ନୂଆଦିଲ୍ଲୀ,୧/୫ : ୨୦୦୮ ମସିହାରେ ଶାହରୁଖ ଖାନଙ୍କ ସହ ୟଶରାଜଙ୍କ ଫିଲ୍ମ ‘ରବ ନେ ବନା ଦି ଜୋଡ଼ି’ରୁ ବଲିଉଡ଼ରେ ଡେବ୍ୟୁ କରିଥିବା ଅନୁଷ୍କା ଶର୍ମା ଆଜି ଷ୍ଟାରଡମ୍ ମାମଲାରେ ଶାହରୁଖ ଖାନଙ୍କୁ ଟକ୍କର ଦେଇଥାନ୍ତି । ଅନୁଷ୍କା ଗତ କିଛି ବର୍ଷରୁ ଫିଲ୍ମ ପର୍ଦାରୁ ଦୂରରେ ଅଛନ୍ତି । କିନ୍ତୁ ତାଙ୍କ ଷ୍ଟାରଡମ୍ ଉପରେ କୌଣସି ଆଞ୍ଚ ଆସିନାହିଁ ଏବଂ ସେ ଆଜି ବି କୋଟି କୋଟି ହୃଦୟରେ ରାଜ କରୁଛନ୍ତି । ଆୟର ମାମଲାରେ ବି ଅନୁଷ୍କା ଫିଲ୍ମ ଇଣ୍ଡଷ୍ଟ୍ରିରେ କେତେକ ମେଲ୍ ଷ୍ଟାର୍ସଙ୍କୁ ଟକ୍କର ଦେଇଥାନ୍ତି ।
ଫିଲ୍ମରେ ଷ୍ଟାର୍ ହେବା ପରେ ଏକ ଶ୍ୟାମ୍ପୁର ଆଡ୍ ଲାଗି ସେ ଟିମ୍ ଇଣ୍ଡିଆର ଧୂଆଁଧାର ଖେଳାଳୀ ବିରାଟ କୋହଲୀଙ୍କୁ ଭେଟିଥିଲେ ତ ଉଭୟେ ପ୍ରେମ କରି ବସିଥିଲେ । କିଛି ବର୍ଷ ପର୍ଯ୍ୟନ୍ତ ଡେଟ୍ କରିବା ପରେ ୨୦୧୭ରେ ଉଭୟେ ବିବାହ ବନ୍ଧନରେ ବାନ୍ଧି ହୋଇଥିଲେ । ୨୦୨୧ରେ ଅନୁଷ୍କା ଝିଅ ବାମିକାଙ୍କ ଜନ୍ମ ଦେଇଥିଲେ ଏବଂ ଏବେ ଫେବୃଆରୀ ୨୦୨୪ରେ ଝିଅ ଅକାୟଙ୍କ ଜନ୍ମ ହୋଇଛି । ସୂଚନା ମୁତାବକ ବିରାଟ ଏବଂ ଅନୁଷ୍କାଙ୍କ ପ୍ରାୟ ନେଟଓ୍ବର୍ଥ ୧୩୦୦କୋଟି ପାଖାପାଖି ହେବ । ଏଥିରୁ ଅନୁଷ୍କାଙ୍କ ସମ୍ପତ୍ତି ୨୫୫କୋଟି ହେବ ।
ଅନୁଷ୍କାଙ୍କ ନିଜର ପ୍ରଡକ୍ଶନ ହାଉସ ବି ଅଛି । ଏହା ବ୍ୟତୀତ ସେ ଫିଲ୍ମ ଏବଂ ବ୍ରାଣ୍ଡ ଏଣ୍ଡୋର୍ସମେଣ୍ଟରୁ ବି ଆୟ କରିଥାନ୍ତି । ଏକ ଫିଲ୍ମ ଲାଗି ସେ ୧୦-୧୫କୋଟି ଟଙ୍କା ଚାର୍ଜ କରିଥାନ୍ତି । ଏକ ଆଡ଼୍ ଲାଗି ପ୍ରାୟ ୩କୋଟି ଟଙ୍କା ସେ ନେଇଥାନ୍ତି । ଇନଷ୍ଟାରେ ଏକ ପୋଷ୍ଟ କରିବା ଲାଗି ଅନୁଷ୍କା ୯୫ଲକ୍ଷ ଟଙ୍କା ନେଇଥାନ୍ତି । ନିଜ କ୍ଲୋଦିଂ ବ୍ରାଣ୍ଡ ନୁଶରୁ ବି ସେ ଆୟ କରିଥାନ୍ତି, ଯାହାର ସେ ମାଲିକାଣୀ ଅଟନ୍ତି ।
ବିରାଟ ଏବଂ ଅନୁଷ୍କା ଉଭୟେ ଲଗଜୁରୀ ଲାଇଫ ଷ୍ଟାଇଲ୍ ନିଭାଇଥାନ୍ତି । ନିଜ ପର୍ସନାଲ ବଡିଗାର୍ଡଙ୍କୁ ବିରାଟ ଏବଂ ଅନୁଷ୍କା ବର୍ଷକୁ ୧.୫କୋଟି ଟଙ୍କା ଦେଇଥାନ୍ତି । ଅନୁଷ୍କାଙ୍କ ପାଖରେ ରେଞ୍ଜ ରୋବଲଠାରୁ ନେଇ ଅଡି ପର୍ଯ୍ୟନ୍ତ କେତେକ ଲଗଜୁରୀ କାର୍ ବି ଅଛି, ଯାହାର ଦାମ୍ କୋଟି କୋଟି ଟଙ୍କା ।
