ବାଙ୍ଗିରିପୋଷି,୧୩/୧୨: ରାଜ୍ୟରେ ପ୍ରଚଳିତ ତଥା ବହୁଳ ବ୍ୟବହୃତ ମୁଣ୍ଡାରି ଭାଷାକୁ ସମ୍ବିଧାନର ଅଷ୍ଟମ ଅନୁସୂଚିତରେ ଅନ୍ତର୍ଭୂକ୍ତ କରିବାକୁ ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ନିକଟରେ ଦାବିପତ୍ର ଜରିଆରେ ଦାବି ଜଣାଇଲେ ବିଧାୟିକା ସଂଞ୍ଜଳୀ ମୁର୍ମୁ । ମୁଣ୍ଡା ଏବଂ ମୁଣ୍ଡାରି ସମ୍ପ୍ରଦାୟ ଆଦିବାସୀ ଜନଜାତି ମଧ୍ୟରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଥିବା ବେଳେ ସାଂସ୍କୃତିକ ଏବଂ ଭାଷାଗତ ପରିଚୟକୁ ମଧ୍ୟ ଗଭୀର ଭାବରେ ଜଡିତ କରିଥାଏ।
ଓଡିଶା, ଝାଡଖଣ୍ଡ, ପଶ୍ଚିମବଙ୍ଗ ଏବଂ ଛତିଶଗଡ ରାଜ୍ୟରେ ପ୍ରାୟ ଛଅ ଲକ୍ଷରୁ ଅଧିକ ଆଦିବାସୀଙ୍କ ମଧ୍ୟରେ ମୁଣ୍ଡାରି ଭାଷାର ବହୁଳ ଭାବେ ବ୍ୟବହୃତ ହୋଇଥାଏ । ତଥାପି ଏହାର ମହତ୍ତ୍ୱ ଏବଂ ବ୍ୟାପକ ବ୍ୟବହାର ସତ୍ତ୍ୱେ, ମୁଣ୍ଡାରି ଏପର୍ଯ୍ୟନ୍ତ ଭାରତର ସମ୍ବିଧାନର ଅଷ୍ଟମ ଅନୁସୂଚିତରେ ଅନ୍ତର୍ଭୁକ୍ତ ହୋଇନାହିଁ । ମୁଣ୍ଡା ଓ ମୁଣ୍ଡାରି ଜନଜାତିର ସଂସ୍କୃତି, ସାମାଜିକ ଓ ଆର୍ଥିକ ସ୍ଥିତିକୁ ମଜଭୁତ କରିବାକୁ ସେମାନଙ୍କର ଭାଷାକୁ ସମ୍ୱିଧାନରେ ସ୍ଵୀକୃତି ଦେବା ଆବଶ୍ୟକ ବୋଲି ବିଧାୟିକା ସଂଞ୍ଜଳୀ ମୁର୍ମୁ ଉକ୍ତ ଦାବି ପତ୍ରରେ ଉଲ୍ଲେଖ କରିଛନ୍ତି । ଭାରତ ସରକାରଙ୍କ ସହ ଏହି ପ୍ରସଙ୍ଗରେ ଆଲୋଚନା କରନ୍ତୁ ବୋଲି ମୁଖ୍ୟମନ୍ତ୍ରୀଙ୍କ ନିକଟରେ ସେ ଅନୁରୋଧ କରିଛନ୍ତି ।
