କୋଲକାତା- ଆଇପିଏଲର ୧୭ତମ ସଂସ୍କରଣର ୪୨ତମ ମ୍ୟାଚରେ ପଞ୍ଜାବ କିଙ୍ଗସ, କୋଲକାତା ନାଇଟ୍ ରାଇଡର୍ସ (କେକେଆର)କୁ ୮ ୱିକେଟ୍ରେ ହରାଇଛି। ମ୍ୟାଚରେ କୋଲକାତା, ପଞ୍ଜାବକୁ ବିଜୟ ପାଇଁ ୨୬୧ ରନ୍ର ଟାର୍ଗେଟ୍ ଦେଇଥିଲା , ଯାହାକୁ ସେ ୮ଟି ବଲ ବାକି ଥାଇ ହାସଲ କରି ନେଇଛି। ଟି-୨୦ କ୍ରିକେଟ୍ ଓ ଆଇପିଏଲ ଇତିହାସର ଏହା ସବୁଠୁ ସଫଳତମ ରନଚେଜ୍ ହୋଇଛି।
କୋଲକାତା ବ୍ୟାଟ୍ସମ୍ୟାନଙ୍କ ବିସ୍ଫୋରକ ପ୍ରଦର୍ଶନ ... ପଞ୍ଜାବକୁ ୨୬୨ ରନ୍ର ବିଜୟ ଲକ୍ଷ୍ୟ ଦେଲା କେକେଆଇ
ଆଇପିଏଲର ଆଜିର ( ୨୬ ଅପ୍ରେଲ) ମ୍ୟାଚ୍ କୋଲକାତାର ଇଡେନ ଗାର୍ଡେନ୍ସରେ ଖେଳା ଯାଇଥିଲା। କୋଲକାତା ନାଇଟ୍ ରାଇଡର୍ସ (କେକେଆଇ) ଓ ପଞ୍ଜାବ କିଙ୍ଗସ ( ପିବିକେଏସ) ମୁହାଁମୁହିଁ ହୋଇଥିଲେ । ଏହି ମୁକାବିଲାରେ କୋଲକାତା ପଞ୍ଜାବକୁ ବିଜୟ ପାଇଁ ୨୬୨ ରନ୍ର ଟାର୍ଗେଟ୍ ଦେଇ ଥିଲା।
ପଞ୍ଜାବ କିଙ୍ଗସର ବିଜୟର ହିରୋ ସାଜିଥିଲେ ଜନି ବେୟରଷ୍ଟୋ । ବେୟରଷ୍ଟୋ ୪୮ଟି ବଲରେ ଅପରାଜେୟ ୧୦୮ ରନ୍ କରିଥିଲେ। ସେ ୯ଟି ଛକା ଓ ୮ଟି ଚୌକା ମାରିଛନ୍ତି। ଶଶାଙ୍କ ସିଂହ ମଧ୍ୟ ୨୮ଟି ବଲରେ ଅପରାଜେୟ ୬୮ରନର ପାଳି ଖେଳିଥିଲେ।
ଟସ୍ ହାରି ପ୍ରଥମେ ବ୍ୟାଟିଂ କରି କୋଲକାତା ନାଇଟ୍ ରାଇଡର୍ସ ୬ ୱିକେଟ୍ରେ ୨୬୧ ରନ୍ କରିଥିଲା । କୋଲକାତା ପାଇଁ ଫିଲ୍ ସାଲ୍ଟ ସବୁଠୁ ଅଧିକ ୩୭ଟି ବଲରେ ୭୫ ରନ୍ର ପାଳି ଖେଳିଥିଲେ । ସାଲ୍ଟ ଏହି ସମୟରେ ୬ଟି ଛକା ଓ ୬ଟି ଚୌକା ମାରିଥିଲେ । ସେପଟେ ସୁନିଲ ନରେନ ୭୧ ରନ୍ କରିଥିଲେ। ନରେନ ୩୨ଟି ବଲ୍ରେ ପାଳିରେ ୯ଟି ଚୌକା ଓ ୪ଟି ଛକା ମାରିଥିଲେ।
ନରେନ-ସାଲ୍ଟ ମିଶି ୧୦.୨ ଓଭରରେ ୧୩୮ ରନ୍ର ଓପନିଂ ପାର୍ଟନରସିପ୍ ଖେଳି ଥିଲେ। ଭେଙ୍କଟେଶ ଆୟର ମଧ୍ୟ ୩ଟି ଚୌକା ଓ ଦୁଇଟି ଛକା ସାହାଯ୍ୟରେ ୩୯ ରନ୍ କରିଥିଲେ। ଏହା ବ୍ୟତୀତ ଆନ୍ଦ୍ରେ ରସେଲ (୨୪) ଓ ଶ୍ରେୟସ ଆୟର (୨୮) ମଧ୍ୟ ବିସ୍ଫୋରକ ପାଳି ଖେଳିଥିଲେ। ପଞ୍ଜାବ ପାଇଁ ଅର୍ଶଦୀପ ସିଂହ ସବୁଠୁ ଅଧିକ ଦୁଇଟି ୱିକେଟ୍ ନେଇଥିଲେ।
