ପଦ୍ମପୁର, ୧୭/୯ : ବରଗଡ଼ ଜିଲ୍ଲା ଅବକାରୀ ବିଭାଗକୁ ମିଳିଛି ବଡ଼ ସଫଳତା । ଆରକ୍ଷୀ ଅଧିକ୍ଷକ ସୁବର୍ଣ୍ଣ ନାଏକଙ୍କ ନିର୍ଦ୍ଦେଶ କ୍ରମେ ପଦ୍ମପୁର ଅବକାରୀ ନିରୀକ୍ଷକ ସଂକ୍ରାଜିତ ଦାଶ, ଭାରପ୍ରାପ୍ତ ଅଧିକାରୀ ଏଚ.ଜଗାରାଓ ଓ ସହକର୍ମୀ ବିଭିନ୍ନ ସ୍ଥାନରେ ବେଆଇନ ମଦ ଉପରେ ଚଢାଉ କରିଥିଲେ।
ଡଙ୍ଗାଛଚା ଗ୍ରାମର ପ୍ରଦୀପ ଅଗ୍ରୱାଲଙ୍କ ଘରେ ଚଢାଉ କରି ୪୫ବୋତଲ ବିଦେଶୀ ମଦ, ୨୮ଟି କିଙ୍ଗଫିସର ବିଅର, ୨୬୭ ବୋତଲ ମୃତ୍ୟୁ ସଞ୍ଜିବନୀ ସୁରା ଓ ଏଥିପାଇଁ ବ୍ୟବହୃତ ବଡ଼ ଫ୍ରିଜରକୁ ଜବତ କରିଛନ୍ତି । ଏବେ ଅଞ୍ଚଳରେ ଏପରି ଚୋରା ବେପାରୀ ବଢ଼ିବାରେ ଲାଗିଛନ୍ତି ଯାହା ଅବକାରୀ ବିଭାଗର ଚିନ୍ତା ବଢାଇଛି ଏବଂ ଅବକାରୀ ବିଭାଗ ଧରପକଡ଼ ଜୋରଦାର ଚଳାଇଛି ।
ଏପରି ଚୋରା ବେପାର ମଦ ମୃତ୍ୟୁର କାରଣ ହୋଇପାରେ । କାରଣ ମୁଖ୍ୟତ ଅପମିଶ୍ରିତ ମଦର ବେପାର କରି ଏହିପରି ବେପାରୀ ମାଲେମାଲ ହେଉଛନ୍ତି ଏବଂ ଲୋକଙ୍କ ଜୀବନ ବିପଦରେ ପକାଉଛନ୍ତି ।