ଡେରାଡୁନ୍, ୧୦/ ୩: ଦେବଭୂମି ଉତ୍ତରାଖଣ୍ଡର ନୂଆ ମୁଖ୍ୟମନ୍ତ୍ରୀ ଭାବେ ଶପଥ ନେଲେ ତିରଥ ସିଂ ରାଓ୍ବତ। ରାଜ୍ୟପାଳ ବେବି ରାନୀ ମୌର୍ଯ୍ୟ ପଦ ଏବଂ ଗୋପନୀୟତାର ଶପଥ କରାଇଛନ୍ତି। ଏଥିସହିତ ରାଜ୍ୟରେ ଲାଗି ରହିଥିବା ରାଜନୈତିକ ହଟଚମଟରେ ବିରାମ ଲାଗିଛି।
ବୁଧବାର ଡେରାଡୁନରେ ବିଜେପି ବିଧାୟକ ଦଳର ବୈଠକ ହୋଇଥିଲା, ଏହି ସମୟରେ ନୂତନ ମୁଖ୍ୟମନ୍ତ୍ରୀଙ୍କ ନାମ ସାମନାକୁ ଆସିଥିଲା। ତିରଥ ସିଂ ରାଓ୍ବତ ଉତ୍ତରାଖଣ୍ଡର ଗଡଓ୍ବାଲ ଲୋକସଭା କ୍ଷେତ୍ରରୁ ସାଂସଦ ଅଛନ୍ତି। ସେ ଉତ୍ତରାଖଣ୍ଡର ବିଜେପି ଅଧ୍ୟକ୍ଷ ମଧ୍ୟ ରହିସାରିଛନ୍ତି। ଏବେ ବିଜେପିର ରାଷ୍ଟ୍ରୀୟ ସଚିବ ଅଛନ୍ତି।
wp:embed {"url":"https://twitter.com/ANI/status/1369597749784551425","type":"rich","providerNameSlug":"twitter","responsive":true,"className":""} /wp:embedଉଲ୍ଲେଖନୀୟ ଯେ, ଦଳୀୟ ବିଧାୟକଙ୍କ ଦ୍ବାରା ଅସନ୍ତୋଷ ବ୍ୟକ୍ତ କରାଯିବା ପରେ ମଙ୍ଗଳବାର ତ୍ରିଭେନ୍ଦ୍ର ସିଂ ରାଓ୍ବତ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଥିଲେ। ଏହାପରେ ନୂତନ ମୁଖ୍ୟମନ୍ତ୍ରୀଙ୍କର ନାଁ ଘୋଷଣା କରାଯାଇଥିଲା।