ନୂଆଦିଲ୍ଲୀ : ଡିବ୍ରୁଗଡ ଜେଲ୍ରେ ବନ୍ଦୀ ଖଲିସ୍ତାନୀ ସମର୍ଥକ ଶ୍ରୀ ଖଡୁର ସାହିବରୁ ନିର୍ଦଳୀୟ ସାଂସଦ ଅମୃତପାଳ ସିଂହ ଓ ଫରିଦାକୋଟ ସଂସଦୀୟ କ୍ଷେତ୍ରରୁ ନିର୍ଦଳୀୟ ସାଂସଦ ସରବଜିତ ସିଂହ ଖାଲସା ନିଜର ନୂଆ ପାର୍ଟିର କରିଛନ୍ତି ଘୋଷଣା। ଶନିବାର ସାଂସଦ ସରବଜିତ୍ ସିଂହ ଖାଲସା ଘୋଷଣା କରିଛନ୍ତି ଯେ, ତାଙ୍କର ଏହି ନୂଆ ପାର୍ଟିର ନାଁ ଶିରୋମଣି ଅକାଳୀ ଦଳ ଆନନ୍ଦପୁର ସାହିବ ହେବ, ଯାହାର ଔପଚାରିକ ଘୋଷଣା ୧୪ ଜାନୁଆରୀରେ ମୁକ୍ତସରର ମାଘ ମେଳାରେ ହେବାକୁ ଥିବା ‘ପନ୍ଥ ପଚାଓ-ପଞ୍ଜାବ ବଚାଓ’ କନଫରେନ୍ସରେ କରାଯିବ। ସେ କହିଛନ୍ତି କି, ପଞ୍ଜାବକୁ ବଞ୍ଚାଇବା ପାଇଁ ଏକ ନୂଆ ରାଜନୀତିକ ପାର୍ଟିର ଗଠନ ଜରୁରୀ ଥିଲା। ଶ୍ରୀ ଖଡୁର ସାହିବରୁ ସାଂସଦ ଅମୃତପାଲ ସିଂହ ଖାଲସା ଓ ତାଙ୍କ ପରିବାରର ସହଯୋଗରେ ଏହି ନୂଆ ରାଜନୀତିକ ପାର୍ଟି ମାଧ୍ୟମରେ ପଞ୍ଜାବକୁ ରକ୍ଷା କରିବାକୁ ପ୍ରୟାସ କରାଯିବ।
ସାଂସଦ ସରବଜିତ ସିଂହ ଖାଲସା କହିଛନ୍ତି କି, ତାଙ୍କର ନୂଆ ପାର୍ଟି ଶିରୋମଣି ଅକାଳୀ ଦଳ ଆନନ୍ଦପୁର ସାହିବରେ ପଞ୍ଜାବର ଭଲ ବିଚାରର ଓ ଭଲ ଚରିତ୍ରର ଲୋକ ସାମିଲ ହେବେ , ଯିଏ ପଞ୍ଜାବକୁ ବଞ୍ଚାଇବାକୁ ଚାହାନ୍ତି। ସେ କହିଛନ୍ତି କି, ତାଙ୍କର ଦଳ ରାଜ୍ୟକୁ ଅଧିକ ଅଧିକାରର ରାଜନୀତିକ ସ୍ତରରେ ଲଢେଇ ହେବ। ଏହି ନୂଆ ପାର୍ଟିର ଉଦ୍ଦେଶ୍ୟ ପଞ୍ଜାବର ଲୋକଙ୍କୁ ଆଉ ଏକ ବିକଳ୍ପ ଦେବାର ଅଛି। ଅମୃତପାଲ ସିଂହଙ୍କ ପିତା ତରସେମ୍ ସିଂହଙ୍କର କହିବା ହେଲା କି, ପଞ୍ଜାବ ନିଶାର ଜାଲରେ ଫସି ଯାଇଛି, ଧର୍ମ ପରିବର୍ତ୍ତନ ହେଉଛି, ଚାଷୀଙ୍କ ମାମଲା ରହିଛି ଏବଂ ବନ୍ଦୀ ଶିଖ୍ଙ୍କ ମୁକ୍ତିର ମାମଲା ମଧ୍ୟ ରହିଛି। ଏହିସବୁ ମାମଲାକୁ ଆମେ ସମାଧାନ କରାଇବୁ।
ଅମୃତପାଲ ଗୋଷ୍ଠୀର ନୂଆ ପାର୍ଟିର ଘୋଷଣା ପରେ ପଞ୍ଜାବର ରାଜନୀତି କ୍ଷେତ୍ର ସରଗରମ ହୋଇଛି। ଗତବର୍ଷ ଲୋକସଭା ନିର୍ବାଚନ ବେଳେ ଅମୃତପାଲ ପଞ୍ଜାବର ଖଡୁର ସିଟ୍ରୁ ଜଣେ ନିର୍ଦଳୀୟ ପ୍ରାର୍ଥୀ ଭାବେ ନିର୍ବାଚନ ଲଢି ଥିଲେ। ଏହି ସମୟରେ ଅମୃତପାଲ ଖଡୁର ସାହିବ ସିଟ୍ରୁ ୪୦୪,୪୩୦ ଭୋଟ ହାସଲ କରିଥିଲେ। ଅମୃତପାଲ କଂଗ୍ରେସ ପ୍ରାର୍ଥୀ କୁଲବୀର ସିଂହ ଜୀରାଙ୍କ ଠାରୁ ୧୯୭,୧୨୦ ଭୋଟ୍ରେ ନିର୍ବାଚନ ଜିତି ଥିଲେ। ଏହା ପଞ୍ଜାବର ଲୋକସଭା ସିଟ୍ରେ କୌଣସି ବି ପ୍ରାର୍ଥୀଙ୍କ ସବୁଠୁ ବଡ଼ ବିଜୟ ଥିଲା। ବର୍ତ୍ତମାନ ସମୟରେ ସାଂସଦ ରାଷ୍ଟ୍ରୀୟ ସୁରକ୍ଷା ଆଇନ୍ ଅନ୍ତର୍ଗତ ଆସାମର ଡିବ୍ରୁଗଡ ଜେଲରେ ବନ୍ଦୀ ଅଛନ୍ତି।
