ଭୁବନେଶ୍ୱରରେ ପହଂଚି ନିଜ ମାନବିକତାର ପରିଚୟ ଦେଲେ ରାହୁଲ
ଭୁବନେଶ୍ବର,: ଓଡ଼ିଶା ଗସ୍ତରେ ଆସି ପହଞ୍ଚିଛନ୍ତି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ । ଉଦବୋଧନ ଶୁଣିବାକୁ ଜନତା ଯେତେ ବ୍ୟାକୁଳ ନ ଥିଲେ ତାଙ୍କ ପହଞ୍ଚିବାକୁ ନେଇ ଲୋକଙ୍କ ମନରେ ଥିଲା ଅଧିକ ଉତ୍କଣ୍ଠା । ତା ଭିତରେ ନିଜର ମାନବିକତାକୁ ଆଜି ଦେଖାଇଦେଲେ ରାହୁଲ ଗାନ୍ଧୀ
ବିମାନବନ୍ଦରରୁ ବାହାରୁଥାନ୍ତି ରାହୁଲ ଗାନ୍ଧୀ। ଠିକ୍ ଏହି ସମୟରେ ଜଣେ ଫଟୋ ସାମ୍ବାଦିକ ରାହୁଲଙ୍କ ଫଟୋ ଉଠାଇବାବେଳେ ହଠାତ୍ ଶିଡ଼ିରୁ ଖସି ତଳେ ପଡ଼ିଯାଇଥିଲେ। ତାଙ୍କୁ ପଡ଼ିବାର ଦେଖି ରାହୁଲ ସଙ୍ଗେ ସଙ୍ଗେ ଦୋୖଡ଼ି ଯାଇ ତାଙ୍କୁ ତଳୁ ଉଠାଇଥିଲେ। ଯାହାର ଭିଡ଼ିଓ ଏବେ ସୋସିଆଲ୍ ମିଡ଼ିଆରେ ଘୂରି ବୁଲୁଛି। ଯାହାକୁ ଦେଖି ଲାଇକ୍ ପରେ ଲାଇକ, କମେଣ୍ଟ ଆଉ ସେୟାର ଜୋରସୋର ଚାଲିଛି। ସଂପୃକ୍ତ ଫଟୋ ସାମ୍ବାଦିକ ଜଣକ ରାହୁଲଙ୍କ ସହ ବିମାନରେ ଦିଲ୍ଲୀରୁ ଆସିଥିଲେ।ଯାହା ବି ହେଉ, ଓଡ଼ିଆ ମାଟିରେ ଆଜି ପହଞ୍ଚି ନିଜ ମାନବିକତାର ପରିଚୟ ଦେଇଛନ୍ତି ରାହୁଲ।
