PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେନ୍ଦ୍ରାପଡ଼ା : ସିମେଣ୍ଟ ଇଟାଭାଟି ମାଲିକଙ୍କୁ ବିଭତ୍ସ ଭାବେ ହତ୍ୟା, ରକ୍ତ ଜୁଡୁବୁଡୁ ମୃତଦେହ ଉଦ୍ଧାର
  • ||
  • ଭୁବନେଶ୍ଵର : ରାଜଧାନୀରୁ ଲୁଟେରା ଗ୍ୟାଙ୍ଗ ଗିରଫ, ୧୭୧ ଗ୍ରାମର ସୁନା ଜବତ
  • ||
  • ଢେଙ୍କାନାଳ : କପି ଯାଞ୍ଚ୍ ବାହାନାରେ ଛାତ୍ରୀଙ୍କୁ ଅସଦାଚରଣ ଅଭିଯୋଗ, ପରୀକ୍ଷା କେନ୍ଦ୍ର ସମ୍ମୁଖରେ ଛାତ୍ରଛାତ୍ରୀଙ୍କ ଧାରଣା
  • ||
  • ଝାରସୁଗୁଡ଼ା : ଏସଏମସି ପାୱାର ଜେନେରେସନ କାରଖାନାରେ ଦୁର୍ଘଟଣା, ନିଆଁରେ ପୋଡ଼ି ହୋଇ ଶ୍ରମିକ ଗୁରୁତର
  • ||
  • ଭୁବନେଶ୍ଵର : ମୁଖ୍ୟମନ୍ତ୍ରୀଙ୍କୁ ଭେଟିଲେ କୁଲତା ସମାଜ, ନୃସିଂହନାଥ ପୀଠର ଉନ୍ନତିକରଣ ପଦକ୍ଷେପ ପାଇଁ ଦେଲେ ଧନ୍ୟବାଦ
  • ||
  • ମାର୍ଶାଘାଇ : ଦିନ ଦ୍ଵିପ୍ରହରେ ଲୁଟ୍, ମହିଳାଙ୍କୁ ଭୁଜାଲି ଦେଖାଇ ଅଳଙ୍କାର ଲୁଟିନେଲେ ୨ ଦୁର୍ବୃତ୍ତ
  • ||
  • ବିଜୟ ହଜାରେ ଟ୍ରଫି: ଇତିହାସ ରଚିଲେ ଋତୁରାଜ, ଗୋଟିଏ ଓଭରରେ ମାରିଲେ ୭ ଛକା
  • ||
  • କେନ୍ଦ୍ରାପଡ଼ା : ସିମେଣ୍ଟ ଇଟାଭାଟି ମାଲିକଙ୍କୁ ବିଭତ୍ସ ଭାବେ ହତ୍ୟା, ରକ୍ତ ଜୁଡୁବୁଡୁ ମୃତଦେହ ଉଦ୍ଧାର
  • ||
  • କେନ୍ଦ୍ରାପଡ଼ା: ବାଲିଆ ବାଣ ବିସ୍ଫୋରଣ ଅଘଟଣ: ଏସ୍‌ସିବିରେ ଆଉ ଜଣଙ୍କ ମୃତ୍ୟୁ, ଆହୁରି ୧୧ ଜଣଙ୍କ ଅବସ୍ଥା ଗୁରୁତର
  • ||
  • କଟକ: ଡିସେମ୍ବର ୯ରୁ ମାଟ୍ରିକ୍‌ ଏସ୍‌ଏ-୧ ଖାତା ଦେଖା, ୫୬ଟି କେନ୍ଦ୍ରରେ ହେବ ମୂଲ୍ୟାୟନ
  • ||
  • ଭୁବନେଶ୍ୱର: ରାଜ୍ୟରେ ଶୀତ ଲହରୀ ଅସମ୍ଭାଳ: ୧୦ ଡିଗ୍ରୀ ତଳେ ୭ ସହର, ସେମିଳିଗୁଡା ସବୁଠୁ ଥଣ୍ଡା
  • ||

ଦୁର୍ଗାପୂଜା ଭିଡ଼ ପାଇଁ ଟ୍ରାଫିକ୍‌ କଟକଣା: ସହର ଭିତରେ ଭାରୀଯାନକୁ ନା, ଅପରାହ୍ଣ ୪ଟାରୁ ରାତି ୨ଟା ଯାଏଁ ଲାଗୁ ହେବ କଡ଼ାକଡ଼ି ନିୟମ

ଭୁବନେଶ୍ୱର,୨୯/୦୯: ଦୁଇ ବର୍ଷ ପରେ ରାଜଧାନୀରେ ହେବ କଟକଣାମୁକ୍ତ ଦୁର୍ଗାପୂଜା । ବେଶ୍‌ ଧୁମଧାମ୍‌ରେ ୧୭୮ଟି ମଣ୍ଡପରେ ପୂଜା ପାଇବେ ଜଗତଜନନୀ । ପୂର୍ବ ଅପେକ୍ଷା ଏଥର ଭକ୍ତଙ୍କ ଭିଡ଼ ବଢ଼ିବାର ସମ୍ଭାବନା ରହିଛି । ଏହାକୁ ଦୃଷ୍ଟିରେ ରଖି କମିଶନରେଟ୍‌ ପୁଲିସ ଅକ୍ଟୋବର ୧ ତାରିଖ ଠାରୁ ୫ ଦିନ ପାଇଁ ଟ୍ରାଫିକ କଟକଣା ଲାଗୁକରିଛି ।

ସହରର ପ୍ରମୁଖ ରାସ୍ତାରେ ଭାରୀଯାନ ପ୍ରବେଶରେ ରୋକ ଲଗାଯାଇଛି । ୧୬ ନମ୍ବର ଜାତୀୟ ରାଜପଥର ସର୍ଭିସ ରୋଡ୍‌ରେ ମଧ୍ୟ ଭାରୀଯାନ ଗଡ଼ିବନି । ଏପରିକି କିଛି ପୂଜା ପେଣ୍ଡାଲ ନିକଟବର୍ତ୍ତୀ ରାସ୍ତା ଓ ପ୍ରବେଶସ୍ଥଳରେ ବାଇକ୍‌ ମଧ୍ୟ ପଶି ପାରିବନି । ଅପରାହ୍ଣ ୪ଟାରୁ ରାତି ୨ଟା ପର୍ଯ୍ୟନ୍ତ ଏହି କଟକଣା ବଳବତ୍ତର ରହିବ ।

ପୁଲିସ ସୂଚନା ମୁତାବକ, ଖଣ୍ଡଗିରିରୁ ରସୁଲଗଡ଼ ଭିତରେ ଏନ୍‌ଏଚ୍‌-୧୬ରେ କେବଳ ଓଭରବ୍ରିଜ୍‌ରେ ହିଁ ଭାରୀଯାନ ଯାଇପାରିବ । ଖଣ୍ଡଗିରି ଛକରୁ ପୋଖରୀପୁଟ ଯାଏଁ ଭାରୀଯାନ ଗଡ଼ିବନି । ଏହି ରାସ୍ତାକୁ ସଂଯୋଗ କରୁଥିବା ଜାଗମରା ଓ ଗଣ୍ଡମୁଣ୍ଡା ରାସ୍ତାରେ ମଧ୍ୟ ଅପରାହ୍ଣ ୪ରୁ କୌଣସି ଭାରୀଯାନ ଯାଇ ପାରିବନି । ସେହିପରି ଫାୟାର୍‌ ଷ୍ଟେସନ ଛକଠୁ ଶିଶୁଭବନ ଛକ ଏବଂ ସିଆର୍‌ପିଏଫ୍‌ ଛକରୁ ପାୱାର ହାଉସ ଛକ ପର୍ଯ୍ୟନ୍ତ ଭାରୀଯାନ ପ୍ରବେଶ ନିଷେଧ କରାଯାଇଛି ।ଜୟଦେବ ବିହାର ଛକରୁ ୨ ପାଶ୍ୱର୍ ରାସ୍ତାକୁ ମଧ୍ୟ ଭାରୀଯାନ ପଶିବନି । ଜୟଦେବ ବିହାରରୁ ନନ୍ଦନକାନନ ଯାଏଁ ଓ ଅପରପାଶ୍ୱର୍ରେ ରାଜଭବନ ଛକ ପର୍ଯ୍ୟନ୍ତ ଭାରୀଯାନ ପ୍ରବେଶରେ ରୋକ ଲଗାଯାଇଛି । ସେହିପରି ଆଚାର୍ଯ୍ୟବିହାର ଛକର ୨ପାଶ୍ୱର୍ରେ ଭାରୀଯାନ ପଶିବନି । ବାଣୀବିହାର ଛକରୁ ଜନପଥରେ ଶିଶୁଭବନ ଛକ ଯାଏଁ ଏବଂ ରସୁଲଗଡ଼ ଛକରୁ କଟକ ରୋଡ୍‌ରେ ଲିଙ୍ଗିପୁର ଟ୍ରାଫିକ ଯାଏଁ ଭାରୀଯାନ ଯାତାୟାତ ଉପରେ କଟକଣା ଲଗାଯାଇଛି ।

ବଡ଼ କଥା ହେଲା, ଏନ୍‌ଏଚ୍‌ର ବରମୁଣ୍ଡା ଓଭରବ୍ରିଜ୍‌ରୁ ପଳାଶୁଣୀ ଯାଏଁ ସର୍ଭିସ ରୋଡ୍‌ରେ ମଧ୍ୟ ଭାରୀଯାନ ପ୍ରବେଶ ନିଷେଧ କରାଯାଇଛି । ଏନ୍‌ଏଚ୍‌ ପାଶ୍ୱର୍ରେ ୪ଟି ବଡ଼ ପୂଜା ପେଣ୍ଡାଲ ଥିବାରୁ ସର୍ଭିସ୍‌ ରୋଡ୍‌କୁ ଫାଙ୍କା ରଖିବାକୁ ପୁଲିସ ଯୋଜନା କରିଛି । ଆବଶ୍ୟକ ପଡ଼ିଲେ, ଖୋର୍ଦ୍ଧାରୁ କଟକ ଆଡ଼କୁ ଯାଉଥିବା ଟ୍ରକ୍‌ ଓ ବସ୍‌ଗୁଡ଼ିକୁ ପିତାପଲ୍ଲୀ ଛକରେ ଅଟକାଯିବ । ସେହି ଗାଡ଼ିଗୁଡ଼ିକ ବାମ ପାଶ୍ୱର୍ରେ ଚନ୍ଦକା ବାରଙ୍ଗ ରାସ୍ତା ଦେଇ ବାଲିକୁଦା ଠାରେ ଏନଏଚ୍‌ରେ ମିଶିପାରିବେ ।

ନୂଆପଲ୍ଲୀ ଅଣ୍ଡରପାସ୍‌ ବନ୍ଦ

ନୂଆପଲ୍ଲୀ ଦୁର୍ଗାପୂଜା ଭିଡ଼କୁ ଲକ୍ଷ୍ୟରେ ରଖି ନୂଆପଲ୍ଲୀ ଅଣ୍ଡରପାସ୍‌କୁ ବନ୍ଦ କରାଯାଇଛି । ଜୟଦେବ ବିହାରରୁ ସର୍ଭିସ ରୋଡ୍‌ ଦେଇ ଆସୁଥିବା ସବୁ ଗାଡ଼ି ସିଆର୍‌ପିଏଫ୍‌ ଛକ ଦେଇ ଗନ୍ତବ୍ୟସ୍ଥଳକୁ ଯାଇ ପାରିବ ।

ରାବଣପୋଡ଼ି ପାଇଁ ସ୍ୱତନ୍ତ୍ର ବ୍ୟବସ୍ଥା

ରାବଣପୋଡ଼ି ଦିନ କଟକ ଆଡ଼ୁ ଆସୁଥିବା ସବୁ ଗାଡ଼ି ଜୟବିହାର ଛକରୁ ବାମ ପାଶ୍ୱର୍ ରାସ୍ତା ଦେଇ ବେହେରା ସାହି, ପାୱାର ହାଉସ, ୟୁନିଟ-୮ ଡିଏଭି ଛକ ଦେଇ ସିଆର୍‌ପିଏଫ୍‌ ଛକରେ ମିଶି ପାରିବେ । ସେହିପରି ପୁରୀରୁ ବରମୁଣ୍ଡା ଆସୁଥିବା ଗାଡ଼ି ଲିଙ୍ଗିପୁର ଦେଇ ସାମନ୍ତରାପୁର, କଳ୍ପନା ଯାଏଁ ଯିବେ । ସେଠାରୁ ରାଜମହଲ, ଶିଶୁଭବନ, ଗଙ୍ଗନଗର ଛକରୁ ଫାୟାର ଷ୍ଟେସନ ଦେଇ ବରମୁଣ୍ଡା ବସ୍‌ଷ୍ଟାଣ୍ଡକୁ ଯାଇ ପାରିବେ । ପୁରୀ ପଟୁ କଟକ ଯା’ଆସ କରୁଥିବା ଗାଡ଼ିଗୁଡ଼ିକ ଜଗନ୍ନାଥ ବାଇପାସ୍‌ (ଲିଙ୍ଗିପୁର-ହଂସପାଳ)ରେ ଯାଇପାରିବେ ।

ସମ୍ବନ୍ଧିତ ଖବର