ଚେନ୍ନାଇ,୨୮/୦୪: ଚେନ୍ନାଇର ଏମ୍.ଚିଦାମ୍ବରମ୍ ଷ୍ଟାଡିୟମରେ ଆଇପିଏଲ୍ ୨୦୨୪ର ୪୬ ତମ ମ୍ୟାଚ୍ ଚେନ୍ନାଇ ସୁପର କିଙ୍ଗ୍ସ ଓ ସନ୍ରାଇଜର୍ସ ହାଇଦ୍ରାବାଦ ମଧ୍ୟରେ ଖେଳାଯାଇଛି। ପ୍ରଥମେ ଟସ୍ ଜିତି ବୋଲିଂ ନିଷ୍ପତ୍ତି ନେଇଥିଲା ହାଇଦ୍ରାବାଦ। ତେବେ ପ୍ରଥମେ ମଇଦାନକୁ ଓହ୍ଲାଇଥିବା ଚେନ୍ନାଇ ନିର୍ଦ୍ଧାରିତ ଓଭରରେ ୩ ଓ୍ବିକେଟ ହରାଇ ୨୧୨ ରନ୍ କରିଛି। ଦଳ ପକ୍ଷରୁ ଋତୁରାଜ ଗାଏକ୍ବାଡ ସର୍ବାଧିକ ୯୮ ରନ୍ର ବିସ୍ପୋରକ ଇନିଂସ ଖେଳିଥିଲେ। ଶତକ ପୂରା କରିବାକୁ ଦୁଇ ରନ୍ ଥିବା ବେଳେ ଟି ନଟରାଜନ ତାଙ୍କୁ ପାଭିଲିୟନ ପଠାଇଥିଲେ। ଗାଏକ୍ବାଡ ୫୪ ବଲ୍ରେ ୩ ଛକା ୧୦ଟି ଚୌକା ସହିତ ୯୮ ରନ୍ କରିଥିଲେ। ସେହିପରି ଦଳ ପକ୍ଷରୁ ଡିରେଲ୍ ମିଚେଲ୍ ୩୨ ବଲ୍ରେ ୭ ଚୌକା ଓ ଗୋଟିଏ ଛକା ସହାୟତାରେ ୫୨ ରନ୍ର ଅର୍ଦ୍ଧଶତକୀୟ ପାଳି ଖେଳିଥିଲେ। ଶିବମ ଦୁବେ ୨୦ ବଲ୍ରେ ଗୋଟିଏ ଚୌକା ଓ ୪ଟି ଛକା ସହାୟତାରେ ୩୯ ରନ୍ ଓ ମହେନ୍ଦ୍ର ସିଂ ଧୋନୀ ମାତ୍ର ଦୁଇଟି ବଲ୍ ଖେଳି ଗୋଟିଏ ଚୌକା ସହାୟତାରେ ୫ ରନ୍ ସଂଗ୍ରହ କରି ଅପରାଜିତ ରହିଥିଲେ।
ହାଇଦ୍ରାବାଦ ପକ୍ଷରୁ ଭୁବେନଶ୍ବର କୁମାର ୪ ଓଭର ବୋଲିଂ କରି ୩୮ରନ୍ ଦେଇ ଗୋଟିଏ ଓ୍ବିକେଟ ନେଇଥିଲେ। ସେହିପରି ଟି ନଟରାଜନ ୪ ଓଭର ବୋଲିଂ କରି ୪୩ ରନ୍ ଦେଇ ଗୋଟିଏ ଓ୍ବିକେଟ ନେଇଥିଲେ। ସେହିପରି ଜୟଦେବ ଉଦାନକଟ ୪ ଓଭର ବୋଲିଂ କରି ୩୮ ରନ୍ ଦେଇଥିଲେ। ତେବେ ଚେନ୍ନାଇ ଦେଇଥିବା ୨୧୩ ରନ୍ର ବିଜୟ ଲକ୍ଷ୍ୟକୁ ହାସଲ କରିବାକୁ ଏବେ ମଇଦାନକୁ ଓହ୍ଲାଇବ ଟିମ୍ ହାଇଦ୍ରାବାଦ।
