ଭଞ୍ଜନଗର,୩୧।୩ - ଗଞ୍ଜାମ ଜିଲ୍ଲା ଉତ୍ତର ଘୁମୁସର ବନଖଣ୍ଡ ଅଧିନ ମୁଜାଗଡ ରେଞ୍ଜ ଅନ୍ତର୍ଗତ ବିଭିନ୍ନ ଗ୍ରାମର ଏବେ ବାଘ ଆତଙ୍କ ଦେଖିବାକୁ ମିଳିଛି।  ଭଞ୍ଜନଗର ଉତ୍ତର ଘୁମୁସର ବନଖଣ୍ଡ ଅଧିନ ମୁଜଗଡ଼ ରେଞ୍ଜ ର ଗୌଡ଼ବନ୍ଦର ଗ୍ରାମରେ ଗତ ରାତିରେ ବାଘ ଏକ ମଇଁଷି ଛୁଆ କୁ ଆକ୍ରମଣ କରି ମାରିଦେଇଛି । 

 ଭିତିରି ବେଡିଗୋବା ଗ୍ରାମରେ ଗତ ୨୯ତାରିଖ ବାଘ ଏକ ବଳଦ କୁ ମାରି ଟାଣି ନେଇ ନିକଟ ଜଙ୍ଗଲରେ ଖାଇଥିବା ଜଣାପଡିଛି। ଗ୍ରାମର କପିଳ କହଁର ଗାଇ ବଳଦ ଘର ମୁଁହ ଖୁଣ୍ଟରେ ବନ୍ଧା ହୋଇଥିବା ବେଳେ ଗତ ମଧ୍ୟ ରାତ୍ରୀରେ ଏକ ବାଘ ଘର ମୁହଁରୁ ବଳଦକୁ ଘୋଷାଡି ନେଇ ଜଙ୍ଗଲ ନିକଟ ଏକ ଝରଣା କୂଳରେ ତାକୁ ମାରି ଖାଇଛି।ଏପଟେ ଗୌଡ଼ ବନ୍ଦର ଗ୍ରାମରେ ମଧ୍ୟ ଗତ ରାତିରେ ଏକ ମଇଁଷି ଛୁଆ କୁ ଗୋଠ ରେ ପଶି ଆକ୍ରମଣ କରି ମାରିଦେଇଛି lଗ୍ରାମବାସୀ ସମ୍ପୂର୍ଣ ଭୟଭୀତ ହୋଇପଡିଛନ୍ତି lବନ ବିଭାଗ ଘଟଣା ସ୍ଥଳ ରେ ପହଂଚି ତଦନ୍ତ ଆରମ୍ଭ କରିଛି l ଲୋକ ଭୟଭୀତ ହୋଇ ସନ୍ଧ୍ୟା ହେଲେ ଘରୁ ବାହାରିପରୁନାହାନ୍ତି।