ପ୍ରମୂଖ ଖବର
  • ଆମେରିକା ବନାମ ଆୟର୍ଲାଣ୍ଡ ମ୍ୟାଚ୍‌ ବାତିଲ, ଟି-୨୦ ବିଶ୍ବକପରୁ ପାକିସ୍ତାନ ଆଉଟ୍
  • ||
  • ସମ୍ବଲପୁର: ଟେଲର ଦୋକାନରେ ପଶି ମା’ ଝିଅଙ୍କୁ ହାଣିଲେ ଦୁର୍ବୃତ୍ତ
  • ||
  • ହଟିବ ବ୍ରିଟିଶ ଆଇନ୍ , ଲାଗୁ ହେବ ଭାରତୀୟ ନିୟମ, ଜୁଲାଇରୁ ଲାଗୁ ହେବ ନୂଆ ପୁଲିସ ଆଇନ
  • ||
  • ଟି-ଟ୍ୱେଣ୍ଟି ବିଶ୍ୱକପ୍‌ ୨୦୨୪: ଫ୍ଲୋରିଡାରେ ବନ୍ୟା, ୟୁଏସ୍‌ଏ-ଆୟର୍ଲାଣ୍ଡ୍‌ ମ୍ୟାଚ୍‌ ବାତିଲ ଆଶଙ୍କା
  • ||
  • ମଙ୍ଗଳବାର ଖୋଲିବ ସ୍କୁଲ: ପ୍ରଥମରୁ ଦିଆଯିବ ମଧ୍ୟାହ୍ନଭୋଜନ, ରୋଷେଇ ପୂର୍ବରୁ ସାମଗ୍ରୀ ଯାଞ୍ଚ କରିବାକୁ ନିର୍ଦ୍ଦେଶ
  • ||
  • ରଥଖଳା ହାଲ୍‌ଚାଲ୍‌...ପାଞ୍ଚ ଦେବ ଦମ୍ପତିଙ୍କୁ ଏକତ୍ର ପନ୍ତି ଅର୍ପଣ ସମ୍ପନ୍ନ, ଦଣ୍ଡାରେ ଲାଗିଲା ଆଗ-ପଛ ମୁହାଁଟ
  • ||
  • କୋଣାର୍କ ରାସ୍ତାରେ ଓଲଟିଲା ପିକଅପ୍ ଭ୍ୟାନ୍, ୨ ମୃତ ୧୦ରୁ ଉର୍ଦ୍ଧ୍ଵ ଆହତ
  • ||
  • ରଣେନ୍ଦ୍ର ପ୍ରତାପ ସ୍ୱାଇଁ ଅସ୍ଥାୟୀ ବାଚସ୍ପତି: ୧୮ ଓ ୧୯ରେ ବିଧାୟକଙ୍କ ଶପଥ ଉତ୍ସବ, ୨୦ରେ ବାଚସ୍ପତି ନିର୍ବାଚନ
  • ||
  • ଶୁକ୍ରବାର ଶ୍ରୀମନ୍ଦିର ନୀତି ସବ୍‌କମିଟି ଓ ଛତିଶା ନିଯୋଗ ବୈଠକ, ସ୍ନାନଯାତ୍ରା ନୀତି ନିର୍ଘଣ୍ଟକୁ ମିଳିବ ଅନୁମୋଦନ
  • ||
  • ରଜ ମଉଜକୁ ଫିକା କରିଦେବ ଗୁଳୁଗୁଳି, ଆସନ୍ତା ୨ ଦିନ ଯାଏ ତାତିରୁ ନାହିଁ ନିସ୍ତାର
  • ||

ରଥଖଳା ହାଲ୍‌ଚାଲ୍‌...ଆରମ୍ଭ ହେଲା ଚାରିନାହାକା ତିଆରି, ୫ ଦଣ୍ଡା ପ୍ରସ୍ତୁତି ଶେଷ

ପୁରୀ,୧୦/୦୬: ରବିବାର  ରଥଖଳାରେ ଗରଗରା ଓ ଚାରିନାହାକା ନିର୍ମାଣ ଉପରେ ଗୁରୁତ୍ୱ ଦିଆଯାଇଛି । ରଥ ତ୍ରୟର ୬ ଗରଗରା ଓ ୧୨ ନାହାକା ରହିଛି । ଏହାକୁ ବାରିସିରେ ହାଣି ପ୍ରସ୍ତୁତ କରୁଛନ୍ତି ବିଶ୍ୱକର୍ମା । ଏଥିସହ ଦଣ୍ଡା ହଣା ଜାରି ରହିଛି । ୫ ଦଣ୍ଡା ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିଛି । ସେହିଭଳି କରତି ସେବକମାନେ ଗୟଳ ତିଆରି ଜାରି ରଖିଛନ୍ତି । ପୂର୍ବରୁ ତିନି ରଥର ୪୨ ଚକ ଓ ୨୧ ଅଖ ତିଆରି ସରିଛି । ଏଣିକି ଚକ ଓ ଅଖ ସଂଯୋଗ ଉପରେ ନିର୍ମାଣକାରୀଙ୍କ ନଜର ।  

ଚକ ଓ ଅଖ ସଂଯୁକ୍ତ ହୋଇ ରଥର ମୂଳଦୁଆ ପ୍ରସ୍ତୁତ ହେବ । ଅଖ ଉପରେ ଦଣ୍ଡା ପଡ଼ିବ । ଚଉତା ଓ ମୁହାଁଟରେ ଦାଗ ଦେଇ ବିନ୍ଧ କରାଯାଇଛି । ପ୍ରତି ରଥରେ ଦୁଇଟି ଲେଖାଏଁ ମୁହାଁଟରେ ୫ଟି କରି ୧୦ ବିନ୍ଧ ହୋଇଛି । ୫ଦଣ୍ଡାର  ଆଗରେ ପଛରେ ମୁହାଁଟ ସଂଯୁକ୍ତ ହେବ । ଏହାଦ୍ୱାରା ରଥର ଚେସିସ୍‌  ମଜଭୁତ୍‌ ହେବ । ଦଣ୍ଡା ଉପରେ ଗରଗରା ରହିବ । ଗରଗରା ଉପରେ ଚାରି ନାହାକା ଉଠିବ । ଏହା ରଥ ଉପରି ଭାଗ କାମ । ୪ ନାହାକା ଉପରେ ଭୂଇଁ  ଟୁଙ୍ଗୁରା ହେବ । ପ୍ରଥମ ଭୂଇଁ ଉପରେ  ୪ଟି ଖମ୍ବୀ ଓ ଦ୍ୱିତୀୟ ଭୂଇଁ ଉପରେ ୪ଟି ଖମ୍ବୀ ଲାଗିବ । ତା’ ଉପରେ ପୋଟଳ  ଖମ୍ବୀ ଲାଗି ତୃତୀୟ ଭୂଇଁ ରହିବ ।  

ବିଶ୍ୱକର୍ମାମାନେ ଧଉରା କାଠ  ଗଣ୍ଡିକୁ ବାରିସିରେ ହାଣି ଗରଗରା  ଚଉପଟ କରୁଛନ୍ତି । ପ୍ରତି ରଥରେ ଦୁଇଟି ଗରଗରା ଲାଗିବ । ଗରଗରା ଉପରେ ରଥର ଉପର ଅଂଶର  ସମ୍ପୂର୍ଣ୍ଣ ଭାରା ରହିବ । ରଥ ଅମିନ  ରଥର ବିଭିନ୍ନ ଅଂଶ ପାଇଁ କାଠ ଯୋଗାଡ଼ିବାରେ ବ୍ୟସ୍ତ । ଭୋଇ ସେବକ ବିଶ୍ୱକର୍ମାଙ୍କ ପରାମର୍ଶ  ଅନୁସାରେ କାଠ ଯୋଗାଉଛନ୍ତି । ରଥ  ଖଳାରେ କୋଣଗୁଜରେ ଅଳଙ୍କରଣ  କାର୍ଯ୍ୟ ଜାରି ରଖିଛନ୍ତି ରୂପକାର  ସେବକ । ମୁଖ୍ୟ କରତି ସେବକ  ରଣଜିତ ମହାରଣାଙ୍କ ତତ୍ତ୍ୱାବଧାନରେ  ରଥର ପୋଲ ଗୟଳ କାମ ଚାଲିଛି ।  ୪୦ଫୁଟିଆ ଧଉରା କାଠରେ ଗୟଳ  ତିଆରି ହେଉଛି । ଓଝା ସେବକମାନେ ଶାଳରେ ରଥ ପାଇଁ ଆବଶ୍ୟକ ଲୁହା ସାମଗ୍ରୀ ତିଆରୁଛନ୍ତି।

  • PrameyaOdia
  • prameya
  • Ratha Yatra 2024
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.