ଗୋପାଳପୁର,୧୩/୦୭:ଗଞ୍ଜାମ ଜିଲ୍ଲା ମାଣ୍ଡିଆପଲ୍ଲୀସ୍ଥିତ ମତ୍ସ୍ୟ ବିଜ୍ଞାନ ମହାବିଦ୍ୟାଳୟରେ ଆଜି ଦ୍ୱିତୀୟ ଭାରତୀୟ ମତ୍ସ୍ୟ ଚାଷର ମହାକୁମ୍ଭ ଅନୁଷ୍ଠିତ ହୋଇଯାଇଛି। ଏଥିରେ ମୁଖ୍ୟ ଅତିଥି ଭାବେ ଓଡ଼ିଶା ସରକାରଙ୍କ ପରିବହନ ମନ୍ତ୍ରୀ ବିଭୂତି ଭୂଷଣ ଜେନା ଯୋଗ ଦେଇ ଭାରତୀୟ ମତ୍ସ୍ୟ ପାଳନ ଉପରେ ଆଲୋକପାତ କରିଥିଲେ । ଏଥିସହ ମତ୍ସ୍ୟ ଚାଷ ଓ ଉତ୍ପାଦନରେ ଦେଶର ଶ୍ରେଷ୍ଠ ସ୍ଥାନରେ ସ୍ଥାନ ପାଇବା ପାଇଁ ଚେଷ୍ଟା କରିବାକୁ କହିଥିଲେ। ଆଗାମୀ ଦିନରେ ମତ୍ସ୍ୟ ବିଭାଗର ଉନ୍ନତି ନିମନ୍ତେ ସରକାରଙ୍କ ନିଆଯାଉଥିବା ପଦକ୍ଷେପ ବିଷୟରେ ଆଲୋକପାତ କରିଥିଲେ।
ଭୁବନେଶ୍ୱର ଓ ୟୁ ଏ.ଟିର କୁଳପତି ପ୍ରଫେସର ପ୍ରଭାତ କୁମାର ରାଉଳ,କଲିକତା ଆଇସିଏଆରର ନିର୍ଦ୍ଧେଶକ ଡ଼.ବସନ୍ତ କୁମାର ଦାଶ,ହାଇଦ୍ରାବାଦର ଏନଏଫଡ଼ିବିର ମୁଖ୍ୟ ନିର୍ବାହୀ ଅଧିକାରୀ ଡ଼.ବିଜୟ କୁମାର ବେହେରା,ପ୍ରଫେସର ନିରଞ୍ଜନ ପଣ୍ଡା ,ଓ ୟୁ ଏ ଟି ର ପ୍ରଫେସର ପ୍ରସଂଜିତ୍ ମିଶ୍ର,କଲେଜର ଅଧ୍ୟକ୍ଷ ପ୍ରଫେସର ସନ୍ତୋଷ କୁମାର ଉଦ୍ଗାତା ପ୍ରମୁଖ ମଂଚାସୀନ ଥିଲେ। ଏହି ଅବସରରେ ସଫଳ ମତ୍ସ୍ୟ ଚାଷୀ ଭାବେ ବାଲେଶ୍ଵରର ଅନନ୍ତ କୁମାର ଦଣ୍ଡପାଠ,ଜଗବନ୍ଧୁ ବାର,ଛତ୍ରପୁରର ସୁରେଶ କୁମାର ବେହେରା,ସୁକାନ୍ତ କୁମାର ପାଣିଗ୍ରାହୀ, ପୁରଶୋତ୍ତମପୂର୍ ର ତ୍ରିନାଥ ପ୍ରଧାନ ବୈଜ୍ଞାନିକ ଭାବେ ବମ୍ବେର ସି ଆଇ ଏଫ୍ ଇ ର ପୂର୍ବତନ କୁଳପତି ଜି.ଗୋପାଳ କ୍ରିଷ୍ଣନାନ ଙ୍କୁ ସ୍ମୃତି ଉପହାର ଦେଇ ସମ୍ମାନିତ କରାଯାଇଥିଲା।
