ଗୋପାଳପୁର ୬/୪ :  ନାରାୟଣପୁର ସ୍ଥିତ ଦିବ୍ୟ ଜୀବନ ସଂଘ ଶାଖା ପକ୍ଷରୁ ରାମ ମନ୍ଦିରରେ ଶ୍ରୀରାମ ନବମୀ ପାଳିତ ହୋଇଛି। ସକାଳୁ ଠାକୁରଙ୍କୁ ନୀତିକାନ୍ତି ଭାବେ ପୂଜାର୍ଚ୍ଚନା କରି ପରେ ମନ୍ଦିର ପରିସରରେ ହୋମଯଜ୍ଞ,ଅକ୍ଷତ ଫୁଲ, ଚାଉଳ, ତୁଳସୀ ପତ୍ର ଲକ୍ଷେ ଅର୍ପଣ କରାଯାଇଥିଲା l ପୁରୋହିତ ଭାବେ ଗୋପାଳକୃଷ୍ଣ ପଣ୍ଡା, କର୍ତ୍ତା ଭାବେ ଶଶି ଭୂଷଣ ମହାନ୍ତି, ଗଣପତି ସାହୁ,ପି. ଆଶୋକ କୁମାର,ରବୀନ୍ଦ୍ର ମହାନ୍ତି ପୂଜାର୍ଚ୍ଚନାର ଦାୟିତ୍ୱ ତୁଲାଇ ଥିଲେ। 

ଏହି ଅବସରରେ ସ୍ବାମୀ ଗୋବିନ୍ଦା ନନ୍ଦ, ସ୍ୱାମୀ ଶରଣା ନନ୍ଦ, ସ୍ବାମୀ ଧର୍ମା ନନ୍ଦ ଯୋଗ ଦେଇ ଶ୍ରୀରାମ ଙ୍କ ଜନ୍ମ ଉପରେ ପ୍ରବଚନ ଦେଇଥିଲେ। ନାମ ଯଜ୍ଞ, ଘୃତ ଯଜ୍ଞ, ଅନ୍ନ ଯଜ୍ଞ କରାଯାଇଥିଲା।   ଆଖପାଖ ଅଞ୍ଚଳରୁ ପ୍ରାୟ ୫ ହଜାରରୁ ଉର୍ଦ୍ଧ ଭକ୍ତ  ଠାକୁର ଦର୍ଶନ କରିବା ସହ ଆଶିଷ ଗ୍ରହଣ କରିଥିଲେ l ଏଥିରେ ମନ୍ଦିର ପରିଚାଳନା କମିଟି ଏବଂ ଦିବ୍ୟ ଜୀବନ ସଂଘର କର୍ମକର୍ତ୍ତା ମାନେ ସହଯୋଗ କରିଥିଲେ l