ତେଲକୋଇ, ୦୭/୦୮ : ରାସ୍ତା ମଝିରେ ଓଲଟିଲା ଆଇରନ ବୋଝେଇ ଟ୍ରକ୍। କେନ୍ଦୁଝର ଜିଲ୍ଲା ତେଲକୋଇ ଥାନା ଅନ୍ତର୍ଗତ ଦୁଲ୍ଲଭପୁର ଗାଁର ପୂର୍ତ୍ତ ବିଭାଗ ରାସ୍ତା ଉପରେ ଏହି ଦୁର୍ଘଟଣା ଘଟିଛି। ଫଳରେ ତେଲକୋଇ ଭୁବନେଶ୍ୱର ରାସ୍ତାରେ ଗତକାଲି ଠାରୁ ଯାତାୟାତ ବାଧାପ୍ରାପ୍ତ ରହିଛି।
{"id":450009,"sizeSlug":"large","linkDestination":"none"}ସୂଚନାନୁଯାୟୀ, ଶନିବାର ବିଳମ୍ବିତ ରାତି ପ୍ରାୟ ୧୦ଟା ବେଳକୁ ଏକ ଆଇରନ ବୋଝେଇ ଟ୍ରକ୍ କେନ୍ଦୁଝର ପଟୁ ତେଲକୋଇ ଦେଇ ଅନୁଗୁଳ ଜିଲ୍ଲା ଆଡ଼କୁ ଯାଉଥିବାବେଳେ ଭାରସାମ୍ୟ ହରାଇ ରାସ୍ତା ଉପରେ ଓଲଟି ପଡ଼ିଥିଲା। ଫଳରେ ତେଲକୋଇ ଭୁବନେଶ୍ୱର ରାସ୍ତାରେ ଗତକାଲି ଠାରୁ ଯାତାୟାତ ବାଧାପ୍ରାପ୍ତ ରହିଛି। ଛୋଟ ଗାଡିଗୁଡ଼ିକ ତେଲକୋଇ ଠାରୁ ଦେଉଳଡିହା ଗାଁ ଦେଇ ଆକୁଳ ଗାଁଠାରେ ବାହାରି ଯିବାଆସିବା କରିବା ଦେଖିବାକୁ ମିଳିଛି। ତେବେ ପୁଲିସ ଓ ଗାଡି ମାଲିକଙ୍କ ମଧୁଚନ୍ଦ୍ରିକା ଯୋଗୁଁ ଆଇରନ ଗାଡି ଗୁଡିକ ୪୯ ନଂମ୍ବର ଜାତୀୟ ରାଜପଥ ଦେଇ ଯିବାଆସିବାର ନିୟମ ଥିଲେ ମଧ୍ୟ ଟୋଲଗେଟ ଦେୟ ଓ ତେଲ ବଞ୍ଚାଇବାକୁ ଯାଇ ଗାଁ ଗହଳି ରାସ୍ତାରେ ଆଇରନ ଗାଡି ଗୁଡିକ ଚଳାଚଳ କରୁଛି। ଫଳରେ ତେଲକୋଇ ବଜାର ମଧ୍ୟରେ ଟ୍ରାଫିକ ସମସ୍ୟା ସୃଷ୍ଟି ହେବା ସହ ରାସ୍ତା ଗୁଡିକ ଖରାପ ହେଉଥିବା ଅଭିଯୋଗ ହେଉଛି। ଏନେଇ ତେଲକୋଇ ପ୍ରଗତିଶୀଳ ନାଗରିକ ମଞ୍ଚ ପକ୍ଷରୁ ବାରମ୍ବାର କେନ୍ଦୁଝର ଜିଲ୍ଲାପାଳ ଓ ଆରକ୍ଷୀ ଅଧିକ୍ଷକଙ୍କୁ ଜଣାଇଥିଲେ ମଧ୍ୟ କୌଣସି ସୁଫଳ ମିଳିପାରିନଥିବା ମଞ୍ଚ ପକ୍ଷରୁ କୁହାଯାଇଛି।