ଭୁବନେଶ୍ୱର,୧୯/୦୪: ନିଦରୁ ଉଠି ଆଖି ଖୋଲିଲାବେଳକୁ ଟାଏଁ ଟାଏଁ ଖରା। ସକାଳ ସାଢ଼େ ୮ଟାରେ ଏହି ତାତିରେ ଦେହ ହାତ ପୋଡ଼ି ଗଲା ଭଳି ଲାଗୁଛି। ଉତ୍ତପ୍ତ ସହର ପାଲଟିଛି ତାଳଚେର। ସକାଳୁ ପାରଦ ୩୫ ଡିଗ୍ରୀ ଉପରେ ରହିଛି। ସେହିଭଳି ୧୪ ସହର ୩୦ ଡିଗ୍ରୀ ଉପରେ ରହିଥିବା ଆଞ୍ଚଳିକ ପାଣିପାଗ ବିଭାଗ ରେକର୍ଡ କରିଛି। ଆହୁରି ୪୮ ଘଣ୍ଟା ନିର୍ଘାତ ତାତି ସହ ଗୁଳୁଗୁଳି କଲବଲ କରିବ।
ପାଣିପାଗ ବିଭାଗ ଅନୁଯାଇ, ସକାଳ ସାଢ଼େ ୮ଟା ସୁଦ୍ଧା ତାଳଚେରରେ ୩୫ ଡିଗ୍ରୀ, ଭବାନୀପାଟଣାରେ ୩୪.୫ଡିଗ୍ରୀ, ଟିଟିଲାଗଡ଼ରେ ୩୩.୪ଡିଗ୍ରୀ, ଝାରସୁଗୁଡାରେ ୩୩ ଡିଗ୍ରୀ, ବାରିପଦାରେ ୩୩ ଡିଗ୍ରୀ, ବାଲେଶ୍ୱରରେ ୩୨.୨ ଡିଗ୍ରୀ,ଭୁବନେଶ୍ୱରରେ ୩୧.୮ ଡିଗ୍ରୀ, ଚାନ୍ଦବାଲିରେ ୩୧.୬ ଡିଗ୍ରୀ,କେନ୍ଦୁଝରରେ ୩୧.୬ ଡିଗ୍ରୀ, ସମ୍ବଲପୁରରେ ୩୧.୬ ଡିଗ୍ରୀ, ପୁରୀରେ ୩୧ ଡିଗ୍ରୀ, ବୌଦ୍ଧରେ ୩୧ ଡିଗ୍ରୀ, ରାଉରକେଲାରେ ୩୦.୮ ଡିଗ୍ରୀ, ପାରାଦ୍ୱୀପରେ ୩୦ ଡିଗ୍ରୀ ରେକର୍ଡ କରାଯାଇଛି।