ଭୁବନେଶ୍ବର,୧।୫ :  କାଳବୈଶାଖୀ ପ୍ରଭାବରେ ବର୍ଷା ସହ କୁଆପଥର ମାଡ଼ ହେବାରୁ ଭିସ୍ତାରା ବିମାନର ଓ୍ବିଣ୍ଡସିଲ୍ ଭାଙ୍ଗି ଯାଇଥିଲା। ଫଳରେ  ଭୁବନେଶ୍ବର ଏୟାରପୋର୍ଟରେ ଏହାକୁ ଜରୁରୀ ଅବତରଣ କରାଯାଇଛି। 

ଭୁବନେଶ୍ୱରରୁ ଦିଲ୍ଲୀ ଅଭିମୁଖେ ଉଡ଼ାଣ ଭରିଥିଲା  ଭିସ୍ତାରା ବିମାନ । ମଧ୍ୟାହ୍ନ ୧.୪୫ରେ ବିମାନଟି  ଟେକ ଅପ କରିଥିଲା । ଟେକଅପ୍‌ କରିବାର ୧୦ ମିନିଟ ପରେ କୁଆପଥର ମାଡ଼ ଯୋଗୁ ବିମାନକୁ ଜରୁରୀ ଅବତରଣ କରିବାକୁ ପଡିଥିଲା। କୁଆପଥର ମାଡ଼ ଯୋଗୁଁ ବିମାନର ୱିଣ୍ଡସିଲ୍‌ ଭାଙ୍ଗି ଯାଇଥିଲା।  ପରିସ୍ଥିତି ଜଟିଳ ହୋଇ ପଡିଥିବାରୁ  ବିମାନକୁ ଜରୁଲୀ ଅବତରଣ କରାଇଲା ଏଟିସି। ତେବେ ବିମାନର ୧୬୧ ଯାତ୍ରୀ ସୁରକ୍ଷିତ ଅଛନ୍ତି।ଯାତ୍ରୀଙ୍କ ପାଇଁ ଅଲଗା ବିମାନ ବ୍ୟବସ୍ଥା କରାଯିବ ବୋଲି ଏୟାରପୋର୍ଟ ନିର୍ଦେଶକ ପ୍ରଶନ୍ନ ପ୍ରଧାନଙ୍କ ସୂଚନା ଦେଇଛନ୍ତି।