କେନ୍ଦ୍ରାପଡ଼ା, ୨୭।୪: କେନ୍ଦ୍ରାପଡ଼ା ଜିଲ୍ଲା ମହାକାଳପଡ଼ା ଥାନା ଅନ୍ତର୍ଗତ ବନ୍ଧପଡ଼ା ଗ୍ରାମରେ ଅଘଟଣ । ଗ୍ରାମ ନିକଟ ଦେଇ ବହିଯାଇଥିବା ଲୁଣା ନଦୀରେ ୨ ଜଣ ନାବାଳିକା ଝିଅ ଗାଧୋଇ ଯାଇଥିବା ବେଳେ ଦୁହେଁ ନଦୀର ପ୍ରଖର ସ୍ରୋତରେ ଭାସିଯାଇଥିଲେ । ଏହି ଦୁଇ ନାବାଳିକାଙ୍କ ମଧ୍ୟରୁ ଅଭିଲିପ୍ସା ବେହେରା(ଲଭଲି) ନିଖୋଜ ଥିବାବେଳେ ରାଜଲଖ୍ମୀ ସେଠୀ ନାମକ ଅନ୍ୟ ଜଣେ ନାବାଳିକାଙ୍କୁ ଉଦ୍ଧାର କରିଛନ୍ତି ସ୍ଥାନୀୟ ଲୋକେ । ନିଖୋଜ ଅଭିଲିପ୍ସା ନବମ ଶ୍ରେଣୀର ଛାତ୍ରୀ ବୋଲି ଜଣାପଡ଼ିଛି । ଖବରପାଇ ଅଗ୍ନିଶମ ବିଭାଗର କର୍ମଚାରୀ ଉଦ୍ଧାର କାର୍ଯ୍ୟ ପାଇଁ ନିୟୋଜିତ ଥିବା ବେଳେ ବର୍ତ୍ତମାନ ପର୍ଯ୍ୟନ୍ତ ନାବାଳିକାଙ୍କର କୌଣସି ପତ୍ତା ମିଳିପାରିନାହିଁ ।