁ ବର୍ଷକୁ ୭୨ ହଜାର ଟଙ୍କା ମିଳିବ । ଏହି ଯୋଜନାରେ ୫ କୋଟି ଗରିବ ପରିବାରର ୨୫ କୋଟି ଲୋକ ଉପକୃତ ହୋଇପାରେିବ । କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ଆଜି ଏହି ପ୍ରତିଶ୍ରୁତି ଦେଇଛନ୍ତି । ରାହୁଲ ଦିଲ୍ଲୀରେ ଆୟୋଜିତ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ କଂଗ୍ରେସ ଦେଶରୁ ଗରିବୀ ହଟାଇବାକୁ ପ୍ରତିଶ୍ରୁତିବଦ୍ଧ । ଦେଶରେ ୨୦% ଲୋକ ସବୁଠାରୁ ଅଧିକ ଗରିବ । ସେମାନେ ଆର୍ଥିକ ଭାବେ ଅନଗ୍ରସର । ଗତ ୫ ବର୍ଷ ହେଲା ସେମାନେ ବହୁକଷ୍ଟ ସହି ଆସିଲେଣି । ସେମାନଙ୍କୁ ଏବେ ନ୍ୟାୟ ମିଳିବ । ସେଥିପାଇଁ କଂଗ୍ରେସ ଏଭଳି ଯୋଜନା କାର୍ଯ୍ୟକାରୀ କରିବାକୁ ଯାଉଛି । କେବଳ ଦେଶରେ ନୁହେଁ, ସମଗ୍ର ବିଶ୍ୱରେ ଏହା ସବୁଠାରୁ ବଡ ଯୋଜନା । ଗରିବ ଲୋକଙ୍କ ବ୍ୟାଙ୍କ ଖାତାକୁ ସିଧାସଳଖ ଏହି ଅର୍ଥ ପଠାଯିବ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଯଦି ଦେଶର ସବୁଠାରୁ ଧନୀ ଲୋକଙ୍କ ଋଣ ଛାଡ଼ କରିପାରୁଛନ୍ତି ତେବେ କଂଗ୍ରେସ କାହିଁକି ଗରିବ ଲୋକଙ୍କ ବ୍ୟାଙ୍କ ଖାତାକୁ ଟଙ୍କା ପଠାଇ ପାରିବ ନାହିଁ ।

ରାହୁଲ କହିଛନ୍ତି ସେ ଯେଉଁଠାକୁ ଯାଉଛନ୍ତି ସେଠାରେ ଯୁବକ, କୃଷକ ଓ ଶ୍ରମିକ ସମସ୍ତେ ପ୍ରଶ୍ନ କରୁଛନ୍ତି ଯେ ସର୍ବନିମ୍ନ ରୋଜଗାର ଗ୍ୟାରେଣ୍ଟି ଯୋଜନା କ’ଣ? ଏଥିରେ କେତେ ଲୋକଙ୍କୁ କିଭଳି ଲାଭ ମିଳିପାରିବ? କଂଗ୍ରେସ ଚାହୁଁଛି ଗରିବ ଲୋକଙ୍କ ସର୍ବନିମ୍ନ ଆୟ ମାସିକ ୧୨ ହଜାର ଟଙ୍କା ହେବା ଉଚିତ । ଏହା କରିବାକୁ ହେଲେ ସେମାନଙ୍କ ବ୍ୟାଙ୍କଖାତାକୁ ବର୍ଷକୁ ୭୨ ହଜାର ଟଙ୍କା ପଠାଯବିାର ଆବଶ୍ୟକତା ରହିଛି । ଉଦାହରଣ ଦେଇ ରାହୁଲ କହିଛନ୍ତି ଯଦି ଗୋଟିଏ ପରିବାରର ମାସିକ ଆୟ ୬ ହଜାର ଟଙ୍କା ରହିଛି ତେବେ କଂଗ୍ରେସ ସରକାର ଗଢ଼ିଲେ ସେହି ପରବିାରକୁ ଆଉ ଅଧିକ ୬ ହଜାର ଟଙ୍କା ଦିଆଯିବ । ଯାହାଫଳରେ ଉକ୍ତ ପରିବାରର ଆୟ ମାସିକ ୧୨ ହଜାର ଟଙ୍କା ହୋଇଯବି । ସେହଭଳି ଯଦି କୌଣସି ପରିବାରର ଆୟ ୧୨ ହଜାର ଟଙ୍କାରୁ କମ୍‌ ତେବେ ଆମେ ତାକୁ ୧୨ ହଜାର ଟଙ୍କା କରିଦେବୁ ।

ପ୍ରଥମେ ଏହି ଯୋଜନା ପାଇଲଟ ପ୍ରକଳ୍ପ ଭିତ୍ତିରେ କାର୍ଯ୍ୟକାରୀ ହେବ । ପରେ ସମଗ୍ର ଦେଶରେ ତାହାକୁ ଲାଗୁ କରାଯିବ । କଂଗ୍ରେସ ଏହି ଯୋଜନା ବିଷୟରେ ଗତ ୪-୫ମାସ ହେଲା ଅନୁଧ୍ୟାନ କରିଦେଖୁଛି । ବିଶ୍ୱର ସବୁଠାରୁ ବଡ଼ବଡ଼ ଅର୍ଥଶାସ୍ତ୍ରୀମାନେ ଏହି ଯୋଜନା ଉପରେ ବିଶ୍ଳେଷଣ କରିଛନ୍ତି । ପୂର୍ବତନ କେନ୍ଦ୍ରମନ୍ତ୍ରୀ ପି. ଚିଦାମ୍ବରମ ଏହି ଯୋଜନା ବିଷୟରେ ସବୁ କଥା ବୁଝୁଛନ୍ତି । ଦେଶରୁ ଦାରିଦ୍ର‌୍ୟ ହଟାଇବାକୁ ଆମେ ଚାହୁଁ । ସେଥିପାଇଁ ମନରେଗା ଯୋଜନା ଆମେ ଆଣିଥିଲୁ । ତାହା ଥିଲା ପ୍ରଥମ ଯୋଜନା । ଏବେ ଆମେ ଦ୍ୱିତୀୟ ଯୋଜନା ଆଣିଛୁ । ଏଥିରେ ୨୫ କୋଟି ଲୋକଙ୍କୁ ଦାରିଦ୍ର‌୍ୟରୁ ମୁକ୍ତି ମିଳିପାରିବ । ମୋଦି ଧନୀ ଓ ଗରିବ ନାମରେ ଦୁଇଟି ହିନ୍ଦୁସ୍ତାନ ସୃଷ୍ଟି କରିଛନ୍ତି । କଂଗ୍ରେସ ଏଭଳି ଦୁଇଟି ହିନ୍ଦୁସ୍ତାନ ହେବାକୁ ଦେବ ନାହିଁ । ଅପରପକ୍ଷରେ ରାହୁଲଙ୍କ ଏହି ଘୋଷଣାକୁ କଡ଼ା ସମାଲୋଚନା କରିଛି ବିଜେପି ।

ବରିଷ୍ଠ ବିଜେପି ନେତା ତଥା କେନ୍ଦ୍ର ଅର୍ଥମନ୍ତ୍ରୀ ଅରୁଣ ଜେଟ୍‌ଲୀ କହିଛନ୍ତି ଗରିବଙ୍କୁ ନେଇ ରାଜନୀତି କରିବା କଂଗ୍ରେସର ଇତିହାସରେ ରହିଛି । ରାହୁଲ ଯେଉଁ ପ୍ରତିଶ୍ରୁତି ଦେଇଛନ୍ତି ତାକୁ ପ୍ରଧାନମନ୍ତ୍ରୀ ମୋଦି ଏବେ ପୁରଣ କରୁଛନ୍ତି । ସିଧାସଳଖ ବ୍ୟାଙ୍କଖାତାକୁ ଟଙ୍କା ପଠାଯିବା ଯୋଜନା ମୋଦି ଆରମ୍ଭ କରିଥିଲେ । ୫୫ଟି ମନ୍ତ୍ରଣାଳୟ ପକ୍ଷରୁ ଏହା କାର୍ଯ୍ୟକାରୀ କରାଯାଉଛି । ଏହି ଯୋଜନାରେ ସିଧାସଳଖ ଗରିବ ଲୋକଙ୍କ ବ୍ୟାଙ୍କ ଖାତାକୁ ଟଙ୍କା ଯାଉଛି । ସେହିଭଳି କେନ୍ଦ୍ରମନ୍ତ୍ରୀ ରବିଶଙ୍କର ପ୍ରସାଦ କହିଛନ୍ତି ୧୯୭୧ରେ ଇନ୍ଦିରା ଗାନ୍ଧୀ ଗରିବୀ ହଟାଅ ସ୍ଳୋଗାନ ଦେଇଥିଲେ । ମାତ୍ର ସେଥିରେ ଗରିବୀ ହଟି ନଥିଲା । ରାଜୀବ ଗାନ୍ଧୀ କହଥିଲେ ଦିଲ୍ଲୀରୁ ୧ ଟଙ୍କା ପଠାଗଲେ ଗାଁରେ ୧୫ ପଇସା ପହଁଚୁଛି । କଂଗ୍ରେସ ମିଥ୍ୟା ସ୍ୱପ୍ନ ଦେଖାଉଛି । ୫୫ ବର୍ଷ ଧରି କଂଗ୍ରେସ ହିଁ ଗରିବ ବିରୋଧୀ ରହିଆସିଛି । ସେହିଭଳି ବିଜେପି ସାଧାରଣ ସମ୍ପାଦକ ରାମ ମାଧବ କହିଛନ୍ତି ପରାଜୟ ସୁନିଶ୍ଚିତ ଜାଣିବା ପରେ ରାହୁଲ ଚାନ୍ଦ ତୋଳିଆଣିବାର ପ୍ରତିଶୃତି ଦେଉଛନ୍ତି । ୨୦୧୧ରେ ଦେଶରେ ଗରବିଙ୍କ ସଂଖ୍ୟା ଥିଲା ମୋଟ ଜନସଂଖ୍ୟାର ୨୨ ପ୍ରତିଶତ । ବର୍ତ୍ତମାନ ତାହା ୫ ପ୍ରତିଶତକୁ ଖସି ଆସିଛି ।