ପ୍ରମୂଖ ଖବର
  • କଇଁଛ ଚୋରା ଚାଲାଣ ବେଳେ ଚାରି ଜଣକୁ ଧରିଲା ଝରିଗାଁ ବନ ବିଭାଗ।
  • ||
  • ଚିଲିକାରେ ପୁଣି ଫସିଲା ଡଙ୍ଗା, ୧୦ ବାଇକ୍ ସହ ୨୦ରୁ ଅଧିକ ଯାତ୍ରୀ ଥିବା ସୂଚନା
  • ||
  • ରାମମନ୍ଦିରକୁ ବୋମାରେ ଉଡ଼ାଇଦେବାକୁ ଜୈସ୍‌-ଇ-ମହମ୍ମଦ ଧମକ, ଅଯୋଧ୍ୟାରେ ହାଇଆଲର୍ଟ
  • ||
  • କୁଏତରୁ ଓଡ଼ିଶା ଫେରିଲା ୨ଯୁବକଙ୍କ ମୃତଦେହ, ୪ ଲକ୍ଷ ଟଙ୍କାର ସହାୟତା ରାଶି ଘୋଷଣା କଲେ ମୁଖ୍ୟମନ୍ତ୍ରୀ
  • ||
  • ଖୋର୍ଦ୍ଧା: ଭାରସାମ୍ୟ ହରାଇ ଓଲଟିଲା ବସ୍, ୪ ଆହତ
  • ||
  • ନିଧି ଫାଇନାନ୍ସ ଠକେଇ ମାମଲା: ତୁଷାର ଭଞ୍ଜଙ୍କ ସରିଲା ରିମାଣ୍ଡ, ଇଓଡବ୍ଲ୍ୟୁ ନିରାଶ
  • ||
  • ରଜ ସଂକ୍ରାନ୍ତିରେ ଘରେ ଘରେ ମଉଜ: ପିଠା ପଣାରେ ମହକୁଛି ଗାଁଠୁ ସହର, ସବୁଠି ଉତ୍ସବ ମୁଖର
  • ||
  • ଓଡ଼ିଶାରେ ଆଗେଇବ ମୌସୁମୀ: ୧୭ରୁ ପ୍ରବଳ ବର୍ଷା ଆଶଙ୍କା, ଦକ୍ଷିଣ ଓଡ଼ିଶାରେ ଅଧିକ ବର୍ଷିବ
  • ||

ରଥଖଳା ହାଲ୍‌ଚାଲ୍‌..ଦଣ୍ଡା କାଠ ପୋଲା ପଡିବାରୁ ଚିନ୍ତାରେ ବିଶ୍ୱକର୍ମା, ଗରଗରାରେ ବିନ୍ଧ ଆରମ୍ଭ...

ପୁରୀ,୧୧/୦୬: ବନବିଭାଗ ପଠାଇଥିବା ରଥ କାଠ ପୋଲା ପଡ଼ିବାରେ ନିର୍ମାଣକାରୀଙ୍କ ମୁଣ୍ଡ ବିନ୍ଧା ବଢିଛି । ଦୀର୍ଘ ସମୟ ଧରି ଅନେକ ପରିଶ୍ରମ କରି ଦଣ୍ଡା ପ୍ରସ୍ତୁତ କଲାବେଳକୁ କାଠ ପୋଲା । ଫଳରେ ନିର୍ମାଣକାରୀଙ୍କ ସବୁ ପରିଶ୍ରମ ବୃଥା ଯାଇଛି । ରଥର ଦଣ୍ଡା ହଣା ଶେଷ ବେଳକୁ କାଠ ପୋଲା ଥିବା ଜଣାପଡ଼ିଛି । ନନ୍ଦିଘୋଷ ରଥର ୩ଟି ଓ ଦର୍ପଦଳନ ରଥର୨ଟି  ଦଣ୍ଡା କାଠ ପୋଲା ପଡ଼ିଥିବା ସୂଚନା ରହିଛି । ଏଣୁ ପୋଲା କାଠ ବଦଳାଇ ପୁଣି ନୂଆ କାଠରେ ଦଣ୍ଡା ତିଆରି ହେଉଛି । ମହିପୁର ରେଞ୍ଜରୁ ଆସିଥିବା ସାହାଜ କାଠ ପୋଲା ଥିବା ସୂଚନା ରହିଛି । 

ନନ୍ଦିଘୋଷ ରଥର ମୁଖ୍ୟ  ବିଶ୍ୱକର୍ମା ବିଜୟ କୁମାର ମହାପାତ୍ର କୁହନ୍ତି  ଚଳିତ ବର୍ଷ ୪୦ ଫୁଟିଆ ସାହାଜ କାଠ ଆମକୁ ହଇରାଣ କରି ଦେଇଛି । ମୋଟା କାଠ ଗଡ଼ ଉପରକୁ ଠିକ୍‌ ଦିଶୁଥିଲେ ମଧ୍ୟ ଭିତର ଫମ୍ପା ରହୁଛି । ଅଖ ତିଆରି ବେଳେ ମଧ୍ୟ ଏଭଳି କିଛି ସମସ୍ୟା ଦେଖିବାକୁ ମିଳିଥିଲା । ଏବେ ଦଣ୍ଡା ନିର୍ମାଣ ସମୟକୁ ସମସ୍ୟା ଆହୁରି ଘନଉଛି । ଏଣୁ କାଠ ବଦଳିବା ସହ ମୋଟା ମୋଟା କାଠ ଗଣ୍ଡିକୁ ପୁଣି ହାଣି ଦଣ୍ଡା ତିଆରି ହେଉଛି । ଶ୍ରୀମନ୍ଦିର ବରିଷ୍ଠ ତତ୍ତ୍ୱାବଧାରକ  ସୁଦର୍ଶନ ମେକାପ କୁହନ୍ତି ଏଥରକ କିଛି କାଠ  ପୋଲା ରହିଛି । ହେଲେ ଏନେଇ ଚିନ୍ତା କରିବାର  କିଛି ନାହିଁ । ଅଧିକ କାଠ ରହିଥିବାରୁ ରଥ ନିର୍ମାଣ  ପ୍ରଭାବିତ ହେବାର କୌଣସି ଆଶଙ୍କା ନାହିଁ ।  ଆବଶ୍ୟକ ହେଲେ ଆହୁରି କାଠ ମଧ୍ୟ ମଗାଯିବ  ବୋଲି ଶ୍ରୀ ମେକାପ କହିଛନ୍ତି । ଏପଟେ ରଥ ଖଳାରେ ଗରଗରା ଚଉପଟ  ସରିବା ପରେ ବିନ୍ଧ ଆରମ୍ଭ ହୋଇଛି । ଚାରି  ନାହାକା ଚଉପଟ କାମ ଜାରି ରହିଛି । ଚକ ଓ  ଅଖଗୁଡ଼ିକ ମାପଚୁପ ହେଲେ ରଥର ମୂଳଦୁଆ  ପ୍ରସ୍ତୁତ ହେବ। ଅଖ ଉପରେ ଦଣ୍ଡା ପଡ଼ିବ । ଦଣ୍ଡା  ଉପରେ ଗରଗରା ରହିବ । ଗରଗରା ଉପରେ  ଚାରି ନାହାକା ଉଠିବ । 

ଏହାପରେ ରଥ ଉପରି  ଭାଗ କାମ ଆରମ୍ଭ ହେବ । ରୂପକାର ଗୁଜ ଓ  କରତି ସେବକ ରଥର ଗୟଳ ଚିରଟ କରୁଛନ୍ତି ।  ଓଝା ସେବକମାନେ ଶାଳରେ ରଥ ପାଇଁ ଆବଶ୍ୟକ  ଲୁହା ସାମଗ୍ରୀ ତିଆରୁଛନ୍ତି । ତିନି ରଥର ନିର୍ମାଣ  କାର୍ଯ୍ୟରେ ସମନ୍ୱୟ ରଖାଯାଇ କାମ ଆଗଉଛି ।  ପୂର୍ବରୁ ତିନି ରଥର ୪୨ ଚକ ଓ ୨୧ ଅଖ ତିଆରି  ସରିଛି । ଏଣୁ ଯଥା ଶୀଘ୍ର ଚକ ଓ ଅଖ ସଂଯୋଗ  କରିବାକୁ ଚାହୁଁଛନ୍ତି ନିର୍ମାଣକାରୀ । ଏପଟେ କାଠ  ଖରାପ ପଡ଼ିବାରେ ଦଣ୍ଡା ତିଆରି ପଛାଇ ରଥ  କାମ ଧିମା ହେଉଥିବା ଜଣାଯାଇଛି ।

  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.