ଭୁବନେଶ୍ୱର, ୫।୮: ଭିଜିଲାନ୍ସ ପଞ୍ଝାରେ ଅତିରିକ୍ତ ମୁଖ୍ୟଯନ୍ତ୍ରୀ । ଓଡ଼ିଶାର ୧୨ଟି ସ୍ଥାନରେ ଭିଜିଲାନ୍ସର ଚଢ଼ାଉ କରିଥିବା ସୂଚନା । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଅତିରିକ୍ତ ମୁଖ୍ୟଯନ୍ତ୍ରୀ ଶ୍ରୀ ପ୍ରଦୀପ କୁମାର ରଥଙ୍କ ଘରେ ଚଢ଼ାଉ କରାଯାଇଥିଲା । ଅତିରିକ୍ତ ମୁଖ୍ୟ ଇଞ୍ଜିନିୟର, ଓଡ଼ିଶା ସେତୁ ଓ ନିର୍ମାଣ ନିଗମ, ମୁଖ୍ୟ ନିର୍ମାଣ ଇଞ୍ଜିନିୟର, ୯ ଡିଏସ୍‌ପି, ୧୧ ଜଣ ଇନସପେକ୍ଟରଙ୍କ ନେତୃତ୍ୱରେ କଟକ ସମେତ ଭୁବନେଶ୍ୱର, ଭଦ୍ରକ, ଯାଜପୁର,ଭଦ୍ରକ, ଖୋର୍ଦ୍ଧା ଆଦି ୧୨ଟି ସ୍ଥାନରେ ଭିଜିଲାନ୍ସ ଏକକାଳୀନ ଚଢ଼ାଉ କରିଥିଲା । 

ଭୁବନେଶ୍ୱର ରସୁଲଗଡ଼ ସତ୍ୟ ବିହାରରେ ଥିବା ପ୍ରଦୀପଙ୍କ ଆବାସିକ ଘର ସମେତ ଚନ୍ଦ୍ରଶେଖରପୁରସ୍ଥି ଆପାର୍ଟମେଣ୍ଟ, ଭଦ୍ରକର ଆଚାର୍ଯ୍ୟ ନଗରରେ ଥିବା ଦୁଇ ମହଲା କୋଠା, କଟକ ବାରବାଟୀ ଷ୍ଟାଡିୟମ୍‌ରେ ଥିବା ଅଫିସ୍ ରୁମ୍, ଭଦ୍ରକ ଅଗରପଡ଼ା ଓ ରନ୍ଦିଆହାଟରେ ଥିବା ପୈତୃକ ଘରରେ ଚଢ଼ାଉ କରିଛି ଭିଜିଲାନ୍ସ । ଏହା ବ୍ୟତୀତ ଗୋଟିଏ କ୍ରସର ୟୁନିଟ, ଗୋଟିଏ ଚାରି ଚକିଆ ଗାଡି, ଦୁଇଟି ଜେସିଭି, ଏସ୍କା ଭେକ୍ଟର ମେସିନ, ଯାଜପୁରର ଦୁଇଟି ସ୍ଥାନ, ଖୋର୍ଦ୍ଧାର ଦୁଇଟି ସ୍ଥାନ ଏଥିସହ ପ୍ରଦୀପଙ୍କ ପୁଅଙ୍କର ଆଇଡି ନୟାପଲ୍ଲୀ ମାର୍କେଟରେ ଏକ ମେଡିସିନ୍ ଷ୍ଟୋରରେ ମଧ୍ୟ ଭିଡିଲାନ୍ସ ଚଢ଼ାଉ କରିଛି । ସାରା ଓଡ଼ିଶାରେ ତାଙ୍କର ମୋଟ୍ ୪୨ଟି ପ୍ଲଟ୍ ରହିଥିବାବେଳେ କେବଳ ଯାଜପୁରପୁରରେ ରହିଛି ୩୨ଟି ପ୍ଲଟ୍ । ତାଙ୍କର ମୋଟ୍ ୮୮ ଲକ୍ଷ ଟଙ୍ରକାର ଫିକ୍ସ ଡିପୋଜିଟ୍ ମଧ୍ୟ ରହିଛି ।