ତେନ୍ତୁଳିଖୁଣ୍ଟି ୨୬।୮ : ନବରଙ୍ଗପୁର ଜିଲ୍ଲା ତେନ୍ତୁଳିଖୁଣ୍ଟି ବ୍ଲକ ମଞ୍ଚାଗାଁ ପଞ୍ଚାୟତର ବଙ୍ଗଳାଗୁଡା ଗ୍ରାମରେ ବଜ୍ରପାତରେ ଜଣେ ଦଶମ ଶ୍ରେଣୀ ଛାତ୍ର ଗୁରୁତର ହୋଇଛନ୍ତି। ଗୁରୁତର ଛାତ୍ର ଜଣକ ହେଲେ ବଙ୍ଗଳାଗୁଡା ଗ୍ରାମର ବିଭୀସେଣ ଗୌଡ଼ଙ୍କ ସାନ ଝିଅ କବିତା ଗୌଡ଼।
କବିତା ବେଡା ପଦରର ନିଜ ଜମିରେ କାମ କରୁଥିବା ମା’ ଓ ବଡ଼ ଭଉଣୀଙ୍କୁ ସହଯୋଗ ତଥା ଶୀଘ୍ର କାମ ସାରି ଘରକୁ ଫେରି ଆସିବା ନେଇ ଡାକିବା ପାଇଁ ବିଲକୁ ଯାଇଥିଲେ l ଦୁର୍ଭାଗ୍ୟ ବଶତଃ ସେଠାରେ ଜମି ହିଡରେ ରହିଥିବା ସମୟରେ କବିତା ଗୌଡ଼ଙ୍କ ଉପରେ ବଜ୍ରପାତ ପଡିଥିଲା l ସେଠାରୁ ତାଙ୍କୁ ଘରକୁ ଆଣି ନିକଟସ୍ତ ତେନ୍ତୁଳୀଖୁଣ୍ଟି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନେଇଥିଲେ । ଅବସ୍ଥା ଗୁରୁତ୍ୱର ଥିବା କାରଣରୁ ଡାକ୍ତର ତାଙ୍କୁ ନବରଙ୍ଗପୁର ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରିଥିଲେ । ସେଠାରୁ ତାଙ୍କୁ କୋରାପୁଟ ମୁଖ୍ୟ ଚିକିତ୍ସାଳୟକୁ ସ୍ଥାନାନତର କରାଯାଇଛି।