ପାଟଣା,୨୮।୧ :  ସରକାରୀ ଚାକିରୀ କରାଇଦେବା ଆଳରେ କେନ୍ଦୁଝର ଜିଲ୍ଲା ତୁରୁମୁଙ୍ଗା ପୋଲିସ ଜଣଙ୍କୁ  ଗିରଫ କରିଛି । ଗିରଫ ଯୁବକ ଜଣକ ହେଲେ ସଦର ଥାନା କୁମୁଣ୍ଡି  ତଳଜାଗରର ଦେବାନନ୍ଦ ମହାନ୍ତ । 

ଦେବାନନ୍ଦ ପ୍ରଥମେ  ଭୁବନେଶ୍ୱରରେ ଏକ କୋଚିଂ ସେଣ୍ଟର ଅନଲାଇନ କୋଚିଂ ନେଉଥିଲେ। ଏହି ସମୟରେ ଏକ ଆପ ମାଧ୍ୟମରେ ଆଶାୟୀ ଙ୍କ ଫୋନ ନମ୍ବର ସଂଗ୍ରହ କରି ଫୋନ ଯୋଗେ କଥା ହୋଇଥିଲା। ଟଙ୍କା ଦେଲେ  ହାଇସ୍କୁଲ ରେ ଖେଳ ଶିକ୍ଷକ, ଆରଆଇ ,ଏବଂ ପିଇଓ  ପଦବୀରେ ସରକାରୀ ଚାକିରୀ ହୋଇଯିବ ବୋଲି ପ୍ରତିଶ୍ରୁତି ଦେଇଥିଲା। ପ୍ରାର୍ଥୀଙ୍କ ଠାରୁ ସମସ୍ତ ସାର୍ଟିଫିକେଟ ନେବା ସହ ଟଙ୍କ ନେଇଥିଲା। କାହାଠାରୁ ନଗଦ ଆକାରରେ , ଏକାଉଣ୍ଟ ମାଧ୍ୟମରେ  ଏବଂ ୟୁପିଆଇ ପେ ଜରିଆରେ କାହାଠାରୁ   ୩ଲକ୍ଷ, ୮ ଲକ୍ଷ ,୨ ଲକ୍ଷ ଟଙ୍କା  ଏଭଳି ଭାବରେ ଲକ୍ଷାଧିକ ଟଙ୍କା ଠକି ନେଇଥିଲା । ଏଥି ସହ ଚାକିରୀ ନ ମିଳିଲେ ପଇସା ଫେରସ୍ତ କରାଇବା ନେଇ କୋର୍ଟ ପେପରରେ ମଧ୍ୟ ଚୁକ୍ତି କରି ଆଶାୟୀ ପ୍ରାର୍ଥୀଙ୍କୁ ଦେଇଥିଲା। 

ତେବେ ଓଏସଏସଟିଇଟି ପରୀକ୍ଷା ରେ ପ୍ରାର୍ଥୀ ଙ୍କ କମ ନମ୍ବର ଆସିବାରୁ ସନ୍ଦେହ ଉପୁଜିବା ପରେ ଆଶାୟୀ ପ୍ରାର୍ଥୀ ଠକାମୀର ଶିକାର ହୋଇଥିବା ଜାଣିବାକୁ ପାଇଥିଲେ।  ଏନେଇ  ଠକାମୀରେ ଶିକାର ହୋଇଥିବା ଆଶାୟୀ ତୁରୁମୁଙ୍ଗା ଥାନାରେ ଅଭିଯୋଗ କରିବା ପରେ ପୋଲିସ ଦେବାନନ୍ଦଙ୍କ ଗିରଫ କରି କୋର୍ଟ ଚାଲାଣ କରିଛି।