PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର : ଇଡକୋ ସହକାରୀ ନିର୍ଦ୍ଦେଶକଙ୍କ ଘରେ ଭିଜିଲାନ୍ସ ରେଡ୍, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଟିଟିଲାଗଡ଼ : ସମ୍ଵଲପୁରୀ ଗୀତର ତାଳେତାଳେ ଝୁମିଲେ ଟିଟିଲାଗଡ଼ ଉପ-ଜିଲ୍ଲାପାଳ, ପାଦରେ ପାଦ ମିଶାଇ ନାଚିଲେ ରଙ୍ଗବତୀ
  • ||
  • କଣ୍ଟାବାଞ୍ଜି : ମୋଟର ସାଇକେଲ୍ ଓ ବଳଦ ମୁହାଁମୁହିଁ ଧକ୍କା, ଯୁବକ ମୃତ
  • ||
  • କଟକ : ଆଠଗଡ଼କୁ ସ୍ଥାନାନ୍ତର ହେଲା ଜଗତପୁରରେ ଟ୍ରାଙ୍କୁଲାଇଜ୍ କରାଯାଇଥିବା ହାତୀ
  • ||
  • ପୁରୀ : ହୋଟେଲରୁ ମହିଳାଙ୍କ ମୃତଦେହ ଉଦ୍ଧାର
  • ||

ଓ୍ବାଇନାଡରୁ ନାମାଙ୍କନ ପତ୍ର ଦାଖଲ କଲେ ରାହୁଲ

ଓ୍ବାଇନାଡ,୪।୪: କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ଆଜି କେରଳର ୱାଇନାଡ ଆସନରୁ ନାମାଙ୍କନ ପତ୍ର ଦାଖଲ କରିଛନ୍ତି । ସେ ଉତ୍ତର ପ୍ରଦେଶରେ   ଅମେଥି ସହିତ ଏହି ଆସନରୁ ମଧ୍ୟ  ନିର୍ବାଚନ ଲଢିବେ। ନାମାଙ୍କନ ପତ୍ର ଦାଖଲ ବେଳେ ରାହୁଲ ଗାନ୍ଧୀଙ୍କ ସହିତ ତାଙ୍କ ଭଉଣୀ ଓ ପୂର୍ବ ଉତ୍ତର ପ୍ରଦେଶର କଂଗ୍ରେସ  ମହାସଚିବ ପ୍ରିୟଙ୍କା ଗାନ୍ଧୀ ମଧ୍ୟ ଉପସ୍ଥିତ ଥିଲେ । ରାହୁଲ ନାମାଙ୍କନ ପତ୍ର ଦାଖଲ କରିବା ପରେ ଏବେ  କେରଳର ୱାଇନାଡ ଆସନରେ ତାଙ୍କର ଏନଡିଏ ପ୍ରାର୍ଥୀ ତୁଷାର ଭେଲାପଲ୍ଲୀଙ୍କ ସହିତ କଡା ଟକ୍କର ହେବ।

ଲୋକସଭା ନିର୍ବାଚନ ୨୦୧୯ ପାଇଁ ରାହୁଲ ପ୍ରାର୍ଥୀପତ୍ର ଦାଖଲ କରିବା ବେଳେ କହିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଆରଏସ୍ଏସ୍ କାମ କରୁଛି, ତାହାଦ୍ବାରା କିଛି ଲୋକଙ୍କୁ ଲାଗୁଛି ତାଙ୍କର ସଂସ୍କୃତି ଉପରେ ଆକ୍ରମଣ ହେଉଛି। ମୋଦି ସରକାର ଦକ୍ଷିଣ ଭାରତର ଲୋକଙ୍କୁ ଅଣଦେଖା କରୁଛନ୍ତି। ଦେଶର ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେବାରେ ତାଙ୍କୁ ସାମିଲ କରାଯାଉନି ବୋଲି ଅଭିଯୋଗ ହେଉଛି । ଏହି କାରଣରୁ ଆମେଥି ସହିତ ଦକ୍ଷିଣ ଭାରତର  ୱାଇନାଡ଼ରୁ ନିର୍ବାଚନ ଲଢ଼ିବାର ନିଷ୍ପତ୍ତି ନେଇଛି ବୋଲି କହିଛନ୍ତି ରାହୁଲ। ଭାରତ ଗୋଟିଏ ଦେଶ, ମୁଁ ଏହି ବାର୍ତ୍ତା ଦେବାକୁ ଏଠାକୁ ଆସିଛି। ମୋଦି ସରକାର ଓ ସଂଘ ନାଗପୁର ବୈଠକରେ ଦେଶର ଭାଷା ଓ ସଂସ୍କୃତି ଉପରେ ଆକ୍ରମଣ କରୁଛନ୍ତି। ଚୌକିଦାର ହିଁ ଅନୀଲ ଅମ୍ବାନୀଙ୍କୁ ୩୦ ହଜାର କୋଟି ଟଙ୍କା ଦେଇଛନ୍ତି। ଏବେ ଏହାର ଖୁଲାସା କରିବାର ଅଛି। ମୁଁ ଏଠାରୁ ନିର୍ବାଚନ ଲଢିବା ନେଇ ସିପିଏମ୍ ନିଶ୍ଚିତ ଭାବରେ ଅସନ୍ତୁଷ୍ଟ ରହିଛି, କିନ୍ତୁ ଆମେ ସମସ୍ତେ ଏକ ଓ ଏହାକୁ ନେଇ ଆଉ କିଛି କହିବିନି।’  

ରାହୁଲ ଗାନ୍ଧୀ ଗତ ବୁଧବାର ରାତିରେ ଏଠାରେ ପହଁଞ୍ଚିବା ପରେ ଦଳୀୟ କର୍ମୀମାନେ ତାଙ୍କୁ ଖୁବ ଉତ୍ସାହାର ସହ ସ୍ବାଗତ କରିଥିଲେ । ସୂଚନାଯୋଗ୍ୟ ଯେ, ରାହୁଲ ଗାନ୍ଧୀ ଚଳିତ ନିର୍ବାଚନରେ ଆମେଠିରେ ନିର୍ବାଚନ ଲଢ଼ିବା ଓ୍ବାଇନାଡରୁ ମଧ୍ୟ ନିର୍ବାଚନ ଲଢୁଛନ୍ତି। ବିଜେପି ଏହାକୁ ତାଙ୍କର ମୋଦି ଲହର ଭୟ ବୋଲି କହୁଥିବା ବେଳେ କଂଗ୍ରେସ କହୁଛି ଦକ୍ଷିଣ ଭାରତର ଅନେକ କଂଗ୍ରେସ କର୍ମୀଙ୍କ ଅନୁରୋଧ ରକ୍ଷା କରି ରାହୁଲ  ଏହି ନିର୍ବାଚନ ଲଢିବେ।

ସମ୍ବନ୍ଧିତ ଖବର