ଭୁବନେଶ୍ଵର,୧୩/୦୨ : ଗଞ୍ଜାମ ଜିଲ୍ଲା ସୋନପୁର ବ୍ଲୁ ଫ୍ଲାଗ୍ ବେଳାଭୂମିକୁ ଦ୍ଵିତୀୟ ଥର ପାଇଁ ଅନ୍ତର୍ଜାତୀୟ ପୁରସ୍କାର ଘୋଷଣା କଲା ଏଫ.ଇ.ଇ। ବେଳାଭୂମି ସ୍ଵଚ୍ଛ ଓ ସୁରକ୍ଷା ପାଇଁ ସମସ୍ତଙ୍କୁ ଧନ୍ୟବାଦ ଜଣାଇଲେ ବ୍ରହ୍ମପୁର ଡି.ଏଫ.ଓ ସନି ଖୋଖର। ଏହା ଏକ ଆନ୍ତର୍ଜାତୀୟ ସ୍ତରରେ ସ୍ୱୀକୃତିପ୍ରାପ୍ତ ଇକୋ-ଲେବଲ୍। ଯାହା ୩୩ଟି ମାନଦଣ୍ଡ ଉପରେ ଆଧାରିତ। ବିଶେଷ କରି ପରିବେଶ ଶିକ୍ଷା ଏବଂ ସୂଚନା, ସ୍ନାନ ଜଳର ଗୁଣବତ୍ତା, ପରିବେଶ ପରିଚାଳନା ଓ ସମୁଦ୍ର କୂଳରେ ସଂରକ୍ଷଣ ଏବଂ ସୁରକ୍ଷା ସେବା ଭଳି ୪ଟି ମାନଦଣ୍ଡକୁ ଭିତ୍ତି କରି ପୁରସ୍କୃତ କରାଯାଏ।
ବ୍ଲୁ ଫ୍ଲାଗ୍ ବେଳାଭୂମି ସବୁଠୁ ପରିଷ୍କାର ବେଳାଭୂମି ଭାବରେ ପରିଗଣିତ ହୁଏ। ଏହା ଏକ ଇକୋ-ଟୁରିଜିମ୍ ମଡେଲ୍। ଯାହା ପର୍ଯ୍ୟଟକ / ସମୁଦ୍ରକୂଳବାସୀଙ୍କୁ ସ୍ୱଚ୍ଛ ଏବଂ ସ୍ୱଚ୍ଛ ସ୍ନାନ ଜଳ, ସୁବିଧା, ଏକ ନିରାପଦ ଏବଂ ସୁସ୍ଥ ପରିବେଶ ଏବଂ ଅଞ୍ଚଳର ନିରନ୍ତର ବିକାଶ ଯୋଗାଇବାକୁ ଚେଷ୍ଟା କରିଥାଏ ବୋଲି ଡି. ଏଫ. ଓ କହିଛନ୍ତି।
ଏହି ଖବରଟିକୁ ପଢନ୍ତୁ-ଗୁରୁବାରଠୁ ବିଧାନସଭା ବଜେଟ ଅଧିବେଶନ: ୧୭ରେ ରାଜ୍ୟ ବଜେଟ୍, ମାର୍ଚ୍ଚ ୨୯ରେ ବ୍ୟୟମଞ୍ଜୁରି ବିଲ୍
