ନୂଆଦିଲ୍ଲୀ,୫/୬ : ସୋସିଆଲ ମିଡ଼ିଆରେ ପ୍ରତ୍ୟେକ ଦିନ କିଛି ନା କିଛି ଭାଇରାଲ ହୋଇଥାଏ । ଲୋକମାନଙ୍କ ମନକୁ ଛୁଇଁଥାଏ । କଣ୍ଟେଣ୍ଟ ଜବରଦସ୍ତ ହୋଇଥିଲେ ତାହା ଖୁବଶୀଘ୍ର ଭାଇରାଲ ହେବାକୁ ଲାଗିଥାଏ । ଆଜିର ଇଣ୍ଟରନେଟ ଯୁଗରେ ଏହା କୌଣସି ନୂଆ କଥା ନୁହେଁ। ପ୍ରତିଦିନ ଏଭଳି କିଛି ଭିଡ଼ିଓ ସାମ୍ନାକୁ ଆସିଥାଏ । ଠିକ୍ ଏଭଳି ଏକ  ଭିଡ଼ିଓ ଏବେ ସାମ୍ନାକୁ ଆସିଛି । ଯାହା ଖୁବ୍ ଭାଇରାଲ ହୋଇଛି । ଏହି ଭିଡ଼ିଓରେ ଜଣେ ଋଷିୟନ ଇନଫ୍ଲ୍ୟୁନ୍ସେର ଦିନାରା ସେୟାର କରିଛନ୍ତି । ଯେଉଁଥିରେ ସେ କହିଛନ୍ତି କି ତାଙ୍କୁ ଜଣେ ଭାରତୀୟ ବର ଆବଶ୍ୟକ । 

ଭାଇରାଲ ହୋଇଥିବା ଏହି ଭିଡ଼ିଓରେ ନାଲୀ ଶାଢୀ ପିନ୍ଧି ଋଷିୟନ ଇନଫ୍ଲ୍ୟୁନ୍ସେର ଦିନାରା ଏକ ମଲରେ ଠିଆ ହୋଇଥିବା ନଜର ଆସୁଛନ୍ତି । ଏହି ସମୟରେ ସେ ନିଜ ହାତରେ ଏକ ପୋଷ୍ଟର ଧରିଛନ୍ତି, ଯେଉଁଥିରେ ତାଙ୍କ ଇନଷ୍ଟାଗ୍ରାମ ପ୍ରୋଫାଇଲର କ୍ୟୁଆର କୋର୍ଡ଼ ଦେଖାଯାଉଛି । ଯାହା ଉପରେ ଲେଖା ଯାଇଛି କି , ମୋତେ ଭାରତୀୟ ସ୍ବାମୀ ଆବଶ୍ୟକ ।’ ଖାଲି ଏତିକି ନୁହେଁ ଏହାସହ ମେସେଜ କରିବା କଥା ବି ଲେଖିଛନ୍ତି । ସୋସିଆଲ ମିଡ଼ିଆ ପ୍ଲାଟଫର୍ମ ଇନଷ୍ଟାଗ୍ରାମରେ ଏହି ଭିଡ଼ିଓକୁ ସେୟାର କରି ଦିନାରା କ୍ୟାପଶନରେ ଲେଖିଛନ୍ତି କି, ‘ମୋତେ ଖୋଜିବାରେ ସାହାଯ୍ୟ କରନ୍ତୁ’ ।