ମୁମ୍ୱାଇ : ବଲିଉଡ୍ର ଡିମ୍ପଲ ଗର୍ଲ ପ୍ରୀତି ଜିଣ୍ଟା ପୁଣି ଥରେ ବଡ଼ ପରଦାକୁ ଫେରିବାକୁ ଯାଉଛନ୍ତି। ପ୍ରୀତି ଜିଣ୍ଟା ନିଜର ଅପକମିଂ ଫିଲ୍ମ ପାଇଁ ସୁଟ୍ ବି ଆରମ୍ଭ କରି ଦେଇଛନ୍ତି। ଏହି ମଧ୍ୟରେ ପ୍ରୀତି ଜିଣ୍ଟା ଫିଲ୍ମ ସେଟ୍ରୁ କିଛି ଫଟୋ ସେୟାର କରିଛନ୍ତି। ପ୍ରୀତି ଜିଣ୍ଟା ନିକଟରେ ଆମିର ଖାନଙ୍କ ପ୍ରଡକ୍ସନ ହାଉସ୍ରେ ତିଆରି ଫିଲ୍ମ ଲାହୋର ୧୯୪୭ ର ସେଟ୍ରୁ କିଛି ଫଟୋ ସେୟାର କରି ପ୍ରଶଂସକଙ୍କୁ ଏହି ଗୁଡ୍ ନ୍ୟୁଜ୍ ଦେଇଛନ୍ତି।
ପ୍ରୀତି ଜିଣ୍ଟା ନିଜର ଇନଷ୍ଟାଗ୍ରାମ୍ରେ ସେଟ୍ର ୪ଟି ଫଟୋ ସେୟାର କରିଛନ୍ତି। ପ୍ରଥମ ଫଟୋରେ ଫିଲ୍ମର କ୍ଲିପ୍ ବୋର୍ଡରେ ଆମିର ଖାନଙ୍କ ପ୍ରଡକ୍ସନ ପ୍ରାଇଭେଟ୍ ଲିମିଟେଡ୍ ଲେଖା ହୋଇଛି। ଏହାର ତଳେ ଲାହୋର ୧୯୪୭ ଲେଖା ହୋଇଛି। କ୍ଲିପ୍ ବୋର୍ଡରେ ଆପଣଙ୍କୁ ଡାଇରେକ୍ଟର ରାଜକୁମାର ସନ୍ତୋଷୀଙ୍କ ନାଁ ମଧ୍ୟ ଦେଖାଯିବ।
ପ୍ରୀତି ଜିଣ୍ଟା ନିଜ ପୋଷ୍ଟରେ ରାଜକୁମାର ସନ୍ତୋଷୀଙ୍କ ସହ ମଧ୍ୟ କିଛି ଫଟୋ ସେୟାର କରିଛନ୍ତି , ଯେଉଁଥିରେ ଦୁହେଁ ହସୁ ଥିବାର ପୋଜ୍ ଦେଉ ଥିବାର ନଜର ଆସୁଛି। ପ୍ରୀତି ଜିଣ୍ଟା ଦୀର୍ଘ ଦିନ ପରେ ବଡ଼ ପରଦାକୁ ଫେରିବାକୁ ଯାଉଛନ୍ତି।
ଉଲ୍ଲେଖନୀୟ ଯେ, ଫିଲ୍ମରେ ଲିଡ୍ ରୋଲ୍ରେ ପ୍ରୀତି ଜିଣ୍ଟାଙ୍କ ସହ ସନି ଦେଓଲ ନଜର ଆସିବେ। ଏହା ପୂର୍ବରୁ ସନି ଦେଓଲ ଓ ପ୍ରୀତି ଜିଣ୍ଟା ହିରୋ : ଲଭ୍ ଷ୍ଟୋରୀ ଅଫ୍ ଏ ସ୍ପାଇ ଓ ଫର୍ଜ ଭଳି ସିନେମାରେ ଏକାଠି ନଜର ଆସି ଥିଲେ। ପ୍ରୀତି ଜିଣ୍ଟା ଶେଷଥର ଫିଲ୍ମ ଭୈୟାଜୀ ସୁପରହିଟ୍ ରେ ଦେଖା ଦେଇଥିଲେ। ଏହି ଫିଲ୍ମରେ ମଧ୍ୟ ପ୍ରୀତି ଜିଣ୍ଟାଙ୍କ ସହ ସନି ଦେଓଲ ଅଭିନୟ କରି ଥିଲେ।
କହି ରଖୁଛି କି, ଏହା ପ୍ରଥମ ଥର ହେବ ଯେବେ ସନି ଦେଓଲ, ଆମିର ଖାନ ଓ ରାଜକୁମାର ସନ୍ତୋଷୀ ଏକାଠି କୌଣସି ଏକ ଫିଲ୍ମରେ କାମ କରୁଛନ୍ତି। ପିଙ୍କଭିଲାର ଏକ ରିପୋର୍ଟ ମୁତାବିକ, ଏହି ଫିଲ୍ମରେ ଭିକ୍କି କୌଶଳ ଶିଳ୍ପା ସେଟ୍ଟି କୁନ୍ଦ୍ରା , ଅଲି ଫଜଲ , ଶବାନା ଆଜମୀ , ମିଥୁନ ଚକ୍ରବର୍ତ୍ତୀ ଓ ସନି ଦେଓଲଙ୍କ ବଡ଼ ପୁଅ କରଣ ଦେଓଲ ମଧ୍ୟ ନଜର ଆସିବେ।
